ထိုင်းရဲတို့၏ မသမာမှုများ (အပိုင်း ၄)

ဘီလူးကျွန်းသား
လော့စ်အိန်ဂျလိစ်တိုင်း 29, Jan, 1995

၁၉၉၂ခုနှစ်၊ ထိုင်းဝန်ကြီးချုပ် ချွန်လိပိုင်က ကလေးပြည့်တန်ဆာနှင့် အတင်းအကျပ် ပြည့်တန်ဆာ စေခိုင်းမှုအပေါ် နှိမ်နင်းဖြိုခွဲရန် ကြေညာချက်တစ်စောင်ထုတ်ပြန်ခဲ့သည်။ ယင်းကြေညာချက်ထုတ်ပြန်ခဲ့ပြီး တစ်ခုသောနေ့ရက်တွင် ထိုင်းတောင်ပိုင်းရှိ ဆောင်ခလောင်ပြည်နယ်၊ ပြည်နယ်ခန်းမ၌ လည်ပင်းလှီး သတ်ဖြတ်ခြင်းခံထားရသည့် မိန်းကလေးငယ်တစ်ဦး၏ အလောင်းကို တွေ့ရှိခဲ့ရလေသည်။ ယင်းမိန်းကလေးငယ်သည် ပြည့်တန်ဆာအိမ်တစ်လုံးမှ ထွက်ပြေးရန်ကြိုးပမ်းခဲ့သည့် မိန်းကလေးငယ်တစ်ဦးဖြစ်ကြောင်း သိရှိရပြီး ယင်းလူသတ်မှုတွင် ပါဝင်ခဲ့သည့် လူ(၆)ဦးအနက် ထိုင်းရဲ (၂)ဦးပါဝင်ခဲ့လေသည်။

စုံစမ်းစစ်ဆေးတွေ့ရှိချက်အရ ယင်းမိန်းကလေးငယ်အနေဖြင့် ထွက်ပြေးလွတ်မြောက် ရန် ကြိုးပမ်းစဉ်ကာလအတွင်း အခြားထိုင်းရဲ(၂)ဦးတို့က မိန်းကလေးငယ်အား ဖျောင်းဖျ အယုံသွင်း၍ ပြည့်တန်ဆာအိမ်ပိုင်ရှင်ထံမှ ချေးယူထား သည့်ငွေများ ကြေလည် သည်အထိ ပြန်၍အလုပ်လုပ်ကိုင်ရန် ယင်းပြည့်တန်ဆာအိမ်သို့ ပြန်ပို့ပေးခဲ့သည်ဟု သိရသည်။

၁၉၉၄ခုနှစ်ကလည်း ယင်းကဲ့သို့ ထွက်ပြေးခဲ့သည့် မိန်းကလေးငယ်တစ်ဦးသည် ရဲတပ်ဖွဲ့မှ စုံစမ်းစစ်ဆေးမှုပြုလုပ်နေစဉ်အတွင်း သူမဘာသာ အဆိပ်သောက် သတ်သေ သွားစေရန် တစ်စုံတစ်ဦးက စီစဉ်ဖန်တီးခဲ့ကြောင်း သတင်းများ ထွက်ပေါ်ခဲ့လေသည်။

နယူးယောက်မြို့အခြေစိုက် လူ့အခွင့်အရေး လေ့လာစောင့်ကြည့်ရေးအဖွဲ့၏ ၁၉၉၃-၉၄ ခုနှစ် အစီရင်ခံစာအရ ထိုင်းပြည့်တန်ဆာအိမ်များအတွက် မြန်မာမိန်းကလေးများအား ဝယ်ယူရေး၊ တရားမဝင် လူကုန်ကူးမှုများတွင် ထိုင်းရဲများ ပါဝင်ပတ်သက်လျက်ရှိ ကြောင်း၊ မြန်မာနိုင်ငံမှ ထိုင်းနိုင်ငံအတွင်းသို့ ဝင်ရောက်ရာ လမ်းကြောင်းများကို ထိုင်းနယ်ခြားစောင့်ရဲနှင့် ပြည်နယ်ရဲတပ်ဖွဲ့တို့က ထိန်းချုပ်ထား ကြောင်း၊ ထို့ကြောင့် နယ်ခြားဖြတ်ကျော်၍ ထိုင်းနိုင်ငံတွင်းသို့ ဝင်ရောက်ရန် မြန်မာများ အတွက် အလွန့်အလွန် ခဲယဉ်းကြောင်း၊ သို့ဖြစ်၍ ထိုင်းရဲများမသိဘဲ သို့မဟုတ် ပါဝင် ပတ်သက်ခြင်းမရှိဘဲ ထိုင်းနိုင်ငံတွင်းသို့ ဝင်/ထွက်ရန် ခဲယဉ်းကြောင်း၊ ထိုင်း ပြည့်တန်ဆာအိမ်များကလည်း ထိုင်းရဲများကို ငွေကြေးထောက်ပံ့ပေးထားကြောင်း၊ ထိုင်းနိုင်ငံတွင်းရှိ ဂျပန်လူမိုက်များနှင့်ပေါင်း၍ မိန်းကလေးများအား ဂျပန်နိုင်ငံသို့ ပို့ဆောင်ကာ လိင်ကုန်ကူးမှုကိစ္စများတွင် လုပ်ကိုင်စေခဲ့ကြောင်း စသည်ဖြင့် ပါဝင်လေ သည်။

ဤသည်မှာ ထိုင်းရဲများ၏ မသမာမှုများ၊ ယုတ်မာရက်စက်မှုများပင် ဖြစ်လေသည်။

ခုပ်တောင်ကျွန်းလူသတ်မှုတွင် စွပ်စွဲခံရသူ မြန်မာနှစ်ဦး အပြစ်မရှိကြောင်း ထွက်ဆို

ဘီလူးကျွန်းသား
Bangkok Post, 9 Dec 2014

ခုပ်တောင်ကျွန်းပေါ်၌ ဗြိတိန်တိုးရစ်နှစ်ဦး အသတ်ခံခဲ့ရမှုတွင် တရားခံများအဖြစ် စွပ်စွဲ ခံထားရသူ မြန်မာနှစ်ဦးတို့သည် ၎င်းတို့အပေါ် တင်ထားသည့် စွဲချက်အားလုံးအပေါ် အပြစ်မရှိကြောင်း တရားရုံး၌ လျှောက်ထားခဲ့သည်ဟု မြန်မာနှစ်ဦးတို့၏ ရှေ့နေက ဒီဇင်ဘာလ ၈ ရက်နေ့တွင် ထုတ်ဖော်ပြောကြားခဲ့သည်။

အသက်(၂၁)နှစ်အရွယ်ရှိ ဇော်လင်းနှင့် ဝေဖြိုးတို့နှစ်ဦးအား လူသတ်ရန် ကြိုတင် ကြံစည်မှု၊ မုဒိမ်းမှုနှင့် ခိုးမှုများအပါအဝင် စွဲချက်(၅)ခုတို့ဖြင့် ဒီဇင်ဘာလ ၈ ရက်နေ့တွင် ခုပ်စမွီတရားရုံး၌ ရုံးထုတ်ခဲ့သည်။

မြန်မာနှစ်ဦးတို့၏ရှေ့နေ ထာနုအကီကာချို့က "စွဲချက်အားလုံးအတွက် အပြစ်မရှိ ကြောင်းကို ၎င်းတို့နှစ်ဦးစလုံးက တရားရုံးတွင် ထွက်ဆိုလျှောက်လဲခဲ့ကြကြောင်း၊ တရားရုံးအနေဖြင့်လည်း ခရီးသွားလုပ်ငန်းနှင့် နိုင်ငံတကာဆက်ဆံရေးများအား ထိခိုက် စေနိုင်သောကြောင့် ဤအမှုအား ပြီးပြတ်ရန် အရှိန်မြှင့်ဆောင်ရွက်လျက်ရှိသည်ဟု မိမိနားလည်သဘောပေါက်ထားကြောင်းဖြင့် ရိုက်တာသတင်းဌာနသို့ ပြောကြားခဲ့သည်။

သေဆုံးခဲ့သူ ဗြိတိန်နိုင်ငံသားနှစ်ဦး၏ ကိုယ်ပေါ်၌ ဇော်လင်းနှင့် ဝေဖြိုးတို့၏ DNA အား စစ်ဆေးတွေ့ရှိရသဖြင့် ထိုင်းရဲတပ်ဖွဲ့က ပြီးခဲ့သည့် အောက်တိုဘာလအတွင်း ဇော်လင်း နှင့် ဝေဖြိုးတို့ကို ဖမ်းဆီးထားခဲ့ခြင်းဖြစ်သည်။ ထိုင်းအစိုးရရှေ့နေများကလည်း ဇော်လင်းနှင့် ဝေဖြိုးတို့အပေါ် လူသတ်ရန်ကြိုတင်ကြံစည်မှု၊ လူသတ်မှုအား ဖုံးကွယ် ထားမှု၊ မုဒိမ်းမှု၊ ထိုင်းနိုင်ငံအတွင်း တရားမဝင် ဝင်ရောက်မှုနှင့် ထိုင်းနိုင်ငံအတွင်း ခွင့်ပြု ချက်မရှိဘဲ နေထိုင်မှုတို့ဖြင့် တရားစွဲဆိုထားခဲ့သည်။ ထို့ပြင် မေလာ၏ မိုဘိုင်းဖုန်းနှင့် မျက်မှန်တို့အား ခိုးယူထးမှုဖြင့်လည်း ဝေဖြိုးအပေါ် ထပ်မံစွဲချက်တင်ထားခဲ့လေသည်။

နှစ်ဖက်စလုံးတို့မှ မျက်မြင်သက်သေများနှင့် သက်သေအထောက်အထားတို့အား လာမည့် ဖေဖော်ဝါရီလ ၂၅ ရက်နေ့တွင် ထပ်မံကြားနာစစ်ဆေးမည်ဟု ခုပ်ဆမွီ ပြည်နယ်တရားရုံး ဒုတိယတရားသူကြီး စူနဝပ် စူရိယဖန်က ရက်ချိန်းပေးထား ကြောင်း သိရသည်။

ထိုင်းနိုင်ငံဆိုင်ရာ မြန်မာသံရုံးမှ တရားရေးအရာရှိ ဦးအောင်မျိုးသန့်ကမူ "ဇော်လင်းနှင့် ဝေဖြိုးတို့တွင် အပြစ်မရှိဟု ယခုတိုင် မိမိယုံကြည်ထားကြောင်း၊ သို့သော်လည်း ယင်းအမှုသည် တရားရုံးတစ်ခုတည်း၏ ဆုံးဖြတ်ချက်အခွင့်အာဏာအပေါ်တွင် မူတည် နေကြောင်း၊ မိမိတို့အနေဖြင့် ထိုင်းနိုင်ငံ၏ ဥပဒေနှင့် တရားစီရင်မှုစနစ်အပေါ် လေးစား ပါကြောင်း" ဖြင့် Bangkok Post သတင်းစာသို့ ပြောကြားခဲ့သည်။

ထိုင်းနိုင်ငံဆိုင်ရာ မြန်မာသံရုံးမှ သံမှူးကြီး ဦးထွန်းအေး ကလည်း "ဇော်လင်းနှင့် ဝေဖြိုး တို့ အာမခံရရေးအတွက် ဒုတိယအကြိမ် ကြိုးပမ်းလျက်ရှိကြောင်း၊ ယင်းအာမခံရရေး ကြိုးပမ်းမှုတွင် ၎င်းတို့နှစ်ဦးစလုံးအနေဖြင့် ထွက်မပြေးပါဟူသော အာမခံချက်လည်း အပါအဝင်ဖြစ်ကြောင်း"ဖြင့် Bangkok Post သတင်းစာသို့ ပြောကြားထားခဲ့သည်။

ဇော်လင်းနှင့် ဝေဖြိုးတို့က ထိုင်းရဲများ၏ ရိုက်နှက်ခြင်းနှင့် ခြိမ်းခြောက်ခြင်းကို ခံခဲ့ရသည် ဟု ထွက်ဆိုပြောကြားခဲ့ကြသော်လည်း ထိုင်းရဲများဘက်မှ ယင်းထွက်ဆိုချက်အား ငြင်းဆိုထားကြောင်း သိရသည်။

ထိုင်းရဲများ၏ မသမာမှုများ အပိုင်း(၃)

ဘီလူးကျွန်းသား
2014 Dec, 3

ကျွန်တော်ငယ်ငယ်က ကြားဖူးနားဝစကားလုံးအချို့ ရှိခဲ့ပါသည်။ "ဥပဒေအထက်တွင် မည်သူတစ်ဦးတစ်ယောက်မျှမရှိ"၊ "ရွှေသမင်ဘယ်ကထွက် မင်းကြီးတာကထွက်"၊ "ဥပဒေကို လက်တစ်လုံးခြား လုပ်သူများ"၊ "မလိမ့်တစ်ပတ်" စသည့် စကားလုံးများ ဖြစ်ပြီး အဓိပါယ်ကိုမူ ယခုချိန်ထိ ဂဃနဏ နားလည်ပြီဟု မပြောရဲသေးပေ။ သို့သော် ထိုင်းရဲများကမူ ယင်းစကားလုံးမျိုးတို့အား သိရှိနားလည်သဘောပေါက်ရုံမျှမက ကောင်းစွာ အသုံးချ၍ ၎င်းတို့၏ ကိုယ်ကျိုးစီးပွားကို ဖော်ဆောင်နေကြလေပြီ။ မိမိကိုယ် ကို ခေတ်နောက်ကျနေပြီဟု ကိုယ့်ဘာသာ ယိုးစွပ်၍ အားငယ်ရမည့်သဘော ဖြစ်နေပေပြီ။ ဗြိတိန်နိုင်ငံသားနှစ်ဦး အသတ်ခံခဲ့ရမှုတွင်လည်း တရားခံအစစ်တို့ထံမှ မည်မျှထိ လာဘ်စားခဲ့ပြီး သက်သေအထောက်အထားတို့အား မည်မျှထိ ဖျောက်ဖျက် ပစ်ခဲ့ပြီလည်းဆိုသည်ကို မည်သူမျှ အတိအကျ သိရှိနိုင်ကြမည် မဟုတ်ပေ။

ထို့ကြောင့် ထိုင်းရဲတို့သည် အဆင့်အတန်းမရွေး လာဘ်စားကြလေသည်ဟု အဆိုတစ်ခု အား မိမိတင်ပြလိုပေသည်။ မိမိ၏အဆိုအား လက်ခံခြင်း/ လက်မခံခြင်းတို့နှင့်ပတ်သက် ၍ အငြင်းအခုံမပြုလုပ်လိုသော်လည်း အောက်ပါသတင်းလေးတစ်ပုဒ်ကိုမူ မိမိ၏အဆို အတွက် အထောက်အထးတစ်ခုအဖြစ် တင်ပြလိုက်ရပါသည်။

ထိုင်းရဲတပ်ဖွဲ့၊ ဗဟိုစုံစမ်းရေးဗျူရို(CIB)အကြီးအကဲဟောင်း ရဲဒုတိယဗိုလ်ချုပ်ကြီး ပွန်ပက်ချာယာဖန်နှင့် အဆင့်မြင့်ရဲအရာရှိကြီးများအပါအဝင် လူ(၁၁)ဦးတို့အား လောင်း ကစားဝိုင်းများ ခိုးဖွင့်မှု၊ လောင်စာဆီမှောင်ခိုဂိုဏ်းများထံမှ လာဘ်စားမှုနှင့် ထိုင်းဘုရင် အား အသရေဖျက်မှုတို့ဖြင့် ဘန်ကောက်မြို့တော်ရဲတပ်ဖွဲ့က ၂၀၁၄ခုနှစ်၊ နိုဝင်ဘာလ ၂၄ ရက်နေ့တွင် တရားစွဲခဲ့ပြီးဖြစ်သည်။

CIB အကြီးအကဲဟောင်း ရဲဒုတိယဗိုလ်ချုပ်ကြီး ပွန်ပက်ချာယာဖန်၊ CIB ဒုတိယအကြီး အကဲဟောင်း ရဲဗိုလ်ချုပ် ကိုစစ်ဝေါင်ဂရွန်ရို တို့အပါအဝင် လူ(၉)ဦးအား ဘန်ကောက် မြို့ ရတ်ချာဒါဖီစစ်လမ်းမကြီးပေါ်ရှိ ရာဇဝတ်တရားရုံးတွင် နိုဝင်ဘာလ ၂၄ ရက် ညနေပိုင်း၌ ချုပ်နှောင်ထားခဲ့လေသည်။

CIB အကြီးအကဲဟောင်း နှစ်ဦးတို့နှင့် အပေါင်းအပါတို့သည် အဂတိလိုက်စားမှုများ၊ ဥပဒေချိုးဖောက်မှုများရှိနေသည်ဟူသော သတင်းများ တိတ်တဆိတ် ထွက်ပေါ်လျက် ရှိသဖြင့် ဘန်ကောက်မြို့တော်ရဲတပ်ဖွဲ့သည် နိုဝင်ဘာလ ၂၃ ရက်တွင် CIB အကြီးအကဲဟောင်းနှစ်ဦးတို့ ပိုင်ဆိုင်သည့် နေအိမ်(၆)လုံးကို ရုတ်တရက်စီးနင်း ဝင်ရောက်ရှာဖွေခဲ့ရာ ဘတ်ငွေ ဘီလီယံပေါင်းများစွာ ပိုင်ဆိုင်ထားကြောင်း တွေ့ရှိခဲ့ရပြီး စုံစမ်းစစ်ဆေး တွေ့ရှိချက်များအရ အထက်ပါစွဲချက်များကို တင်ခဲ့ခြင်းဖြစ်သည်။

CIBအကြီးအကဲဟောင်းနှစ်ဦးတို့နှင့်အတူ မရိန်းရဲတပ်ဖွဲ့အကြီးအကဲဟောင်း ရဲဗိုလ်ချုပ် ဘွန်ဆွတ် ဖရိုင်သူရိယန်၊ စားသုံးသူများအကာအကွယ်ပေးရေး ရဲတပ်ဖွဲ့ အမှတ်(၄) ဌာနခွဲအကြီးအကဲဟောင်း ရဲဗိုလ်မှူးကြီး ဝူသီချတ် လီယန်စုခွန်၊ ရဲဒုတိယ ဗိုလ်ချုပ်ကြီး ပွန်ပက်၏ယာဉ်မောင်း ရဲအရာခံဗိုလ် စူရာဆတ်ချန်ဂေါင်၊ ရဲဗိုလ်ချုပ် ကိုဝစ် ၏ ယာဉ်မောင်း ရဲအရာခံဗိုလ် ချတ္တရင်လောင်ထောင်န်နှင့် စမုစခွန်ပြည်နယ် လူဝင်မှု ကြီးကြပ်ရေးရဲတပ်ဖွဲ့ရုံး အကြီးအကဲ ရဲဗိုလ်မှူးကြီး ကိုဝစ် မူအန်နူယယ်တို့ ပါဝင်ခဲ့ပါသည်။ ကျန်သူများမှာ အရပ်သားအရပ်သူများဖြစ်သည့်အတွက် ဆက်လက် ဖော်ပြလိုခြင်းမရှိသည်ကို ခွင့်လွတ်နားလည်ပေးစေလိုပါသည်။ ဤမျှဆိုလျှင် ထိုင်း ရဲတပ်ဖွဲ့ဝင် အဆင့်အတန်းအားလုံး လာဘ်စားရန် ဝန်မလေးကြသူများဖြစ်သည်မှာ ထင်ရှားပြီဟု ယူဆပါသည်။

ထိုင်းရဲများ၏ မသမာမှုများ အပိုင်း(၂)

ဘီလူးကျွန်းသား
2014 Dec, 2

ရင်နင့်စရာအဖြစ်အပျက်လေးမို့ ယခုအကြောင်းအရာများအား မရေးသားရန် မိမိဆုံးဖြတ်ထားသော်လည်း ကိုယ့်နိုင်ငံသားများ နိုင်ငံတကာမျက်နှာစာ၌ အနှိမ်ခံ၊ အဖိနှိပ်ခံ ဖြစ်ခဲ့ရသည့်အပြင် ယခုအခါ ထိုင်းနိုင်ငံတွင် ဗြိတိန်နိုင်ငံသားများအား သတ်ဖြတ်မှု၌ မိမိတို့နိုင်ငံသားများအနေဖြင့် ဓားစာခံဖြစ်နေရသည့် သတင်းများကို ကြားသိရ၍ ဤအဖြစ်အပျက်များအး မိမိလေ့လာသိထားသမျှ ထုတ်ဖော်ရေးသားခဲ့ရ ခြင်းဖြစ်သည်။

ကရင်မလေး နော်အဲရာ(အမည်ရင်းမဟုတ်ပါ)

ထိုင်းနိုင်ငံမြောက်ပိုင်း ကန်ဖန်ဖက်ပြည်နယ်တွင် ဖြစ်ပွားခဲ့သည့် အဖြစ်အပျက်လေး တစ်ခုပင်ဖြစ်သည်။ မြန်မာနိုင်ငံမှ ကရင်လူမျိုး ရွှေ့ပြောင်းအလုပ်သမား မိသားစုတစ်ခု သည် ကန်ဖန်ဖက်ပြည်နယ် ဆိုင်းငန်ခရိုင်အတွင်းရှိ ကြံစိုက်ခင်းတစ်ခုတွင် နေထိုင်၍ အလုပ်လုပ်ကိုင်ခဲ့သည်။ ချစ်စဖွယ် ၇ နှစ်အရွယ်သမီးလေး နော်အဲရာသည်လည်း မိဘနှစ်ပါးနှင့်အတူ ယင်းကြံခင်းထဲတွင် ဆော့ကစားရင်း တရွေ့ရွေ့အချိန်ကုန်လွန် ခဲ့လေသည်။

၂၀၀၈ခုနှစ်၊ မေလ ၂၀ ရက်နေ ယင်းနေ့သည် ကရင်မိသားစုလေးအတွင်းသို့ ကံကြမ္မာ မုန်တိုင်းတစ်ခု ဝင်ရောက်တိုက်ခတ်ခဲ့သည့်နေ့ဖြစ်ပြီး ကရင်မိဘနှစ်ပါးဖြစ်သူတို့အတွက် ရင်ကျိုးခဲ့ရသည့် နေ့တစ်နေ့ပင်တည်း။ ကရင်မိသားစုလေးအတွက် ထိုနေ့သည် Bluck May ပင်ဖြစ်သည်ဟု ဆိုရမည်ပင်။ ကြံစိုက်ခင်းအတွင်း အလုပ်လုပ်ကိုင်နေစဉ် ဆော့ကစားနေသည့် ချစ်စဖွယ် ၇ နှစ်အရွယ်သမီးငယ်လေး နော်အဲရာ ပျောက်ဆုံး သွားခဲ့ရသောကြောင့် ကရင်လင်မယား နှစ်ဦးတို့၏ ရင်ဝယ်မည်မျှ ပူပင်သောက ရောက်ခဲ့ရမည်ကို မိမိအနေဖြင့် ကိုယ်ချင်းစာမိခဲ့ရပေသည်။

နသီးဒန်ဂွန်နှင့် ရတ္တနာကွန်ပီယဝိုရာထမ်ဝ ထိုင်းလင်မယားနှစ်ဦးသည် ကန်ဖန်ဖက် ပြည်နယ် မူအန်ခရိုင်တွင် နေထိုင်ကြသူများဖြစ်သည်။ နသီးသည် စက်ရုံတစ်ခုမှ အင်ဂျင်နီယာတစ်ဦးဖြစ်ပြီး ရတ္တနာကွန်မှာ အလှမွေးခွေးများ ရောင်းသည့် ဆိုင်ပိုင်ရှင် တစ်ဦးဖြစ်ပေသည်။ ၂၀၀၈ခုနှစ်၊ မေလ ၂၀ ရက်နေ့တွင် ဆိုင်းငန်ခရိုင်သို့ ကိစ္စ တစ်ခုဖြင့် ရောက်ရှိခဲ့စဉ် ကြံစိုက်ခင်းတစ်ခု အတွင်း၌ ကလေးမလေးတစ်ဦး ဆော့ကစားနေသည်ကို မြင်တွေ့ခဲ့လေသည်။ အနီးဝန်းကျင်တွင်လည်း လူကြီးမိဘနှင့် တူသည်ဟူ၍ တစ်ဦးမျှ မရှိသောကြောင့် နီသီး နှင့် ရတ္တနာကွန်တို့နှစ်ဦးသည် ယင်းကလေးမလေးအား အတင်းအကျပ်ဖမ်းဆီး၍ ၎င်းတို့နေထိုင်ရာ မူအန်ခရိုင်ရှိ နေအိမ်သို့ ခေါ်ဆောင်သွားခဲ့လေသည်။ ထိုနေ့မှစ၍ ကရင်မလေး နော်အဲရာသည် လောကငရဲသို့ အရှင်လတ်လတ် သက်ဆင်းခဲ့ရလေတော့သည်။

ဤသို့ဖြင့် ၂၀၁၃ခုနှစ်၊ ဇန်နဝါရီလ ၃၁ ရက်နေ့သို့ ကူးပြောင်းခဲ့ရပြီဖြစ်သည်။ ထိုနေ့တွင် ကရင်မလေး နော်အဲရာသည် ထိုင်းလင်မယားနှစ်ဦးအလစ်တွင် အိမ်အတွင်းမှ တိတ်တဆိတ် ခိုးထွက်၍ ခြံစည်းရိုးကိုကျော်ပြီး ထွက်ပြေးကာ လမ်းပေါ်၌ တွေ့ရှိရ သူများအား ငိုယိုတောင်းပန်၍ သူမအတွက် လုံခြုံစိတ်ချရသော နေရာတစ်ခုသို့ ပို့ဆောင်ပေးရန် တောင်းပန်ခဲ့လေသည်။ လူသားချင်း စာနာထောက်ထားသူများက နော်အဲရာအား နီးစပ်ရာရဲစခန်းသို့ ပို့ဆောင်၍ အမှုဖွင့်ပေးခဲ့လေသည်။ ဤသို့ဖြင့် ကရင်မလေး နော်အဲရာအတွက် အလင်းရောင်တစ်ခု စတင်မြင်ခွင့်ရခဲ့လေသည်။

အမှုမှာ လူသိရှင်ကြား ဖြစ်ခဲ့လေပြီ။ သတင်းမီဒီယာများ၊ ကရင်ကွန်ယက်အဖွဲ့၊ ကန်ဖန်ဖက်ပြည်နယ်ရှိ ကလေးငယ်နှင့်မိသားစုဝင်များ ကာကွယ်စောင့်ရှောက်ရေး အဖွဲ့တို့အပြင် ထိုင်းနိုင်ငံဆိုင်ရာ မြန်မာသံရုံးလည်း ယင်းဖြစ်ရပ်အား သိရှိသွားခဲ့ရပြီး ကန်ဖန်ဖက်ပြည်နယ်တွင်သာမက ထိုင်းနိုင်ငံတစ်ခုလုံး အုတ်အော်သောင်းနင်း ဖြစ်ခဲ့ရ လေပြီ။

သတင်းမီဒီယာများနှင့် သက်ဆိုင်ရာအဖွဲ့အစည်းများ၏ ကူညီဖေးမမှုဖြင့် ကရင်မလေး နော်အဲရာ သည် သူမရင်းတွင်း၌ ၅ နှစ်လုံးလုံး ချုပ်တီးခဲ့ရသမျှ ဖွင့်ချခွင့်ရခဲ့လေပြီ။ "သူမအနေဖြင့် ယခုအကြိမ်သည် ပထမဆုံးအကြိမ် ထွက်ပြေးလွတ်မြောက်ခဲ့ခြင်း မဟုတ်၊ ၂၀၁၀ခုနှစ်အတွင်းကလည်း ထွက်ပြေးလွတ်မြောက်ခဲ့ဘူးကြောင်း၊ သို့သော် ထိုင်းရဲစခန်းတစ်ခုက သူမအား နသီးနှင့် ရတ္တနာကွန်တို့ထံ ပြန်လည်ပို့ဆောင်ခဲ့ ကြောင်း၊ နသီးနှင့် ရတ္တနာကွန်တို့သည် သူမအား လူမဆန်စွာ ရိုက်နှက်ခဲ့ကြကြောင်း၊ ကိုယ်ပေါ်သို့ ရေနွေးပူဖြင့်လောင်းခြင်း၊ ခွေးလှောင်အိမ်အလွတ် တစ်ခုအတွင်းသို့ ထည့်သွင်းနေထိုင်စေခဲ့ခြင်း၊ နေ့စဉ်ရိုက်နှက်ခြင်းတို့ကို လုပ်ဆောင်ခဲ့ကြကြောင်း" ဖြင့် လူသိရှင်ကြား ထုတ်ဖော်ပြောခဲ့လေသည်။

ယင်းသို့ ၅ နှစ်တိုင် လူမဆန်စွာ ညှင်းပန်းနှိပ်စက်ခံခဲ့ရသဖြင့် နော်အဲရာ၏ ဝဲဘက် လက်မှာ ကောင်းစွာ မြှောက်၍ပင် မရတော့ပြီ။ ကန်ဖန်ဖက်ဆေးရုံမှတစ်ဆင့် ဘန်ကောက်မြို့၊ မဟိဒေါတက္ကသိုလ်ရှိ ရာမာသီဗောဓိဆေးရုံသို့ ပို့ဆောင်၍ ရရှိဒဏ်ရာ များအား ကုသပေးခဲ့သည်။ ထိုင်းနိုင်ငံ လူအခွင့်အရေးနှင့် လူမှုဖွံ့ဖြိုးတိုးတက်ရေး ဖောင်ဒေးရှင်းမှ လက်ထောက်အတွင်းရေးမှူးချုပ် ပရီဒါ တွန်ချွန်နမ်က "နော်အဲရာ အနေဖြင့် သူမ၏ ကျန်းမာရေးမှာ ၁၀၀ ရာခိုင်နှုန်း ပြန်လည် ကောင်းမွန်လာနိုင်ခြင်း မရှိတော့သော်လည်း အခြားတစ်ဦးကဲ့သို့ သူမ၏ ခန္ဓာကိုယ်အား လှုပ်ရှားလုပ်ကိုင်နိုင် ရန် ဆရာဝန်များက ကူညီဆောင်ရွက်ပေးသွားမည်ဖြစ်ကြောင်း၊ သူမအနေဖြင့် အရွယ်ရောက်၍ အိမ်ထောင်ပြုနိုင်မည်ဖြစ်သော်လည်း ညှင်းပန်းနှိပ်စက်ခံခဲ့ရမှုကြောင့် သူမမွေးလာမည့် ကလေးငယ်အတွက် နို့ချိုတိုက်ကျွေးရန် မဖြစ်နိုင်တော့ကြောင်း" ဖြင့် ပြောကြားခဲ့သည်။

ထိုင်းရဲများ လာဘ်စားထားသည်မှာ သေချာနေပေပြီ။ အတင်းအဓမ္မ ဖမ်းဆီး ချုပ်နှောင်ထားခြင်း၊ ရိုက်နှက်ညှင်းပန်းခြင်း၊ လူ့အခွင့်အရေး ချိုးဖောက်ခြင်း၊ ကျွန်သဖွယ် နှိပ်စက်ခဲ့ခြင်းတို့ဖြင့် တရားရုံးက နသီးနှင့် ရတ္တနာကွန်တို့ လင်မယားနှစ်ဦး အပေါ် တရားစွဲဆိုခဲ့ပြီး နော်အဲရာအား လျော်ကြေးငွေ ဘတ် ၄၆ သိန်းကျော် ပေးဆောင်ရန် အမိန့်ချမှတ်ခဲ့သော်လည်း နသီးနှင့် ရတ္တနာကွန်တို့နှစ်ဦးမှာ ထွက်ပြေး လွတ်မြောက်သွားခဲ့လေသည်။ ၎င်းတို့နှစ်ဦးအနေဖြင့် ထိုင်းနိုင်ငံအတွင်းမှ ထိုင်းရဲတို့ မသိဘဲ မည်ကဲ့သို့ ထွက်ပြေးလွတ်မြောက်သွားမည်နည်း။ ဤသည်မှာ အလွန် အံ့သြဖွယ်ကောင်းပြီး ခံပြင်းဖွယ်ရာကောင်းသည့် ထိုင်းရဲတို့၏ မသမာမှု လုပ်ရပ်တစ်ခု ပင်ဖြစ်တော့သည်။

ထိုင်းရဲများ၏ မသမာမှုများ အပိုင်း(၁)

ဘီလူးကျွန်းသား
2014 Dec, 1

စိန်ပြာကြီးပျောက်ဆုံးမှု

၁၉၈၉ခုနှစ်တွင် ဆော်ဒီအာရေဗျနိုင်ငံမှ ဆော်ဒီမင်းသားပိုင် စယ်ဘင်ဖာ့ဒ်၏နန်းတော်၌ တံခါးစောင့်တာဝန်လုပ်ကိုင်ခဲ့သူ ထိုင်းအလုပ်သမား ကရိုင်ယန်ကရိုင်တီချန်ပွန်သည် ဆော်ဒီမင်းသား၏ နန်းတော်အတွင်းမှ အဖိုးတန်ကျောက်မျက်ရတနာ၊ လက်ဝတ် ရတနာများကို ခိုးယူခဲ့သည့်အမှုတစ်ခု ဖြစ်ပွားခဲ့လေသည်။ ၎င်းခိုးယူထားသော ရတနာ များအား နန်းတော်အတွင်းရှိ အမှိုက်အိတ်ကြီးတစ်လုံးတွင် သိမ်းဆည်းသိုဝှက်ထားခဲ့ပြီး နောက်ပိုင်းတွင် ကရိုင်ယန်အနေဖြင့် ဆောင်ဒီမှ တိတ်တဆိတ်ထွက်ပြေးကာ ခိုးရာပါ ပစ္စည်းများအား ထိုင်းနိုင်ငံမြောက်ပိုင်း၊ လန်ပန်ပြည်နယ်ရှိ ၎င်း၏နေအိမ်သို့ သယ်ဆောင်ကာ အချို့တစ်ဝက်ကို ကျောက်မျက်ရတနာ ရောင်းဝယ်သူတစ်ဦးနှင့် ဆက်သွယ်ရောင်းချခဲ့လေသည်။ ကရိုင်ယန်ခိုးယူခဲ့သည့် ကျောက်မျက်ရတနာများထဲ တွင် အမေရိကန်ဒေါ်လာ သန်းပေါင်းများစွာ တန်ဖိုးရှိသည့် အလေးချိန် ၅၀ ကာရက်ရှိသော စိန်ပြာကြီးတစ်လုံးလည်း ပါဝင်ခဲ့လေသည်။

ဆော်ဒီအစိုးရ၏ ညှိနှိုင်းမှုကြောင့် ထိုင်းအစိုးရမှတစ်ဆင့် ထိုင်းရဲတပ်ဖွဲ့သည် ဆော်ဒီ မင်းသားပိုင် စိန်ပြာကြီးနှင့် ကျောက်မျက်ရတနာပျောက်ဆုံးမှုအား စုံစမ်းစစ်ဆေးခဲ့သည်။ ထိုင်းရဲတပ်ဖွဲ့မှ ရဲဒုတိယဗိုလ်ချုပ်ကြီး ချာလာကာ့ဒ်သီးစ် ဦးဆောင်သည့် စုံစမ်းစစ်ဆေးရေးအဖွဲ့၏ ကြိုးပမ်းမှုကြောင့် မကြာခင် ထိုင်းအလုပ် သမား ကရိုင်ယန်အား ခိုးရာပါ ကျောက်မျက်ရတနာပစ္စည်း ထက်ဝက်ခန့် နှင့်အတူ ဖမ်းဆီးရမိခဲ့လေသည်။ ကရိုင်ယန်အား ထိုင်းရာဇဝတ်မှုတရားရုံးက ထောင်ဒဏ်(၇)နှစ် ချမှတ်ခဲ့သော်လည်း ကရိုင်ယန်အနေဖြင့် တရားရုံးတွင် ဝန်ခံဖြောင့် ချက်ပေးခဲ့သည့် အတွက် ထောင်ဒဏ် (၃)နှစ်သာ ပြစ်ဒဏ်ကျခံခဲ့ရလေသည်။

မကြာမီ ရဲဒုတိယဗိုလ်ချုပ်ကြီး ချလာ ဦးဆောင်သော ထိုင်းရဲတပ်ဖွဲ့မှ အဖွဲ့(၁)ဖွဲ့သည် ဆော်ဒီအာရေဗျသို့ ထွက်ခွာ၍ ပြန်လည်သိမ်းဆည်းရမိထားသည့် ခိုးရာပါ ကျောက် မျက်ရတနာများကို ဆော်ဒီအာဏာပိုင်များ လက်ဝယ်သို့ အပ်နှံခဲ့သည်။ သို့သော် ထက်ဝက်ခန့်မှာ အတုများဖြစ်နေသည်ကို ဆော်ဒီအာဏာပိုင်များက တွေ့ရှိခဲ့လေသည်။

ထို့ကြောင့် ဆော်ဒီအာရေဗျတော်ဝင်မိသားစုနှင့် အလွန်ရင်းနှီးခင်မင်သည့် ဆော်ဒီ စီးပွားရေးလုပ်ငန်းရှင် မိုဟာမက်အယ်လ်ရူဝါအီသည် ထိုင်းနိုင်ငံ၊ ဘန်ကောက်မြို့သို့ အလည်အပတ်လာရောက်၍ ယင်းအမှုအား တိတ်တဆိတ် စုံစမ်းခဲ့လေသည်။ သို့သော် ဆော်ဒီစီးပွားရေးလုပ်ငန်းရှင် မိုဟာမက်မှာ လုပ်ကြံသတ်ဖြတ် အစဖျောက်ခြင်း ခံခဲ့ရလေသည်။ မိုဟာမက် အစပျောက်သွားပြီးနောက် (၃)လအကြာတွင် ဘန်ကောက်မြို့ရှိ ဆော်ဒီသံရုံးမှ သံရုံးဝန်ထမ်း (၃)ဦးမှာ ဘန်ကောက်မြို့ထဲတွင်ပင် သေနတ်ဖြင့် ပစ်ခတ်လုပ်ကြံသတ်ဖြတ်ခြင်း ခံခဲ့ရလေသည်။

မကောင်းမှုဟူသောအရိပ်သည် မကောင်းမှုပြုလုပ်သူ၏နောက်မှ အစဉ်လိုက်ပါလျက် ရှိပေသည်။ ၂၀၁၁ ခုနှစ်၊ မတ်လ ၁၁ ရက်တွင် The Curse of the Blue Diamond ဟူသော ခေါင်းစဉ်ဖြင့် ဝီခီးလိစ်စာမျက်နှာတွင် ခိုးယူခံခဲ့ရသည့် စိန်ပြာကြီးနှင့် ပတ်သက်သည့် အကြောင်းအရာများ ပေါ်ထွက်လာခဲ့ပေသည်။ ယင်း ဝီခီးလိစ်စာမျက်နှာတွင် "ထိုင်းနိုင်ငံမှ ဆော်ဒီအာရေဗျသို့ ပြန်လည်ပို့ဆောင်ပေးခဲ့သည့် ကျောက်မျက်ရတနာများ၏ ၅၀ ရာခိုင်နှုန်းမှာ အတုများဖြစ်ကြောင်း (အချို့က ၈၀ ရာခိုင်နှုန်းဟု ဆုကြသော်လည်း ကိုးကားချက်များ ရှာမရပါ)၊ ယင်းသို့ ပြန်လည်ပို့ဆောင် ပေးခဲ့ပြီး မကြာမီ ထိုင်းနိုင်ငံမှ လူကုံထံအချို့၊ အထူးသဖြင့် ရဲမင်းကြီးများနှင့် ရဲဗိုလ်ချုပ်ကြီးများ၏ ဇနီးတို့သည် ယင်းလက်ဝတ်ရတနာများကို ဝတ်ဆင်၍ တရားဝင် အခမ်းအနားများနှင့် လူမှုရေးဆိုင်ရာ ပွဲလမ်းသဘင်များသို့ တက်ရောက်ခဲ့ကြကြောင်း၊ ၁၉၉၅ခုနှစ် ဝန်းကျင်ကဆိုလျင် ရဲဗိုလ်ချုပ်ကြီးတစ်ဦး၏ဇနီးသည် စိန်ပြာကြီးကိုပင် ဝတ်ဆင်၍ မကြာခဏ ပွဲတက်လေ့ရှိခဲ့ကြောင်း၊ သို့သော် အနှစ် ၂၀ ကျော်ကြာမြင့်ခဲ့ပြီ ဖြစ်သည့် စိန်ပြာကြီးပျောက်ဆုံးခဲ့မှုမှာ လျှို့ဝှက်ဆန်းကြယ်ဇာတ်လမ်းတစ်ပုဒ်အဖြစ် တည်ရှိနေဆဲဖြစ်ကြောင်း" စသည်ဖြင့် ဖော်ပြထားလေသည်။

စိန်ပြာကြီးကမူ တစ်နေရာရာတွင် ပုန်းအောင်းနေခဲ့လေပြီ။ မည်သို့ပင်ဖြစ်စေ ဇာတ်လမ်းအစ၊ အလယ်၊ အဆုံးသိရှိထားသူ ရဲဒုတိယဗိုလ်ချုပ်ကြီး ချလာမှာ စိန်ပြာကြီး အမှုနှင့်ပတ်သက်၍ ခိုးရာပါပစ္စည်းများ ရောင်းဝင်ရာတွင် ပါဝင်ပတ်သက်ခဲ့သည့် ကျောက်မျက်ရတနာရောင်းဝယ်သူတစ်ဦး၏ ဇနီးနှင့်သားအား လုပ်ကြံသတ်ဖြတ်ရန် စီစဉ်ခဲ့မှုဖြင့် တရားစွဲဆိုခြင်း ခံခဲ့ရပြီး ၂၀၀၉ခုနှစ်၊ အောက်တိုဘာလ ၁၆ ရက်တွင် သေဒဏ်ချမှတ်ခြင်း ခံခဲ့ရလေသည်။ ၎င်းနှင့်အတူ အမှုတွဲတွင် ပါဝင်ခဲ့သူ ရဲတပ်ဖွဲ့ဝင် (၆)ဦးတို့သည်လည်း ပြစ်ဒဏ်အသီးသီး ချမှတ်ခံခဲ့ရသည်။ သို့သော် ထိုင်းဘုရင် ဘူမိဘောအနေဖြင့် ရဲဒုတိယဗိုလ်ချုပ်ကြီး ချလာအား သေဒဏ်မှ ထောင်ဒဏ်အနှစ် (၅၀)သို့ ပြောင်းလဲကျခံရန် သတ်မှတ်ပေးခဲ့သည်။ ထိုသို့ ပြောင်းလဲပေးခဲ့သည့်နေ့သည် ကား ထိုင်းဘုရင်၏ ၈၄နှစ်မြောက် မွေးနေ့ပင်ဖြစ်လေသည်။ ဤသည်ကား မသမာမှုများ ပြုလုပ်လေ့ရှိသည့် ထိုင်းရဲများ၏ အကြောင်းအရာများထဲမှ တစ်ချက်ပင် ဖြစ်လေတော့သည်။

နိဂုံး

Nov 7, 2014
ဘီလူးကျွန်းသား

အမှန်စင်စစ် ထိုင်းနိုင်ငံရေးလောကတွင် ကြီးစိုးကြသူများမှာ နန်းတွင်းအသိုင်းအဝန်းနှင့် နီးစပ်သူများ၊ မှူးပတ်မျိုးနွယ်များ၊ သြဇာအာဏာရှိသော စစ်ဘက်/နယ်ဘက်အရာရှိကြီး များ၊ နိုင်ငံရေးမိသားစုကြီးများနှင့် အထက်တန်းလွှာများသာဖြစ်ကြသည်။ နိုင်ငံရေးပါတီ ကြီး/ငယ်များစွာရှိသော်လည်း အောက်ခြေလူတန်းစားများနှင့် ရှပ်နီအဖွဲ့ဝင်တို့က ထောက်ခံအားပေးသည့် ဖွှေ့ထိုင်းပါတီနှင့် မှူးမတ်မျိုးနွယ်များ၊ အထက်တန်းလွှာ လူတန်းစားများ၊ အစိုးရအရာရှိကြီးများနှင့် ရှပ်ဝါအဖွဲ့ဝင်တို့က ထောက်ခံအားပေးသည့် ဒီမိုကရက်ပါတီဟူ၍ အဓိကနိုင်ငံရေးပါတီကြီး နှစ်ခုသာရှိပေသည်။ ယင်းပါတီကြီးနှစ်ခု အပေါ် ထောက်ခံအားပေးကြသည့် နိုင်ငံရေးခံယူချက်ခြင်းမတူညီကြသော ရှပ်နီနှင့် ရှပ်ဝါအဖွဲ့တို့သည်လည်း ၂၀၀၆ခုနှစ်မှစ၍ ထိပ်တိုက်ရင်ဆိုင်တိုက်ခိုက်မှုများ ဖြစ်ပွား ခဲ့ကြပြီး လူပေါင်းများစွာတို့မှာအသက်ဆုံးရှုံးခြင်း၊ ကိုယ်လက်အင်္ဂါချို့ယွင်းခြင်း၊ အလုပ် လက်မဲ့ဖြစ်ခြင်း၊ မိသားစုဝင်များဆုံးရှုံးခြင်းတို့ကို ရင်ဆိုင်ကြုံတွေ့ခဲ့ကြရသော် လည်း ယင်းအဖွဲ့အစည်းကြီးများအပေါ် သြဇာညောင်းသည့် ထိပ်တန်းခေါင်းဆောင်ပိုင်းများ မှာမူ ယခုတိုင် ရှင်သန်ရပ်တည်နေဆဲပင်ဖြစ်သည်။

နိုင်ငံရေးအင်အားစုကြီးနှစ်ရပ်၏ ထိပ်တိုက်ရင်ဆိုင်မှုများကြောင့်လည်း ပြည်တွင်း မငြိမ် မသက်မှုများ ဖြစ်ပေါ်ခဲ့ရပြီး စီးပွားရေးကျဆင်းခြင်း၊ လူမှုရေးပြဿနာရပ်များ တိုးပွား လာခြင်း၊ အလုပ်လက်မဲ့များတိုးပွားလာခြင်း၊ လူငယ်များအကြား ငွေရလွယ်သော မူးယစ်ဆေးဝါးရောင်းဝယ်ခြင်း၊ အကျင့်စာရိတ္တပျက်ပြားစေသည့် ကိစ္စရပ်များ ဆောင်ရွက်ခြင်းတို့ ဖြစ်ပေါ်ခဲ့ရကာ ယင်းဒုက္ခများကို ပြည်သူလူထုကပင် ခါးစည်းခံခဲ့ကြ ရသည်။ ထို့ထက်ပို၍ ဆိုးရွားသည်ကား ပြည်တွင်းမငြိမ်မသက်ခြင်း၊ တရားဥပဒေစိုးမိုးမှု ကင်းမဲ့ခြင်းစသည့် နိုင်ငံတော်လုံခြုံရေးအပေါ် ထိခိုက်လာနိုင်ဘွယ်ရှိသည်ဟူသော အကြောင်းပြချက်တို့ဖြင့် ထိုင်းတပ်မတော်မှ အာဏာသိမ်းခဲ့သည့်အခါ ရွေးကောက်ခံ ပြည်သူ့လွှတ်တော်ကိုယ်စားလှယ်များဖြင့် လွှတ်တော်အစည်းအဝေးကျင်းပခြင်း၊ ဥပဒေ ပြုခြင်း၊ တရားစီရင်ခြင်းစသည်အားဖြင့် ဆောင်ရွက်ရသည့် စစ်မှန်သောဒီမိုကရေစီစနစ် ၌ ချို့ယွင်းအားနည်းချက်များ ဖြစ်ပေါ်ခဲ့ရပါသည်။ အမှန်စင်စစ် ထိုင်းနိုင်ငံသည် ဒီမိုကရေစီစနစ်ကို စတင်ကျင့်သုံးခဲ့သည်မှာ နှစ်ပေါင်း ၈၀ ကျော်ခဲ့လေပြီ။ သို့ တိုင်အောင် နိုင်ငံရေးသမားများ၏ နိုင်ငံရေးတိုက်ကွက်ဖော်မှု၊ သဘောထားကွဲလွဲမှု မှသည် ပုဂ္ဂိုလ်ရေးမုန်းတီးမှုအသွင်ရောက်အောင် ဖန်တီးမှု၊ စစ်တပ်မှ အာဏာသိမ်းမှုတို့ ဖြင့် ပြည့်နှက်နေပြီး ယခုတိုင် နှစ်ဘက်နိုင်ငံရေးအင်အားစုကြီးနှစ်ခုတို့အကြားမှ ပြဿနာရပ်များကြောင့် ၎င်းတို့၏ နိုင်ငံရေးစနစ်ကို တည်ငြိမ်အောင် မဖန်တီးနိုင်ခဲ့ သေးပေ။

ယင်းအချက်များမှာ မိမိတို့သင်ခန်းစာအဖြစ် ရယူသင့်သည့် အချက်များပင်ဖြစ်သည်။ ယခုအခါ မိမိတို့နိုင်ငံတွင် လူမှုရေးကွန်ရက်ဟုဆိုရမည့် Facebook, Twitter များကို တွင်တွင်ကျယ်ကျယ် သုံးစွဲနေကြပြီဖြစ်သည်။ ထို့ကြောင့် ယင်းလူမှုရေးကွန်ရက်များကို အသုံးချကာ ဘာသာရေးခုတုံးလုပ်၍ ဆူပူအုံကြွမှုများ ဖြစ်ပေါ်လာစေရန် ဖန်တီးခြင်း၊ သတင်းမီဒီယာလွတ်လပ်ခွင့်ဟု ဟစ်အော်၍ လူထုဆူပူအုံကြွမှုဖြစ်ပေါ်လာစေရန် ဖန်တီးခြင်း၊ လူမှုရေးပြဿနာရပ်များကို ဘာသာရေးပြဿနာရပ်များအသွင် ရောက် အောင်ဖန်တီးခြင်း၊ တပ်မတော်နှင့် ပြည်သူလူထုအကြား သွေးကွဲအောင် သွေးတိုး လှုပ်ဆော်ပေးခြင်း၊ ပုဂ္ဂိုလ်ရေးမုန်းတီးမှုကို အကြောင်းပြု၍ နိုင်ငံရေး တိုက်ကွက် ဖော်ခြင်းစသည့် ပြည်သူလူထု ဆင်းရဲဒုက္ခရောက်စေမည့် လုပ်ရပ်မျိုးကို သတိပြု ရှောင်ကြဉ်သင့်ပေသည်။ အိမ်နီးချင်းနိုင်ငံ၏ နိုင်ငံရေးအခြေအနေကို လေ့လာခြင်းဖြင့် "သံကို သံချေးဖျက်သကဲ့သို့ နိုင်ငံကို နိုင်ငံရေးသမားက ဖျက်သည်"ဟူသော စကားရပ်မှာ မှန်ကန်နေဆဲဖြစ်ကြောင်း ရေးသားတင်ပြလိုက်ရပါသည်။

ရှပ်နီဆန္ဒပြမှုအပြီး နောက်ဆက်တွဲအကျိုးဆက်များ

Oct 7, 2014
ဘီလူးကျွန်းသား

ထိုင်းအစိုးရဆန့်ကျင်ရေး ရှပ်နီအဖွဲ့ခေါင်းဆောင်များဖြစ်သည့် ကျတုဖုန်ဖရုန်ဖန်၊ ဗီရမုစီကဖုန်၊ နတ္တစိုင်ကူရာတို့သည် ဧပြီလ ၁၄ ရက် နံနက် ၁၀ နာရီ ၃၀ မိနစ်ခန့်တွင် အစိုးရအိမ်တော်ရှေ့ရှိ ဆန္ဒပြပွဲစကားပြောစင်မြင့်ထက်မှ ဆန္ဒပြပွဲအား ရုပ်သိမ်းလိုက် ကြောင်းနှင့် ၎င်းတို့ခေါင်းဆောင်များအား ဖမ်းဆီးလိုက အဖမ်းခံမည်ဖြစ်ကြောင်း ထုတ်ပြန်ကြေညာခဲ့သည်။ အစိုးရဘက်မှလည်း ဆန္ဒပြရှပ်နီအဖွဲ့ဝင်များအား အိမ်ပြန် နိုင်ရေးအတွက် မော်တော်ယာဉ်များကို စီစဉ်ပေးခဲ့လေသည်။ အစိုးရအဖွဲ့မှ ထုတ်ပြန် ကြေညာချက်အရ ယင်းရှပ်နီဆန္ဒပြမှုကြီးတွင် လူပေါင်း ၁၂၀ ကျော် ထိခိုက်ဒဏ်ရာ ရှိခဲ့ပြီး အများစုမှာ ရှပ်နီအဖွဲ့ဝင်များဖြစ်ကြောင်း သိရသည်။ ယင်းရှပ်နီဆန္ဒပြပွဲကြောင့် ထိုင်းခရီးသွားလုပ်ငန်းမှ ဆုံးရှုံးခဲ့ရငွေပေါင်းမှာ ၂၀၀ ဘီလီယံဘတ်ဖြစ်ပြီး လူပေါင်း ၂၅၇၀၀၀ ဦး အလုပ်လက်မဲ့ဖြစ်ခဲ့ရလေသည်။

ထိုင်းဝန်ကြီးချုပ်ဟောင်း ဆွန်ချိုင်လက်ထက်က ဘန်ကောက်မြို့လေဆိပ်များအား သိမ်းပိုက်ဆန္ဒပြခဲ့သည့် ရှပ်ဝါအဖွဲ့အဓိကခေါင်းဆောင် ဆွန်ထီလင်ထောင်ကူလ်သည် ၎င်း၏မန်နေဂျာသတင်းစာတိုက်နှင့် ရုပ်သံရုံးသို့ ဧပြီလ ၁၇ ရက်နေ့ နံနက် ၅ နာရီချိန် ခန့်တွင် မော်တော်ယာဉ်ဖြင့် သွားရောက်စဉ် ဆမ်စန်လမ်းပေါ်သို့အရောက် အမည်မသိ လူတစ်စုက ပစ်ကပ်ကားဖြင့် ဆွန်ထီ၏ကားရှေ့တွင် ရုတ်တရက်ပိတ်ရပ်ခဲ့ပြီး သေနတ် ဖြင့် အချက် ၁၀၀ ခန့် ပစ်ခတ်ခဲ့သည်။ ယင်းနောက် ပစ်ကပ်ကားသည် ထဝဲ့လမ်းထဲသို့ တရကြမ်း မောင်းနှင်ထွက်ပြေးသွားခဲ့လေသည်။ ယင်းဖြစ်ရပ်ကြောင့် ဆွန်ထီမှာ ဦးခေါင်းညာဘက်ခြမ်းတွင် သေနတ်ရှပ်မှန်ခြင်း၊ လက်မောင်းတွင် သေနတ်ထိမှန်ခြင်း၊ ထို့အပြင် ဆွန်ထီ၏ ယာဉ်မောင်းမှာလည်း ဒဏ်ရာပြင်းပြင်းထန်ထန်ရရှိခဲ့ရသည်။ နိုင်ငံရေးသဘောထား ကွဲလွဲမှုမှသည် ပုဂ္ဂိုလ်ရေးမုန်းတီးမှုအသွင်သို့ ပြောင်းလဲသွားခဲ့ ခြင်းပင်တည်း။

အာဆီယံညီလာခံအစည်းအဝေးကျင်းပသည့် ပတ္တယားမြို့ရှိ တော်ဝင်ချောက်ကမ်းပါး ကမ်းခြေအပန်းဖြေဟိုတယ်အား ရှပ်နီအဖွဲ့၏ စီးနင်းဝင်ရောက်တိုက်ခိုက်ခဲ့မှုသည် နိုင်ငံတကာမျက်နှာစာတွင် ထိုင်းနိုင်ငံ၏ဂုဏ်သိက္ခာ အကြီးအကျယ် ထိခိုက်ပျက်စီးစေခဲ့ ပြီး အဘီဆစ်အစိုးရအဖွဲ့အပေါ်တွင်လည်း ပြည်တွင်း၊ ပြည်ပ ယုံကြည်မှု ကျဆင်းစေခဲ့ ရပါသည်။

၂၀၁၀ခုနှစ်၊ အဓိကရုဏ်း

မတ်လ ၁၂ ရက်တွင် ထိုင်းအစိုးရဆန့်ကျင်ရေး ရှပ်နီအဖွဲ့မှ အင်အား ၇၀၀၀ခန့်သည် ဘန်ကောက်မြို့ရှိ အမှတ်(၁၁)ခြေလျင်တပ်ရင်းကြီးအပါအဝင် စုရပ်နေရာ ၆ ခုသို့ ရှေ့ပြေးအဖြစ် ရောက်ရှိလာခဲ့ကြပါသည်။ ယင်းအဖွဲ့အား ရှပ်နီခေါင်းဆောင် ကျတုဖုန်ဖရုန်ဖန်၊ ဝိရမုစီကဖုန်၊ ဝမ်တိုကျိရာကန်တို့က ဦးဆောင်ခဲ့ခြင်းဖြစ်သော်လည်း နာရီအနည်းငယ်ခန့်သာ စုရုံးခဲ့ကြပြီး လူစုခွဲခဲ့ကြသည်။ ရှပ်နီအဖွဲ့က ဝန်ကြီးချုပ် အဘီဆစ်အား လွှတ်တော်ဖျက်သိမ်းပေးရန် ရာဇသံပေးလိုက်ခြင်းသာဖြစ်ပြီး အစိုးရ အဖွဲ့နှင့် ရှပ်နီအဖွဲ့တို့အကြား နိုင်ငံရေးတိုက်ပွဲစတင်တော့မည်ဟု ကြေညာလိုက်ခြင်းလည်း ဖြစ်ပေသည်။ မတ်လ ၁၄ ရက် နေ့လယ်ပိုင်းတွင် ပြည်နယ် အသီးသီးတို့မှ ရှပ်နီအဖွဲ့ဝင်များသည် ဘန်ကောက်မြို့ ရတ်ချာဒမ်နွန်ရိပ်သာလမ်းပေါ်ရှိ ၎င်းတို့၏ပင်မစုရပ်ဖြစ်သော ဖန်ဖာတံတားပေါ်သို့ သွားရောက်ပူးပေါင်းခဲ့ကြရာ အင်အား ၂ သိန်းကျော်အထိ များပြားလာခဲ့ပြီး ရတ်ချာဒမ်နွန်ရိပ်သာလမ်းနှင့် စနမ်လူဝမ် အားကစားကွင်းတို့အား သိမ်းပိုက်ထားခဲ့ကြလေသည်။ န်ထောင်န်၊ နွန်ထဘူရီနှင့် ပထုံ ဌာနီပြည်နယ်များမှ ရှပ်နီအဖွဲ့ဝင် ၁၅၀၀ ကျော်တို့ကလည်း ကူးတို့လှေများကို အသုံးပြု၍ ကျောက်ဖရားမြစ်ကိုဖြတ်ကာ ရတ်ချာဒမ်နွန်ရိပ်သာလမ်းရှိ ရှပ်နီအဖွဲ့ဝင်များ နှင့် သွားရောက်ပူးပေါင်းခဲ့ကြသည်။ ထို့ကြောင့် ထိုင်းကြည်းတပ်သည် ၎င်းဧရိယာ အတွင်း၌ မူလကစစ်သည်အင်အား ၁၀၀၀ ကျော် တပ်ဖြန့်ချထားခဲ့ရာမှ နောက်ထပ် အင်အား ၈၀၀၀ ထပ်မံတိုးမြှင့်ချထားခဲ့ရသည်။ မတ်လ ၁၅ ရက် နေ့လယ် ၁ နာရီ မိနစ် ၃၀ ချိန်ခန့်တွင် အဝေးပြေးလမ်းပေါ်မှ မောင်းနှင်လာသည့် ပစ်ကပ်ကားတစ်စီးပေါ်မှ အမည်မသိလူတစ်စုက အမှတ်(၁)ဘုရင့်ကိုယ်ရံတော်တပ် အား M-79 လောင်ချာဖြင့် ပစ်ခတ်ခဲ့သည့်အတွက် စစ်သည်နှစ်ဦး ထိခိုက်ဒဏ်ရာရရှိခဲ့ ရသည်။ နှစ်ဖက်အကြားရှိ နိုင်ငံရေးတိုက်ပွဲမှသည် အကြမ်းဖက်မှုအသွင်သို့ တစ်ဖန်ကူးပြောင်းရန် အစပျိုးခဲ့ လေပြီ။

မတ်လ ၁၆ ရက် ညနေပိုင်းတွင် ရှပ်နီခေါင်းဆောင် နတ္တဝုစိုင်ကူရာ၊ ကျတုဖုန်ဖရုန်ဖန် နှင့် အရစ္စမန်တို့ဦးဆောင်သည့် ရှပ်နီအဖွဲ့ဝင်အင်အား ၁၀၀ကျော်ခန့်သည် အစိုးရအိမ် တော်ရှေ့ဝင်ပေါက်သို့ သွားရောက်ကာ ရှပ်နီအဖွဲ့ဝင်များထံမှ ဖောက်ယူလာခဲ့သည့် သွေးးများဖြင့် ပက်ဖျန်းခဲ့ကြလေသည်။ ယင်းသို့ဖြင့် ရှပ်နီစုရုံးဆန္ဒ ပြမှုကြီးသည် တစ်ဖြည်းဖြည်းနှင့် မတ်လကုန်၍ ဧပြီလသို့ ကူးပြောင်းလာခဲ့ရလေသည်။ ဧပြီလ ၃ ရက် နေ့လယ်ပိုင်းတွင် ရှပ်နီဆန္ဒပြအဖွဲ့ဝင် ၆ သောင်းခန့်သည် ဘန်ကောက်မြို့တော်၏ အဓိကစီးပွားရေးအချက်အချာနေရာဖြစ်သည့် ရတ်ချာပရာဆွန်လမ်းဆုံသို့ စုရုံးချီတက် သွားခဲ့ကြပြီး ယင်းလမ်းဆုံအား ပိတ်ဆို့ထားခဲ့ သဖြင့် ယာဉ်ကြောများ ပိတ်ဆို့သွားခဲ့ သည်အထိ ဖြစ်ခဲ့ရသည်။ ဧပြီလ ရ ရက်တွင် ဘန်ကောက်မြို့ စီးပွားရေးလုပ်ငန်းရှင် များက ရှပ်နီအဖွဲ့ဝင်များအား ရတ်ချာပရာဆွန် လမ်းဆုံမှ ထွက်ခွာပေးကြရန် တောင်းဆို ခဲ့ကြသည်။ သို့ရာတွင် ရှပ်နီအဖွဲ့ဝင်များသည် ရတ်ချာပရာဆွန်လမ်းဆုံမှ ထွက်ခွာပေး ခဲ့ခြင်းမရှိဘဲ ဧပြီလ ၁၀ ရက်ထိ ရတ်ချာပရာဆွန်လမ်းဆုံတွင် အင်အား ၅ သောင်းခန့် နှင့် ဖန်ဖာတံတားပေါ်တွင် အင်အား ၅ သောင်းခန့်စီတို့ဖြင့် ဆက်လက်စုရုံးဆန္ဒပြခဲ့ ကြသည်။

ဧပြီလ ၁၀ ရက် ညပိုင်းတွင် ဖန်ဖာတံတားနှင့် ဘန်ကောက်မြို့အနှံ့အပြားတို့တွင် လုံခြုံရေးတပ်ဖွဲ့ဝင်များနှင့် ရှပ်နီအဖွဲ့ဝင်တို့အကြား လက်နက်ကိုင်ထိပ်တိုက် ရင်ဆိုင် တိုက်ခိုက်မှု ဖြစ်ပွားခဲ့ကာ သွမ်ဆင်ရိုက်တာသတင်းဌာနမှ ဂျပန်သတင်းဓာတ်ပုံသမား ဟီရိုမူရာမိုတိုအပါအဝင် လူပေါင်း ၂၃ ဦးသေဆုံးခဲ့ကာ ၈၅၀ ကျော် ထိခိုက်ဒဏ်ရာ ရရှိ ခဲ့သည်။ ဧပြီလ ၂၈ ရက် မွန်းလွဲပိုင်းတွင်လည်း ဘန်ကောက်မြို့မြောက်ပိုင်း ဒွန်မောင်း လေတပ်စခန်းအနီးရှိ ဝီဘဝတီလမ်းမကြီးပေါ်၌ လုံခြုံရေးတပ်ဖွဲ့ဝင်များနှင့် ရှပ်နီအဖွဲ့ဝင် များအကြား တိုက်ခိုက်မှုဖြစ်ပွားခဲ့ရာ လုံခြုံရေးတပ်ဖွဲ့ဝင် ၁ ဦး ဦးခေါင်းတွင် သေနတ် ထိမှန်ဒဏ်ရာဖြင့် သေဆုံးခဲ့ကာ တပ်ဖွဲ့ဝင် ၂ ဦးနှင့် ရှပ်နီဆန္ဒပြအဖွဲ့ဝင် ၁၆ ဦးတို့ ထိခိုက်ဒဏ်ရာရရှိခဲ့သည်။ ထို့ကြောင့် ရတ်ချာပရာဆွန်လမ်းဆုံတွင် အခြေပြုလျက်ရှိ သည့် ရှပ်နီခေါင်းဆောင် ကဝမ်ချိုင်ပရိုင်ပနဦးဆောင်သည့် ရှပ်နီအဖွဲ့ဝင် ၂၀၀၀ ခန့်သည့် ထရပ်ကား ၁၅၀ စီးနှင့် ဆိုင်ကယ်ရာပေါင်းများစွာတို့ဖြင့် ဒွန်မောင်းလေဆိပ် အနီးရှိ ဝီဘဝတီလမ်းမကြီးပေါ်မှ ရှပ်နီအဖွဲ့ဝင်များထံသို့ သွားရောက် ပူးပေါင်းခဲ့ကြ သည်။ ဤသို့ဖြင့် ရှပ်နီအဖွဲ့၏ စုရုံးဆန္ဒပြမှုကြီးသည် ဧပြီလမှ မေလသို့ ထပ်မံကူးပြောင်း ခဲ့ရပြန်ပါသည်။

မေလ ၈ ရက်တွင် ထိုင်းနိုင်ငံမြောက်ပိုင်းနှင့် အရှေ့မြောက်ပိုင်းပြည်နယ်များဖြစ်သည့် ဥဒုံဌာနီနှင့် ခွန်ခန်ပြည်နယ်တို့မှ ရှပ်နီအဖွဲ့ဝင် ၅၀၀၀ ခန့်သည် ရတ်ချာပရာဆွန်လမ်းဆုံ ရှိ ရှပ်နီဆန္ဒပြအဖွဲ့ဝင်များထံ လာရောက်ပူးပေါင်းခဲ့ကြသည်။ ယင်းရှပ်နီအဖွဲ့ဝင်များသည် စရဘူရီ၊ အယုဒ္ဒယနှင့် ဘန်ကောက်မြို့အဝင်ဂိတ်များရှိ ရဲတပ်ဖွဲ့ဝင်များနှင့် စစ်သားများ တာဝန်ယူထားရသည့် လုံခြုံရေးဂိတ်များမှတစ်ဆင့် ဖြတ်ကျော်ဝင်ရောက်လာခဲ့ရခြင်း ဖြစ်ပြီး ယင်းလုံခြုံရေးဂိတ်များတွင် အသေးစိတ်စစ်ဆေးမှု ခံခဲ့ရသူများဖြစ်သည်။ ရတ်ချာပရာဆွန်လမ်းဆုံရှိ ရှပ်နီဆန္ဒပြစုရပ်အား အစိုးရလုံခြုံရေးတပ်ဖွဲ့ဝင်များမှ ဝန်းရံ ပိတ်ဆို့ထားခဲ့သောကြောင့် မေလ ၁၃ ရက်တွင် နှစ်ဘက်အကြား ထိပ်တိုက်ရင်ဆိုင် တိုက်ခိုက်မှုများ ထပ်မံဖြစ်ပွားခဲ့ပြီးနောက် ရှပ်နီအဖွဲ့၏ လုံခြုံရေးတာဝန်ခံ ထိုင်း ကြည်းတပ်မှ စစ်ရေးကျွမ်းကျင်သူ အထူးအရာရှိ ဗိုလ်ချုပ် ခတ္ထိယဆဝပ်စ်ဒီပိုမှာ စနိုက်ပါသေနတ်ဖြင့် ချောင်းမြောင်းပစ်ခတ်ခြင်းခံခဲ့ရပြီး ကျည်ဆံမှာ ဗိုလ်ချုပ် ခတ္ထိယ၏ နဖူးမှဝင်၍ ဇာတ်ပိုးမှတစ်ဆင့် ဖောက်ထွက်သွားခဲ့ကာ အပြင်းအထန် ဒဏ်ရာရရှိခဲ့ သည်။ ဗိုလ်ချုပ် ခတ္ထိယမှာ ဆန္ဒပြစုရပ်အနီးတွင် နိုင်ငံခြားသတင်းထောက်များနှင့် တွေ့ဆုံဆွေးနွေးမှုပြုလုပ်နေစဉ် ယင်းသို့ ချောင်းမြောင်းပစ်ခတ်ခံခဲ့ရခြင်းဖြစ်သည်။

ထိုစဉ်က ဗိုလ်ချုပ် ခတ္ထိယအား ဟွာချူးဆေးရုံရှိ အရေးပေါ်ခွဲစိတ်ခန်းသို့ ရွှေ့ပြောင်းပေး နေစဉ် အရေးပေါ်အောက်စီဂျင်ပေးထားရသည်ကို ရုပ်သံမှ တိုက်ရိုက်ထုတ်လွှင့်ပြသခဲ့ သည်ဆို၏။ ထို့နေ့ ညည့်နက်ပိုင်းအချိန်တွင် ဗိုလ်ချုပ် ခတ္ထိယအား ဟွာချူးဆေးရုံမှ ဝိဇယဆေးရုံသို့ ထပ်မံရွှေ့ပြောင်းခဲ့သည်။ ဗိုလ်ချုပ် ခတ္ထိယမှာ ကြည်းတပ်မှအထူး အရာရှိတစ်ဦးဖြစ်သော်လည်း နိုင်ငံရေးခံယူချက်အရ ရှပ်နီအဖွဲ့ခေါင်းဆောင်တစ်ဦး အဖြစ် ရပ်တည်ခဲ့သူဖြစ်သည်။ မေလ ၁၇ ရက် နံနက် ၉ နာရီအချိန်ခန့်တွင် ဗိုလ်ချုပ် ခတ္ထိယမှာ ၎င်းရရှိထားသည့်ဒဏ်ရာဖြင့် ဆေးရုံ၌ သေဆုံးသွားခဲ့ရသည်။ ၎င်း၏ ရုပ်အလောင်းအား မီးရှို့သဂြီင်္ုလ်သည့်အခမ်းအနားပွဲကိုမူ ဇွန်လ ၂၂ ရက်ကျမှ ပြုလုပ်ခဲ့ပြီး ရှပ်နီအဖွဲ့ဝင်များနှင့် ပြည်သူထောင်ပေါင်းများစွာ ထိုအခမ်းအနားပွဲသို့ တက်ရောက်ခဲ့ကြလေသည်။ ယင်းအခမ်းအနားပွဲတွင် ဗိုလ်ချုပ် ခတ္ထိယနှင့်ပတ်သက်၍ ဝမ်းနည်းကြောင်း မှတ်တမ်းရေးသားရန်အတွက် အနံ ၃ ပေခန့်နှင့် အလျား ပေများစွာ ရှည်လျားသော ပိတ်ဖြူစအား ချိတ်ဆွဲပေးထားခဲ့ရလေသည်။ မီးသဂြီင်္ုလ်ပွဲအခမ်းအနား ကျင်းပရာ ဘုန်းတော်ကြီးကျောင်း၏ အပြင်ဘက်တွင် ဗိုလ်ချုပ် ခတ္ထိယ၏ လှုပ်ရှားမှု မှတ်တမ်းဗီစီဒီများ၊ ဓာတ်ပုံများ၊ ဗိုလ်ချုပ် ခတ္ထိယဓာတ်ပုံပါ ရှပ်အင်္ကျီအနီများ ဒီမိုကရေ စီသူရဲကောင်းစာတမ်းများ ရှပ်အင်္ကျီအနီများကို ရောင်းချခဲ့ကြရာ အခမ်းအနားသို့ တက်ရောက်လာသူများက အမှတ်တရ ဝယ်ယူသွားခဲ့ကြသည်။ ရှပ်နီခေါင်းဆောင် ကျတုဖုန်ဖရုန်ဖန်၊ ဗိုလ်ချုပ်ကြီး ပန်လော့ပင်မနီနှင့် ပရောင်းဖုန်တို့လည်း ယင်းအခမ်း အနားပွဲသို့ တက်ရောက်ခဲ့ကြပြီး အခမ်းအနားတက်ရောက်လာကြသူများအားလုံး အနီရောင် (သို့မဟုတ်) အနက်ရောင်အဝတ်အစားများကိုသာ ဝတ်ဆင်လာခဲ့ကြသည် ဆို၏။ ထိုနေ့ ၁၁ နာရီ မိနစ် ၃၀ ချိန်ခန့်တွင် ဗိုလ်ချုပ် ခတ္ထိယအလောင်းအား မီးလောင် တိုက်တွင်တင်ခဲ့ပြီး ညနေ ၃ နာရီ ၄၅ မိနစ်အချိန်တွင် ဘုရင့်နန်းတွင်းအမှုထမ်းများက ဘုရင်မှပေးသနားသော ဖန်မီးအိမ်ကို သယ်ဆောင်လာခဲ့ကြကာ ညနေ ၄ နာရီအချိန်တွင် ဗိုလ်ချုပ် ခတ္ထိယ၏ သမီးဖြစ်သူ မစ္စ ခတ္ထိယက ဘုရင့်နန်းတော်မှ ထုတ်ပြန်သော အမိန့်ပြန်တမ်းနှင့် ဗိုလ်ချုပ် ခတ္ထိယ၏သမိုင်းအကျဉ်းကို ဖတ်ကြားခဲ့လေ သည်။ ညနေ ၅ နာရီအချိန်တွင် ဗိုလ်ချုပ် ခတ္ထိယ၏ အထူးချစ်ခင်လေးစားမှုကို ခံရသော အကြိုဗိုလ်လောင်းအမှတ်စဉ် ၇ ကျောင်းဆင်း ဒုတိယဗိုလ်ချုပ်ကြီး ပရစစ်ယို ထိဖိထပ်က ဘုရင့်ဖန်မီးအိမ်ဖြင့် ဗိုလ်ချုပ် ခတ္ထိယ၏အလောင်းကို မီးစတင်ရှို့ပေးခဲ့လေ သည်။ ဤသည်မှာ စစ်မှန်သော ဒီမိုကရေစီရရှိရေး တိုက်ပွဲဆင်နွှဲယင်း ကျဆုံးသွားခဲ့ရသည့် ကြည်းတပ်အထူးအရာရှိ ဗိုလ်ချုပ်တစ်ဦး၏ နောက်ဆုံးခရီးပင် ဖြစ်ပြီး ကြုံတွေ့ဘို့ရန် အလွန်ခဲယဉ်းလှသည့် အဖြစ်အပျက်တစ်ခုလည်း ဖြစ်ပေသည်။

ဗိုလ်ချုပ် ခတ္ထိယ ချောင်းမြောင်းပစ်ခတ်ခံခဲ့ရပြီးနောက် တခဏအတွင်းမှာပင် ဆာလာဒင်လမ်းဆုံနှင့် လုံမဏီပန်းခြံအနီး၌ ဗုံးလေးလုံးဆက်တိုက်ပေါက်ကွဲခဲ့ပြီး သေနတ်သံများလည်း ထွက်ပေါ်လာခဲ့သည်။ ယင်းဖြစ်စဉ်တွင် ရှပ်နီအဖွဲ့ဝင် ၁ ဦး သေဆုံးခဲ့ပြီး ၉ ဦး ဒဏ်ရာရှိခဲ့သည်။ ရှပ်နီဆန္ဒပြလှုပ်ရှားမှုကြီးအတွက် အစိုးရအဖွဲ့မှ ဖွဲ့စည်းထားသော ဒုတိယဝန်ကြီးချုပ် ဆူထစ်သောင်န်ဆူဘန် ဦးဆောင်သည့် အရေးပေါ်အခြေအနေ ဆုံးဖြတ်ရေးဗဟိုဌာနသည် ရတ်ချာပရာဆွန်လမ်းဆုံအနီးရှိ အဓိကလမ်းမကြီး ၃ ခုတို့အား ပိတ်ဆို့ရန် လုံခြုံရေးတပ်ဖွဲ့ဝင်များအား အမိန့်ပေး ခဲ့သည်။ ရှပ်နီထောက်ခံသူများအနေဖြင့် ဆန္ဒပြစုရပ်သို့ အ၀င်/အထွက်မပြု လုပ်နိုင်ရန် မေလ ၁၃ ရက် ညနေ ၆ နာရီခန့်တွင် စီစဉ်ဆောင်ရွက်ခဲ့လေသည်။ သို့သော် အစိုးရလုံခြုံရေးတပ်ဖွဲ့ဝင်များနှင့် ရှပ်နီဆန္ဒပြအဖွဲ့ဝင်တို့အကြားတွင် အကြမ်းဖက် တိုက်ခိုက်မှုများမှာ ထိုနေ့ တစ်ညလုံး၌ ဘန်ကောက်မြို့လယ်ခေါင်တွင် ကြိုကြား ကြိုကြား ဆက်လက်ဖြစ်ပွားခဲ့ပြီး ရှပ်နီဆန္ဒပြအဖွဲ့ဝင်တစ်ဦး ထပ်မံသေဆုံးခဲ့ကာ (၅)ဦး ထပ်မံထိခိုက်ဒဏ်ရာရရှိခဲ့လေသည်။

ဆက်လက်ဖော်ပြပါမည်။

အာဆီယံခေါင်းဆောင်များ သွေးပျက်ခဲ့ရသည့်နေ့(သို့မဟုတ်) ပတ္တရားရှိ အာဆီယံ ညီလာခံအစည်းအဝေးအား ရှပ်နီအဖွဲ့မှ တိုက်ခိုက်ခဲ့ခြင်း

Oct 6, 2014
ဘီလူးကျွန်းသား

ဧပြီလ ၁၀ ရက် နံနက် ၁၁ နာရီအချိန်ခန့်တွင် ရှပ်နီအဖွဲ့ခေါင်းဆောင် အရစ္စမန်ဖုန်ရူယန်ဂရွန် ဦးဆောင်သည့် ရှပ်နီဆန္ဒပြအင်အား ၁၅၀၀ခန့်သည် အာဆီယံ ညီလာခံအစည်းအဝေးကျင်းပရာ ပတ္တရားမြို့ရှိ တော်ဝင်ချောက်ကမ်းပါးကမ်ခြေ အပန်းဖြေဟိုတယ်ရှေ့သို့ ရောက်ရှိလာခဲ့ကြပါသည်။ ရှပ်နီဆန္ဒပြသူများသည် ထရပ်ကားအမိုးများပေါ်မှ အသံချဲ့စက်ဖြင့် ဝန်ကြီးချုပ် အဘီဆစ် နုတ်ထွက်ပေးရန် တောင်းဆိုခဲ့ကြသည့်အပြင် အဘီဆစ်သည် ရွေးကောက်ပွဲမှ တက်လာသူတစ်ဦး မဟုတ်ဟု လည်း အော်ဟစ်ခဲ့ကြပါသည်။ မကြာမီ ဆန္ဒပြအင်အားမှာ ၃၀၀၀ခန့်အထိ တိုးတက်များပြားလာခဲ့ကာ ရဲတပ်ဖွဲ့မှကာရံထားသော အတားအဆီးများကို ချိုးဖျက်၍ ဟိုတယ်ခြံစည်းရိုးအနီးအထိ ချဉ်းကပ်ဝင်ရောက်ခဲ့ကြပါသည်။ ရှပ်နီအဖွဲ့ခေါင်းဆောင် အရစ္စမန်ကလည်း ထိုနေ့ ညနေ ၃ နာရီ ၄၀ မိနစ်အချိန်ခန့်တွင် အသံချဲ့စက်ဖြင့် ၎င်း၏ ကြေညာချက်စာတမ်းအား အာဆီယံနိုင်ငံခေါင်းဆောင်များမှ လက်ခံပေးရန် ဟစ်အော် တောင်းဆိုခဲ့သည့်အပြင် လက်ခံခြင်းမပြုက ဟိုတယ်အတွင်းသို့ ထိုးဖေါက်ဝင်ရောက်မည်ဟု ခြိမ်းခြောက်ခဲ့လေသည်။ ထိုနေ့ည ၆ နာရီခန့်တွင် အာဆီယံအတွင်းရေးမှူးရုံးမှ ပြည်ပဆက်ဆံရေးဌာနအကြီးအကဲ မစ္စတာ ဘာလာကူးမားပလာနီယက်ပန်မှ ရှပ်နီအဖွဲ့ခေါင်းဆောင် အရစ္စမန်၏ ကြေညာချက်စာတမ်းအား လက်ခံရယူခဲ့သည်။ ယင်းစာတွင် ဝန်ကြီးချုပ် အဘီဆစ်သည် ထိုင်းဘုရင့်အတိုင်ပင်ခံကောင်စီဥက္ကဌ ဗိုလ်ချုပ်ကြီး ပရင်နှင့် ထိုင်းစစ်တပ်အကူအညီဖြင့် အာဏာရယူခဲ့သူတစ်ဦးဖြစ်ကြောင်း၊ ဒီမိုကရေစီနှင့် မကိုက်ညီသော နည်းလမ်းဖြင့် ၎င်းအား ရွေးချယ်ခဲ့ခြင်းဖြစ်ကြောင်း၊ ထို့ကြောင့် အဘီဆစ်အား ရာထူးမှဆင်းပေးရန်နှင့် ၂၀၀၇ခုနှစ်၊ ဖွဲ့စည်းပုံအခြေခံဥပဒေအား ဖျက်သိမ်းပေးရန် တောင်းဆိုထားကြောင်း ဖော်ပြပေးထားပါသည်။ ၎င်းနောက် ရှပ်နီ ဆန္ဒပြအဖွဲ့ဝင်များသည် ပတ္တရားမြို့မြောက်ဘက်ရှိ Big C ကုန်တိုက်အဆောက်အအုံသို့ ပြန်လည်ထွက်ခွာသွားခဲ့ကြပြီး ဧပြီလ ၁၁ ရက်တွင် ပြန်လည်စုရုံးခဲ့ကြပါသည်။

ဧပြီလ ၁၁ ရက် နံနက်ပိုင်းမှစ၍ အာဆီယံညီလာခံအစည်းအဝေးကျင်းပရာ ပတ္တရားမြို့ရှိ တော်ဝင်ချောက်ကမ်းပါးကမ်းခြေအပန်းဖြေဟိုတယ်ရှေ့သို့ ရှပ်နီအဖွဲ့ဝင် ထောင်ပေါင်းများစွာတို့သည် တစ်ဖွဲဖွဲ့ ရောက်ရှိလာခဲ့ကြပါသည်။ အဘီဆစ်အစိုးရအဖွဲ့သည် စစ်သည်များ၊ ရဲတပ်ဖွဲ့ဝင် ၅၀၀ ဦးခန့်အား ရှပ်အင်္ကျီအပြာ များ ဝတ်ဆင်စေပြီး ဆန္ဒပြရှပ်နီအဖွဲ့အား ဝင်ရောက်တိုက်ခိုက်စေခဲ့ရာ ရှပ်ပြာ ၃ ဦး ထိခိုက်ဒဏ်ရာရှိခဲ့သည်။ ထိုနေ့ နေ့လယ် ၁၂ နာရီ ၂၀ မိနစ်အချိန်ခန့်တွင် ရှပ်နီအဖွဲ့ဝင် များသည် လုံခြုံရေးအတားအဆီးများကို ထိုးဖောက်၍ ဟိုတယ်မှန်တံခါးများကို ရိုက်ချိုး ဖျက်ဆီးပြီး ဝင်ရောက်လာခဲ့ကြပြီး ဝန်ကြီးချုပ် အဘီဆစ် နုတ်ထွက်ပေးရန် ကျယ်လောင်စွာ အော်ဟစ်တောင်းဆိုခဲ့ကြလေသည်။ ထိုစဉ်က ထိုင်းကြည်းတပ် ဦးစီးချုပ် ဗိုလ်ချုပ်ကြီး အနုဖုန်ပေါင်ကျင်ဒါမှ ရှပ်နီဆန္ဒပြအဖွဲ့ခေါင်းဆောင် မစ္စတာ အရစ္စမန်ထံသို့ တယ်လီဖုန်းဖြင့် ဆက်သွယ်၍ အတင်းအကျပ် ဆန္ဒပြတောင်းဆိုနေမှု များအား ရပ်ဆိုင်းပေးရန် ညှိနှိုင်းခဲ့သော်လည်း ရှပ်နီခေါင်းဆောင် မစ္စတာ အရစ္စမန်က လက်ခံခဲ့ခြင်းမရှိခဲ့ပေ။ ယင်းနောင် ဝန်ကြီးချုပ် အဘီဆစ်က ထိုနေ့ နေ့လယ် ၁၂ နာရီ ၄၅ မိနစ်အချိန်ခန့်တွင် ပတ္တရားမြို့အား အရေးပေါ်အခြေအနေအမိန့် ထုတ်ပြန် ကြေညာခဲ့ရပြီး လုံခြုံရေးအခြေအနေအား ဒုတိယဝန်ကြီးချုပ် ဆူထစ်သောင်န်ဆူဘန်က တာဝန်ယူဆောင်ရွက်ခဲ့သည်။ အဘီဆစ်အနေဖြင့် အရေးပေါ်အခြေအနေအမိန့်အား ထုတ်ပြန်ကြေညာပြီး အာဆီယံညီလာခံအစည်းအဝေး ကျင်းပခြင်းကို ဖျက်သိမ်းခဲ့ပြီး သည်နှင့်တစ်ပြိုင်နက် ရှပ်နီဆန္ဒပြအဖွဲ့သည် ဟိုတယ်မှ ချက်ချင်းပြန်လည် ထွက်ခွာ သွားခဲ့ကြပါသည်။ ယင်းနောက် ထိုင်းဝန်ကြီးချုပ် အဘီဆစ် အပါအဝင် ဧည့်သည်တော် နိုင်ငံ့ခေါင်းဆောင်များအား ဟိုတယ်ခေါင်မိုးမှတစ်ဆင့် ရဟတ်ယာဉ်ဖြင့် သယ်ထုတ်ခဲ့ရ လေသည်။ ထိုနေ့သည် အာဆီယံခေါင်းဆောင်ကြီးများ အတွက် သွေးပျက်ခဲ့ရသည့်နေ့ ဟု ဆိုရမည်ဖြစ်ပေသည်။

ဝန်ကြီးချုပ်အဘီဆစ် ယာဉ်တန်းအား ရှပ်နီအဖွဲ့မှ တိုက်ခိုက်ခဲ့ခြင်း

ထိုင်းဝန်ကြီးချုပ် အဘီဆစ်သည် ဧပြီလ ၁၂ ရက် နေ့လယ် ၂ နာရီ ၃၀ မိနစ်အချိန်ခန့် တွင် ဘန်ကောက်မြို့တော်နှင့် အနီးဧရိယာတစ်ဝိုက်ရှိ ပြည်နယ်များတွင် အရေးပေါ် အခြေအနေအမိန့် ထုတ်ပြန်ကြေညာခဲ့လေသည်။ ဝန်ကြီးချုပ် အဘီဆစ်အနေဖြင့် ပြည်ထဲရေးဝန်ကြီးဌာနသို့ သွားရောက်၍ အရေးပေါ်အခြေအနေအမိန့် ထုတ်ပြန် ကြေညာပြီးနောက် ပြန်လည်ထွက်ခွာစဉ် ဝန်ကြီးချုပ်၏ ယာဉ်တန်းအား ရှပ်နီ အဖွဲ့ဝင် ၁၀၀ ကျော်ခန့်က အကြမ်းဖက်တိုက်ခိုက်ခဲ့လေသည်။ ရှပ်နီအဖွဲ့ဝင်များ၏ တိုက်ခိုက်ခဲ့ မှုကြောင့် အနီးကပ်လုံခြုံရေးယာဉ်တစ်စီး ပျက်စီး၍ ယာဉ်မောင်းတစ်ဦး ထိခိုက်ဒဏ်ရာ ရှိခဲ့သော်လည်း ဝန်ကြီးချုပ်၏ မော်တော်ယာဉ်မှာမူ ဆန္ဒပြလူအုပ်ကြီး ကြားမှ အတင်းမောင်းနှင်ထွက်ပြေးသွားခဲ့ပါသည်။ ဝန်ကြီးချုပ် အဘီဆစ်နှင့် ဒုတိယ ဝန်ကြီးချုပ် ဆူထစ်သောင်န်ဆူဘန်တို့သည် အရေးပေါ်အခြေအနေအမိန့်အား ထုတ်ပြန်ခဲ့ပြီးနောက် အခြားယာဉ်တစ်စီးဖြင့် ကြိုတင်ရုပ်ဖျက်ထွက်ခွာသွားခဲ့သဖြင့် ရှပ်နီအဖွဲ့ဝင်များ တိုက်ခိုက်ခဲ့သည့် ဝန်ကြီးချုပ်၏ မော်တော်ယာဉ်တွင် ဝန်ကြီးချုပ်နှင့် ဒုတိယဝန်ကြီးချုပ်တို့နှစ်ဦးစလုံး လိုက်ပါသွားခဲ့ခြင်း မရှိပေ။ ရှပ်နီအဖွဲ့ဝင်များက ဝန်ကြီးချုပ်ယာဉ်တန်းအား တိုက်ခိုက်ခဲ့ပြီးနောက် ယင်းယာဉ်တန်းနောက်မှ လိုက်ပါလာ သော ဝန်ကြီးချုပ်၏ အတွင်းရေးမှူး နိဖုန်ဖရုန်၏ မော်တော်ယာဉ်အား ဆက်လက် တိုက်ခိုက်ခဲ့လေသည်။ ရှပ်နီအဖွဲ့က ဝန်ကြီးချုပ်၏အတွင်းရေးမှူး နိဖုန်၏ယာဉ်အား ရိုက်ချိုးဖျက်ဆီးခဲ့သည့်အပြင် မစ္စတာနိဖုန်ကိုလည်း ကားထဲမှဆွဲထုတ်၍ ရိုက်နှက်ခဲ့ရာ မစ္စတာ နိဖုန်တစ်ယောက် ဒဏ်ရာအပြင်းအထန်ရရှိခဲ့ရလေသည်။

ရှပ်နီဆန္ဒပြအဖွဲ့အား ထိုင်းစစ်တပ်မှ အပြင်းအထန်နှိမ်နင်းခဲ့ခြင်း

ဘန်ကောက်မြို့ရှိ ထောင်ပေါင်းများစွာသော ရှပ်နီဆန္ဒပြအဖွဲ့အား ဧပြီလ ၁၃ ရက်နေ့တွင် ထိုင်းကြည်တပ်မှ အပြင်းအထန် နှိပ်ကွပ်ခဲ့လေသည်။ ရှပ်နီအဖွဲ့က ဝီဘဝဒီရန်ကစစ်လမ်း၊ ဒင်းဒန်ရပ်ကွက်၊ အောင်ပွဲအထိမ်းအမှတ်ကျောက်တိုင်အနီးရှိ ရတ်ခ်ျဝတီဆေးရုံရှေ့တွင်လည်း ကားတာယာများကို မီးပုံရှို့ထားခဲ့သည့်အတွက် ယင်းဧရိယာတစ်ဝိုက်တွင် မီးခိုးများဖြင့် ဖုံးလွှမ်းနေခဲ့ရသည်။ ထိုင်းကြည်းတပ်မှ လုံခြုံရေးတပ်ဖွဲ့ဝင်များနှင့် ရှပ်နီဆန္ဒပြအဖွဲ့တို့အကြား တစ်ဖက်နှင့်တစ်ဖက် အကြမ်းဖက် တိုက်ခိုက်ခဲ့မှုကြောင့် ထိုနေ့တစ်နေ့တည်းတွင်ပင် လုံခြုံရေးတပ်ဖွဲ့ဝင် ၂၃ ဦးနှင့် ရှပ်နီ ဆန္ဒပြအဖွဲ့ဝင် ၅၁ ဦး၊ ပေါင်း ၇၄ ဦး ထိခိုက်ဒဏ်ရာရရှိခဲ့ရလေသည်။

ဆက်လက်ဖော်ပြပါမည်။

၂၀၀၉ခုနှစ် အဓိကရုဏ်းစတင်ခြင်း

(၁၄)ကြိမ်မြောက် အာဆီယံညီလာခံအစည်းအဝေးအား ၂၀၀၉ခုနှစ်၊ ဖေဖော်ဝါရီလ ၂၇ ရက်မှ မတ်လ ၁ ရက်အထိ ဘန်ကောက်မြို့တောင်ဖက် ကီလိုမီတာ (၂၀၀)ကွာဝေး သည့် ဟွာဟင်းမြို့တွင် ကျင်းပသွားမည်ဟု ထိုင်းဝန်ကြီးချုပ် အဘီဆစ်ဝဲ့ ချာချီဝက ဇန်နဝါရီလ ၇ ရက်နေ့တွင် ထုတ်ဖော်ပြောကြားခဲ့လေသည်။ မူလက အာဆီယံညီလာခံ အစည်းအဝေးအား ဘန်ကောက်မြို့တွင် ကျင်းပရန် စီစဉ်ထားခဲ့သော်လည်း အစိုးရ ဆန့်ကျင်ရေး ရှပ်နီအဖွဲ့၏ နှောင့်ယှက်မှုရန်ကို ရှောင်ရှား နိုင်ရေးအတွက် ဟွာဟင်းမြို့၌ ပြောင်းလဲကျင်းပရန် စီစဉ်ခဲ့ခြင်းဖြစ်လေသည်။ နောက်ပိုင်းတွင် ရှပ်နီအဖွဲ့၏ နိုင်ငံရေးလှုပ်ရှားမှုများကြောင့် အာဆီယံညီလာခံ အစည်းအဝေး ကျင်းပမည့် အချိန်နှင့် နေရာကို ထပ်မံ ပြောင်းလဲခဲ့ရသည်။ ထိုစဉ်က ဒုတိယဝန်ကြီးချုပ် ဆူထစ်သောင်ဆူဘန် ကလည်း လုံခြုံရေးလိုအပ်ချက်မှန်သမျှကို ပြင်ဆင်ထားရန် ရဲတပ်ဖွဲ့အကြီးအကဲ ရဲဗိုလ်ချုပ်ကြီး ပတ်ချာရာဝပ်ဝေါင်စူဝမ်အား ညွှန်ကြားခဲ့လေသည်။ ရှပ်နီအဖွဲ့ကလည်း မည်သည့်အခြေအနေမျိုးနှင့် ရင်ဆိုင်ရသည်ဖြစ်စေ ဟွာဟင်းမြို့အထိ လိုက်လံစုရုံး ဆန္ဒပြသွားမည်ဟု ခြိမ်းခြောက်ပြောကြားခဲ့ကြသည်။ နောက်ပိုင်းတွင် အာဆီယံ ညီလာခံအစည်းအဝေးအား ပတ္တရားမြို့၌ ပြောင်းလဲကျင်းပခဲ့လေသည်။ ထိုင်း ကြည်းတပ်ဦးစီးချုပ်ဟောင်း ၂၀၀၆ခုနှစ် အာဏာသိမ်းခေါင်းဆောင် ဗိုလ်ချုပ်ကြီး စွန်သီဘွန်ညာရတ်ကလင်းကလည်း ထိုင်းနိုင်ငံအတွင်း ဖြစ်ပေါ်နေသော နိုင်ငံရေး ပဋိပက္ခများ အဆုံးသတ်ရေးနှင့် အမျိုးသားပြန်လည်သင့်မြတ်ရေးကို ရည်ရွယ်၍ ဖွှေ့ပန်ဒင်ထိုင်း (Puea Pandin Thai) ဟူသော ပါတီအမည်ဖြင့် ပါတီသစ်တည်ထောင် ၍ နိုင်ငံရေးလောကထဲသို့ ဝင်ရောက်မည်ဟု ဇန်နဝါရီလ ၉ ရက်တွင် ထုတ်ဖော် ပြောကြားခဲ့သည်။ အလားတူ ထိုင်းဘုရင့်အတိုင်ပင်ခံကောင်စီ ဥက္ကဌ ဗိုလ်ချုပ်ကြီး ပရင်တင်စူလာနွန်ဒါသည်လည်း ဇန်နဝါရီလ ၁၀ ရက်တွင် ထိုင်းနိုင်ငံအရှေ့မြောက်ပိုင်း နခွန်ရတ်ချာစီမာပြည်နယ်ရှိ ၎င်း၏နေအိမ်၌ စစ်ဘက်နယ်ဘက်အရာရှိများ၊ မြောက်ပိုင်း ပြည်နယ်များရှိ လွှတ်တော်ကိုယ်စားလှယ်များအား ဖိတ်ခေါ်၍ နှစ်သစ်ကူး သြဝါဒစကား မိန့်ကြားခဲ့ခြင်းဖြင့် ထိုင်းနိုင်ငံရေး ဇာတ်ခုံပေါ်တွင် ခေတ္တမျှ ရုပ်လုံးထွက်ပြခဲ့သည်။ ဗိုလ်ချုပ်ကြီး ပရင် သည် အမှတ်(၂)စစ်တိုင်းမှူးဘဝက အရှေ့မြောက်ပိုင်းပြည်နယ်များ တွင် တာဝန်ထမ်းဆောင်ခဲ့သူဖြစ်ပြီး နခွန်ရတ်ချာစီမာပြည်နယ်တွင် နှစ်ပေါင်းများစွာ ကျင်လည်ခဲ့သူ တစ်ဦးဖြစ်သည်။ သို့သော် နောက်ပိုင်းတွင် ယင်းပြည်နယ်များသည် ဝန်ကြီးချုပ်ဟောင်း သက်ဆင်အပေါ် တစ်ခဲနက် ထောက်ခံအားပေးခဲ့ကြသည့် ပြည်နယ်များဖြစ်လာခဲ့သည်။

ထိုင်းအစိုးရဆန့်ကျင်ရေး ရှပ်နီအဖွဲ့အင်အား (၃)သောင်းခန့်သည် ဇန်နဝါရီလ (၃၁)ရက် ညနေပိုင်းအချိန်မှစ၍ ဘန်ကောက်မြို့ရှိ စနမ်လူဝမ်အားကစားကွင်းတွင် စတင်စုရုံး ခဲ့ကြသည်။ ရှပ်နီအဖွဲ့အပေါ် ထောက်ခံအားပေးသည့် လူအုပ်ကြီးသည်လည်း အခြား သော ပြည်နယ်များမှတစ်ဆင့် ဘန်ကောက်မြို့သို့ ချီတက်လာခဲ့ကြသည်။ အထူးသဖြင့် မြောက်ပိုင်းနှင့် အရှေ့မြောက်ပိုင်းပြည်နယ်များမှ ရှပ်နီအဖွဲ့ထောက်ခံသူ ပြည်သူ အများစုတို့ ပါဝင်ခဲ့ပါသည်။ ရှပ်နီဆန္ဒပြလူအုပ်ကြီးသည် စနမ်လူဝမ်အားကစားကွင်း မှတစ်ဆင့် ထိုင်းအစိုးရအိမ်တော်သို့ ဆက်လက်ချီတက်ခဲ့ရာ ထိုနေ့ည ၁၀ နာရီ အချိန် ခန့်တွင် အစိုးရအိမ်တော်သို့ ရောက်ရှိခဲ့ကြပါသည်။ ဤလှုပ်ရှားမှုကြီးမှာ ဝန်ကြီးချုပ် အဘီဆစ်၏ ဒီမိုကရက်ပါတီအစိုးရတက်လာပြီးနောက် (၁)လအကြာတွင် ဖြစ်ပွားခဲ့ သည့် ရှပ်နီအဖွဲ့၏ ပထမဆုံး လူထုလှုပ်ရှားမှုကြီးတစ်ရပ်ပင်ဖြစ်သည်။ အဘီဆစ် အစိုးရ အဖွဲ့အပေါ် ထောက်ခံအားပေးသည့် ရှပ်ဝါအဖွဲ့မှ အင်အား(၁)သောင်း ခွဲခန့်ကလည်း ဖေဖော်ဝါရီလ(၁၄)ရက် ညနေပိုင်းတွင် ဥဒုံဌာနီပြည်နယ် နွန်ပရာချက်စီလာကွမ်ပန်းခြံ တွင် စုရုံးခဲ့ကြသည်။ ယင်းနယ်မြေသည် ဝန်ကြီးချုပ်ဟောင်း သက်ဆင်အစိုးရအဖွဲ့ အပေါ် ထောက်ခံအားပေးသည့် ရှပ်နီအဖွဲ့၏ နိုင်ငံရေးအမာခံနယ်မြေဖြစ်သောကြောင့် ရှပ်နီနှင့်ရှပ်ဝါတို့အကြား အဓိကရုဏ်းအသွင်ဆောင်သည့် ခိုက်ရန်ဖြစ်ပွားမှုများ ပေါ်ပေါက်လာမည်ကို စိုးရိမ်သဖြင့် ပြည်နယ်ရဲတပ်ဖွဲ့က အင်အား (၂၀၀၀)ခန့်အသုံးပြု ၍ နွန်ပရာချက်စီလာကွမ် ပန်းခြံတစ်ဝိုက်တွင် သံဆူးကြိုးများကာရံကာ နေရာယူခဲ့ရ သည်။ ထိုင်းအစိုးရဆန့်ကျင်ရေး ရှပ်နီအဖွဲ့အင်အား (၃)သောင်းခန့်သည် မတ်လ (၂၆)ရက် နေ့လယ်ပိုင်းတွင် အဘီဆစ် အစိုးရအဖွဲ့ နုတ်ထွက်ပေးရေး တောင်းဆိုလျက် စနမ်လူဝမ်အားကစားကွင်းမှ အစိုးရအိမ်တော်ရှေ့သို့ ချီတက်စုရုံးဆန္ဒပြခဲ့ကြသည်။ စနမ်လူဝမ်အားကစားကွင်းမှ ထိုင်းအစိုးရ အိမ်တော်သို့ ချီတက်ရာလမ်း တစ်လျှောက် တွင် ရဲတပ်ဖွဲ့ဝင်များက ကွန်တိန်နာကြီးများဖြင့် ပိတ်ဆို့ကာကွယ်ထားခဲ့ပြီး ဆန္ဒပြသူ များဘက်မှလည်း အစိုးရအဖွဲ့ထွက်သွားဟု ဟစ်အော်ဆန္ဒပြခဲ့ကြသည်။ မတ်လ (၂၇)ရက် ထိုင်းအစိုးရအိမ်တော် ရှေ့တွင် စုရုံးဆန္ဒပြလျက်ရှိသည့် ရှပ်နီအဖွဲ့ဝင်များကို အာဏာသိမ်းခံရ၍ ပြည်ပြေးဖြစ်နေသည့် ဝန်ကြီးချုပ်ဟောင်း သက်ဆင်က ဗီဒီယို လင့်ခ်မှတစ်ဆင့် မိန့်ခွန်းပြောကြားခဲ့သည်။ ၂၀၀၆ခုနှစ် စက်တင်ဘာလ (၁၉)ရက် ၎င်း အစိုးရအဖွဲ့အား အာဏာသိမ်းခဲ့မှုနောက်ကွယ်တွင် ပါဝင်ခဲ့သည့် အဓိကပုဂ္ဂိုလ်ကြီးများ မှာ ထိုင်းဘုရင့် အတိုင်ပင်ခံကောင်စီဥက္ကဌ ဗိုလ်ချုပ်ကြီး ပရင်နှင့် အတိုင်ပင်ခံကောင်စီ ဝင်တစ်ဦးဖြစ်သူ ဝန်ကြီးချုပ်ဟောင်း ဆူရာယွတ်ချူလာနွန့်တို့ဖြစ်သည်ဟု သက်ဆင်က စွပ်စွဲပြောကြားခဲ့သည်။

ထိုင်းအစိုးရအိမ်တော်ရှေ့တွင် ရှပ်နီဆန္ဒပြသူများသည် မတ်လ (၂၆)ရက်မှစ၍ စုရုံးဆန္ဒ ပြလျက် ရှိသကဲ့သို့ ဝန်ကြီးချုပ်ဟောင်း သက်ဆင်အနေဖြင့်လည်း ရှပ်နီဆန္ဒပြသူများထံ သို့ တယ်လီဖုန်း(သို့မဟုတ်) ဗီဒီယိုလင့်ခ်တို့ဖြင့် ညစဉ် မိန့်ခွန်းပြောကြားလျက်ရှိရာ ဆန္ဒပြအင်အားမှာ (၅)သောင်းကျော်အထိ တိုးတက်များပြားလာခဲ့ရသည်။ ဆန္ဒပြသူ များအနေဖြင့် အစိုးရအိမ်တော်ဝင်ပေါက်များအား ပိတ်ဆို့ထားခဲ့သောကြောင့် အစိုးရရုံးအဖွဲ့ ဝန်ထမ်းများနှင့် ဝန်ကြီးအဖွဲ့များအားလုံး ရုံးတက်နိုင်ခြင်းမရှိခဲ့ကြပေ။ ထို့ကြောင့် ဝင်ပေါက်ပိတ်ဆို့ထားခြင်းများကို ဖယ်ရှားပေးရေးအတွက် ဝန်ကြီးချုပ်ရုံးမှ အုပ်ချုပ်မှုတရားရုံးသို့ မတ်လ(၃၁)ရက်နေ့တွင် တင်ပြလျောက်ထားခဲ့ရသည်။ သို့ဖြစ်၍ ရှပ်နီဆန္ဒပြသူများအား လွတ်လူဝမ်လမ်း (ထီဝကန်လမ်းဆုံမှ ချမိုင်မာရူချက်တံတား အထိနေရာ)အား ဖွင့်လှစ်ပေးရန်နှင့် အစိုးရရုံးအဖွဲ့များအား အိမ်တော်ဂိတ် အမှတ်(၆) နှင့် ဂိတ်အမှတ်(၈)တို့မှ ဝင်ခွင့်ပေးရန် အုပ်ချုပ်မှုတရားရုံးက အမိန့်ထုတ်ပြန်ခဲ့ရသည့် အခြေအနေသို့တိုင် ရောက်ရှိခဲ့ရသည်။

ထိုင်းအစိုးရဆန့်ကျင်ရေး ရှပ်နီအဖွဲ့၏ ထုတ်ပြန်ကြေညာထားချက်အတိုင်း နိုင်ငံတစ်ဝှမ်း လုံးရှိ ပြည်နယ်အသီးသီးတို့မှ ရှပ်နီထောက်ခံသူများသည် ဘန်ကောက်မြို့ရှိ အစိုးရအိမ်တော်ရှေ့သို့ အေပြီလ(၈)ရက်တွင် ချီတက်လာခဲ့ကြရာ ထိုနေ့ နေ့လယ်ပိုင်း အချိန်တွင် ရှပ်နီဆန္ဒပြအင်အားမှာ (၁)သိန်းကျော်ထိ တိုးတက်များပြားလာခဲ့ပါသည်။ ဆန္ဒပြသူများသည် ဝန်ကြီးချုပ် အဘီဆစ်၊ ဘုရင့်အတိုင်ပင်ခံကောင်စီဥက္ကဌ ဗိုလ်ချုပ်ကြီး ပရင်၊ ကောင်စီအဖွဲ့ဝင် ဗိုလ်ချုပ်ကြီး ဆူရာယွတ်နှင့် တရားသူကြီးဟောင်း ချန်ချိုင်းလီကစ်ကျိတတို့အား ရာထူးမှ နုတ်ထွက်ပေးရန် တောင်းဆိုခဲ့ကြသည်။ ထိုနေ့ နံနက်ပိုင်းတွင် ရှပ်နီအင်အားပြအင်အား (၂)သောင်းခန့်ကလည်း ဗိုလ်ချုပ်ကြီး ပရင်၏ စီဆောက်ထဝဲ့နေအိမ်ရှေ့သို့ စုရုံးချီတက် ဆန္ဒပြခဲ့ကြသည်။ ထိုအချိန်တွင် ဗိုလ်ချုပ်ကြီး ပရင်သည် ၎င်း၏ နေအိမ်ထဲတွင်ပင်ရှိနေပြီး ၎င်း၏လုံခြုံရေးအတွက် ရဲတပ်ဖွဲ့ဝင် ငါးရာခန့်က လုံခြုံရေး ဆောင်ရွက်ပေးခဲ့ရသည်။

ဧပြီလ (၉)ရက်နေ့လယ်ပိုင်းတွင် ဝန်ကြီးချုပ် အဘီဆစ်ဦးဆောင်သော ဒီမိုကရက် ပါတီ၏ မည်သည့်အစိုးရကိုမျှ လက်မခံဘဲ လုံးဝဆန့်ကျင်ကန့်ကွက်သွားမည် ဟူသော ဒုတိယမြောက်ကြေညာချက်ကို ရှပ်နီအဖွဲ့က ထုတ်ပြန်ကြေညာခဲ့သည်။ ပထမ ကြေညာချက်တွင် ဝန်ကြီးချုပ် အဘီဆစ်၊ ဗိုလ်ချုပ်ကြီး ပရင်၊ ဗိုလ်ချုပ်ကြီး ဆူရာယွတ် နှင့် တရားသူကြီးဟောင်း ချန်ချိုင်းတို့အား (၂၄)နာရီအတွင်း ရာထူးမှနုတ်ထွက်ပေးရန် တောင်းဆိုထားခဲ့သည်။ ထောင်ပေါင်းများစွာသော ရှပ်နီဆန္ဒပြအဖွဲ့ဝင်များသည် ဧပြီလ (၉)ရက် နေ့လယ်ပိုင်းအချိန်မှစ၍ ဘန်ကောက်မြို့လယ်ရှိ အောင်ပွဲအထိမ်းအမှတ် ကျောက်တိုင် ဧရိယာတစ်ဝိုက်သို့သွားသည့် လမ်းမများအား ပိတ်ဆို့ထားခဲ့ကြသည်။ ရဲ တပ်ဖွဲ့၏ တားမြစ်ပိတ်ပင်ခြင်းကို ငြင်းဆန်ကာ စီးပွားရေးအချက်အခြာကျသည့် ယင်းဧရိယာများအတွင်းသို့ ရှပ်နီအဖွဲ့ဝင်များက အတင်းထိုးဖောက် ဝင်ရောက်ခဲ့ကြခြင်း ဖြစ်သည်။ အလားတူ ဆေးရုံများ၊ ရုံးများ၊ ကုမ္ပဏီများသို့ သွားရောက်ရာ လမ်းမများ ကိုလည်း ပိတ်ဆို့ထားခဲ့ကြသည်။ ရှပ်နီအဖွဲ့အပေါ် ထောက်ခံအားပေးသည့် တက္ကစီ ယာဉ်မောင်းများကလည်း ၎င်းတို့၏ မော်တော်ယာဉ်များဖြင့် ဘန်ကောက်မြို့လယ်ရှိ လမ်းမများအား ပိတ်ဆို့ထားခဲ့ကြသည့်အပြင် ကရိန်းများ၊ ထရပ်ကားများကို အသုံးပြု၍ ဖယ်ရှားပစ်မည်ဟူသော ရဲတပ်ဖွဲ့၏ ခြိမ်းခြောက်မှုကြားမှပင် အခြေခံဥပဒေတရားရုံး၊ နိုင်ငံခြားရေးဝန်ကြီးဌာန၊ အစိုးရအိမ်တော်၊ ဒီမိုကရက်ပါတီဌာနချုပ်အပြင်ဖက်ရှိ လမ်းမ များအား တက္ကစီယာဉ်များဖြင့် ပိတ်ဆို့စုရုံးဆန္ဒပြခဲ့ကြသည်။ ဤသည်မှာ ထိုင်းနိုင်ငံ အဓိကနိုင်ငံရေးအင်အားစုကြီးနှစ်စုအကြား၌ Colour-coded Politics ပြိုင်ဆိုင်မှု အရှိန် မြင့်တက်လာခြင်းဖြစ်ပြီး အမျိုးသားနိုင်ငံရေးထက် ပါတီနိုင်ငံရေးကို ပိုမိုဦးစားပေး၍ တစ်ဖက်နှင့်တစ်ဖက် အပြုတ်တိုက်ကာ Finale of Political Struggle ကို ဖော်ဆောင် လာခြင်းပင် ဖြစ်လေသည်။ မည်သို့ပင်ဖြစ်စေ ထိုင်းနိုင်ငံရေးအခြေအနေမှာ စတင် ရှုပ်ထွေးစ ပြုလာခဲ့ချေပြီ။

ဆက်လက်ဖော်ပြပါမည်။

ရှပ်နီသမိုင်းနောက်ခံအကျဉ်း

Nov 5, 2014
ဘီလူးကျွန်းသား

ရှပ်နီအဖွဲ့အား ၂၀၀၆ခုနှစ် ဝန်ကြီးချုပ်ဟောင်း သက်ဆင်ပြုတ်ကျအပြီး ရွေးကောက်ပွဲ များ ပြန်လည်မကျင်းပမီ သီတင်း(၅)ပတ်ခန့်အလို၌ စစ်တပ်မှ အာဏာသိမ်းမှုနှင့် စစ်အစိုးရအုပ်ချုပ်ရေးကို ဆန့်ကျင်ရန်အတွက် ဖွဲ့စည်းခဲ့ခြင်းဖြစ်သည်။ ထိုင်းဘုရင့် နန်းတော်မှ အတွင်းလူများ(ကပ်ဖားရပ်ဖားများ(သို့မဟုတ်) ကတ္တီပါလက်အိပ်ဖြင့် ဘော ပွတ်ပေးသူများ)၊ စစ်တပ်အကြီးအကဲများနှင့် အစိုးရအရာရှိကြီးများ၊ မင်းမျိုးမင်းနွယ်၊ မှူးမတ်မျိုးနွယ်များသာ အစဉ်အလာအားဖြင့် ကြီးစိုးခဲ့သည့် ထိုင်းနိုင်ငံ ရေးစနစ်ကို ရွေးကောက်ခံပြည်သူ့ကိုယ်စားလှယ်များနှင့် အစားထိုးပြောင်းလဲအုပ်ချုပ်ရန် ရှပ်နီ အဖွဲ့က တောင်းဆိုခဲ့ကြလေသည်။ ရှပ်နီအဖွဲ့၏ အဓိကပစ်မှတ်ရန်သူကြီးမှာ တစ်ချိန် တစ်ခါက "ကျောက်ဖရားမြစ်ရိုးတစ်လျှောက်မှ လူသတ်သမားကြီး"ဟု အမည်တွင်ခဲ့ သည့် စစ်ဗိုလ်ချုပ်ကြီးဟောင်းဖြစ်သူ ဝန်ကြီးချုပ်ဟောင်းတစ်ဖြစ်လည်း ဘုရင့်အတိုင် ပင်ခံကောင်စီဥက္ကဌ ဗိုလ်ချုပ်ကြီး ပရင်တင်စူလာနွန်ဒါ ပင်ဖြစ်လေသည်။ ထိုင်း နိုင်ငံရေးလောကတွင်းသို့ ဘုရင့်နန်းတော်မှ အတွင်းလူများ၏ ဝင်ရောက် စွက်ဖက်နေမှုများကို ရပ်ဆိုင်းပေးရန် ရှပ်နီအဖွဲ့က တောင်းဆိုခဲ့သည့်အတွက် ဆန့်ကျင်ဖက် နိုင်ငံရေးအင်အားစုကြီးတစ်ခု ဖြစ်သည့် ရှပ်ဝါအဖွဲ့က ရှပ်နီအဖွဲ့အပေါ် "ထိုင်းစည်းမျဉ်းခံဘုရင်စနစ်အား ဆန့်ကျင်သူများ" ဟု ဝေဖန်ပုတ်ခတ် စွပ်စွဲခဲ့ကြလေ သည်။ ယင်းစွပ်စွဲချက်များကြောင့်ပင် ရှပ်နီအဖွဲ့ခေါင်းဆောင် အများအပြားမှာ ထိုင်း ဘုရင်နှင့် ပတ်သက်သည့် ဥပဒေများကို ချိုးဖေါက်ခဲ့သူများဟု စွဲချက်တင်ခံရကာ ထောင်နန်းစံ ခဲ့ကြရလေသည်။ သို့သော် အလွန်စိတ်ဝင်စားဖွယ်ကောင်းသည့် အချက် မှာ ထိုစွပ်စဲခံရသူ၊ ထောင်နန်းစံခဲ့ကြရသူများထဲမှ အချို့မှာ ဝန်ကြီးချုပ်ဟောင်း သက်ဆင်၏ အငယ်ဆုံးညီမဖြစ်သူ မစ္စ ယင်းလပ် ဝန်ကြီးချုပ်ဖြစ်လာခဲ့သည့် ဖွှေ့ထိုင်း ပါတီအာဏာရခဲ့ချိန်တွင် ပြည်သူ့လွှတ်တော်ကိုယ်စားလှယ်အမတ်များ ဖြစ်လာခဲ့ကြ လေသည်။ ထိုသူများအနေဖြင့် ပြည်သူ့လွှတ်တော်ကိုယ်စားလှယ်အမတ်များ ဖြစ်လာခဲ့ ချိန်တွင် ၁၉၉၇ခုနှစ်နှင့် ၂၀၀၇ခုနှစ်က အာဏာသိမ်းစစ်ဗိုလ်ချုပ်ကြီးများ ဦးဆောင် ရေးဆွဲခဲ့သည့် ဖွဲ့စည်းအုပ်ချုပ်ပုံအခြေခံဥပဒေကို အစားထိုးပြင်ဆင်ရန် ပြင်းပြင်း ထန်ထန် တောင်းဆို ခဲ့ကြလေသည်။

နိုင်ငံရေးတိုက်ပွဲဆင်နွှဲခဲ့မှုများ

၂၀၀၆ခုနှစ် သက်ဆင်အစိုးရအဖွဲ့အား စစ်တပ်မှ အာဏာသိမ်းခဲ့ပြီးချိန်မှစ၍ ရှပ်နီအဖွဲ့ ပေါ်ပေါက်လာကာ နိုင်ငံရေးဆန့်ကျင်ဖက်ဖြစ်သည့် ရှပ်ဝါအဖွဲ့အား စစ်တပ်အပေါ် ထောက်ခံသူများဟု စွပ်စွဲခဲ့ကြလေသည်။ ထိုအချိန်မှစ၍ ရှပ်နီနှင့်ရှပ်ဝါ နိုင်ငံရေး အင်အားစုကြီးနှစ်ရပ်အကြားတွင် နိုင်ငံရေးသဘောထားနှင့် ခံယူချက်များ အကြီး အကျယ် ကွဲလွဲခဲ့ကာ နှစ်ဖက်အကြား နိုင်ငံရေးအကြမ်းဖက်တိုက်ခိုက်မှုများ တစ်စထက် တစ်စ ကြီးထွားလာခဲ့ရလေသည်။ ၂၀၀၈ခုနှစ်၊ ဇူလိုင်လတွင် ဥဒုံဌာနီပြည်နယ်၌ ဖြစ်ပွားခဲ့သည့် နှစ်ဖက်ထိပ်တိုက်ရင်ဆိုင်တိုက်ခိုက်မှုများတွင် ရှပ်နီအဖွဲ့က နိုင်ငံရေး စုရုံးမှုပြုလုပ်နေသည့် ရှပ်ဝါအဖွဲ့အပေါ် တိုက်ခိုက်ခဲ့သည့်အတွက် ရှပ်ဝါ အဖွဲ့ဝင်များစွာ ထိခိုက်ဒဏ်ရာရရှိခဲ့ရသည်။ အလားတူ ရှပ်နီအဖွဲ့၏ နိုင်ငံရေးအမာခံ နယ်မြေတစ်ခု ဖြစ်သည့် ထိုင်းနိုင်ငံမြောက်ပိုင်း ချင်းမိုင်ပြည်နယ်တွင် ပြုလုပ်ခဲ့သည့် ရှပ်ဝါအဖွဲ့၏ အစည်းအဝေးတစ်ခုကိုလည်း ရှပ်နီအဖွဲ့က တိုက်ခိုက်ခဲ့သည်။

၂၀၀၈ခုနှစ်၊ စက်တင်ဘာလ (၂)ရက်နေ့မတိုင်မီတွင် ဘန်ကောက်မြို့ စနန်လူဝမ် အားကစားကွင်းအတွင်း စုရုံးလျက်ရှိသည့် ရှပ်နီအဖွဲ့ဝင်များသည် ရတ်ချာဒမ်နွန် ရိပ်သာလမ်းတွင် စုရုံးဆန္ဒပြနေကြသည့် ရှပ်ဝါအဖွဲ့အား တိုက်ခိုက်ရန် ဆုံးဖြတ်ခဲ့ကြ လေသည်။ ရှပ်နီ၊ ရှပ်ဝါ နိုင်ငံရေးအင်အားစုကြီးနှစ်ရပ်၏ ယင်းထိပ်တိုက် ရင်ဆိုင် တိုက်ခိုက်မှုတွင် နှစ်ဖက်စလုံးတို့မှ အများအပြား ထိခိုက်ဒဏ်ရာရရှိခဲ့ကြပြီး ရှပ်နီအဖွဲ့မှ လူတစ်ဦး သေဆုံးခဲ့ရသည်။ ယင်းဖြစ်စဉ်ကြောင့် ထိုင်းနိုင်ငံ ဘန်ကောက်မြို့ အတွင်း၌ အပျော့စားအဆင့်ရှိသည့် အရေးပေါ်အခြေအနေအမိန့်ကို ထုတ်ပြန်ခဲ့ရလေသည်။ ထိုင်းစစ်တပ်မှ နှစ်ဖက်အုပ်စုအား လူစုခွဲရန် တောင်းဆိုခဲ့သော်လည်း နှစ်ဖက်စလုံးတို့မှ စုရုံးဆန္ဒပြ လူအုပ်စုကြီးမှာ လူစုခွဲခဲ့ကြခြင်း မရှိခဲ့ပေ။ ထိုအချိန်မှစ၍ ထိုင်းနိုင်ငံရေး လောက ဇာတ်ခုံပေါ်တွင် ရှပ်နီအဖွဲ့သည် ရှပ်ဝါအဖွဲ့၏ အဓိကနိုင်ငံရေးဆန့်ကျင်ဖက် အုပ်စုကြီးတစ်ခုဖြစ်လာခဲ့ကာ ရှပ်နီနှင့်ရှပ်ဝါ နိုင်ငံရေးအုပ်စုကြီးနှစ်ခုအကြားတွင်လည်း နိုင်ငံရေးသဘောထား ကွဲလွဲမှုများ နက်ရှိုင်းစွာ ဖြစ်ပေါ်ခဲ့ရလေသည်။

ဆက်လက်ဖော်ပြပါမည်။

အာဏာရှင်ဆန့်ကျင်ရေး ဒီမိုကရေစီ သွေးစည်းညီညွတ်ရေးတပ်ဦး (သို့မဟုတ်) ရှပ်နီ နိုင်ငံရေးလှုပ်ရှားမှုအဖွဲ့ United Front Democracy Against Dictatorship-UDD or Red Shirt Political Movement Group

Nov 3, 2014
ဘီလူးကျွန်းသား

နိဒါန်း

အာဏာရှင်ဆန့်ကျင်ရေး ဒီမိုကရေစီ သွေးစည်းညီညွတ်ရေးတပ်ဦး (ရှပ်နီအဖွဲ့)ကို အာဏာရှင်ဆန့်ကျင်ရေး အမျိုးသားဒီမိုကရက်တစ်ညွန့်ပေါင်းအဖွဲ့ (National Democratic Alliance Against Dictatorship) ဟုလည်း ခေါ်ဆိုကြသည်။ ၂၀၀၆ခုနှစ် တွင် ထိုင်းအာဏာသိမ်းစစ်အစိုးရအဖွဲ့ကို ဆန့်ကျင်ရန်အတွက် ယင်းအဖွဲ့အား စတင်ဖွဲ့စည်းခဲ့ပေသည်။ ရှပ်နီအဖွဲ့အတွင်း ထင်ရှားသောခေါင်းဆောင်များမှာ ကျတုဖုန် ဖရုန်ဖန်၊ နတ္တဝတ် စိုင်ကူရာ၊ ဝီရ မူစီကဖုန်၊ ချရန် ဒစ်ထပီချိုင်နှင့် ဝမ်တိုကျိရာကန် တို့ပင်ဖြစ်လေသည်။

ရှပ်နီအဖွဲ့သည် ထိုင်းအာဏာသိမ်းစစ်အစိုးရအဖွဲ့ အုပ်ချုပ်ရေးကာလဖြစ်သည့် ၂၀၀၆- ၂၀၀၇ ခုနှစ်ကာလများအတွင်းက စစ်အစိုးရဆန့်ကျင်ရေး လူထုဆန္ဒပြပွဲများကို ဦးဆောင်ပြုလုပ်ခဲ့ပြီး စစ်အစိုးရအဖွဲ့ ဦးဆောင်ရေးဆွဲခဲ့သည့် ၂၀၀၇ခုနှစ်၊ ဖွဲ့စည်းပုံ အခြေခံဥပဒေကိုလည်း ပြင်းပြင်းထန်ထန် ဆန့်ကျင်ကန့်ကွက်ခဲ့သည်။ ၂၀၀၇ခုနှစ်၊ အထွေထွေရွေးကောက်ပွဲအပြီးတွင် ပြည်သူ့စွမ်းအားပါတီ (Peoples Power Party) အနိုင်ရရှိခဲ့ပြီးနောက် ရှပ်နီအဖွဲ့သည် ၎င်း၏ ဆန္ဒပြပွဲများကို ရပ်ဆိုင်းခဲ့ပေသည်။

သို့သော် ရှပ်ဝါအဖွဲ့က ၂၀၀၈ခုနှစ်၊ မေလထဲတွင် အစိုးရအိမ်တော်အား သိမ်းပိုက်ခြင်း၊ ဖူးခစ်လေဆိပ်အား သိမ်းပိုက်ခြင်း၊ ၂၀၀၈ခုနှစ် နိုဝင်ဘာလ ၂၅ ရက်နေ့တွင် ဟီရိုရှီးမား စစ်ဆင်ရေးဟု အမည်ပေးထားသည့် လူထုစည်းရုံးဆန္ဒပြပွဲအား သုဝဏ္ဏဘူမိ လေဆိပ် ရှေ့တွင်ပြုလုပ်ကာ ယင်းလေဆိပ်အား သိမ်းပိုက်ခြင်းတို့ဖြင့် ပြည်သူ့စွမ်းအားပါတီ အစိုးရအဖွဲ့အား အပြုတ်တိုက်ခဲ့လေသည်။

ထို့ကြောင့် ရှပ်ဝါအဖွဲ့၏ နိုင်ငံရေးလှုပ်ရှားမှုကြီးအပေါ် ရှပ်နီအဖွဲ့က တန်ပြန်ဆန္ဒပြမှုများ ပြုလုပ်ခဲ့ခြင်းဖြင့် နိုင်ငံရေးအင်အားစုကြီးနှစ်ရပ် ထိပ်တိုက်ရင်ဆိုင် တွေ့ဆုံခဲ့ကြပြီး နောက်ဆုံး ၂၀၁၀ ခုနှစ်တွင် အဘီဆစ်ဝဲ့ချာချီဝ အစိုးရပြုတ်ကျရေး ရှပ်နီဆန္ဒပြပွဲ၌ လူပေါင်း ၉၀ ကျော်သေဆုံး၍ ၂၀၀၀ ကျော် ထိခိုက်ဒဏ်ရာရရှိခဲ့လေသည်။ အဘီဆစ် ဝဲ့ချာချီဝ ဝန်ကြီးချုပ်အဖြစ် တာဝန်ယူစဉ်ကာလအတွင်း (၂၀၀၉ခုနှစ်၊ အေပြီလအတွင်း နှင့် ၂၀၁၀ပြည့်နှစ်၊ မတ်လနှင့်မေလအတွင်း)က ရှပ်နီအဖွဲ့ ဦးဆောင်သည့် အဓိက နိုင်ငံရေးအင်အားစုကြီးတစ်ရပ်သည် လုံခြုံရေးတာဝန်ထမ်းဆောင်နေသည့် ထိုင်း တပ်မတော်တပ်ဖွဲ့ဝင်များနှင့် ထိပ်တိုက်ရင်ဆိုင်တိုက်ခိုက်မှုများ ပြုလုပ်ခဲ့ပြီး နှစ်ဖက် အကြား အကြမ်းဖက်တိုက်ခိုက်မှုများ ဖြစ်ပွားခဲ့ကာ နောက်ဆုံး၌ ဘန်ကောက် မြို့လယ်ရှိ အထင်ကရ ကုန်တိုက်ကြီးတစ်ခုဖြစ်သော စင်ထရယ်ဝေါလ် (CEntral World) ကုန်တိုက်ကြီးမှာ မီးလောင်တိုက်သွင်းခြင်း ခံခဲ့ရသည်အထိ ဖြစ်ခဲ့ရလေသည်။

ရှပ်နီအဖွဲ့၏ လှုပ်ရှားမှုများကို လေ့လာကြည့်လျင် ပြည်ပြေး ဝန်ကြီးချုပ်ဟောင်း သက်ဆင်ရှင်နဝပ်၊ ၎င်း၏မိသားစုဝင်များနှင့် နိုင်ငံရေးအပေါင်းအပါများအပေါ် ထောက် ခံအားပေးသည်ဟု ယူဆရသော်လည်း အမှန်စင်စစ် သက်ဆင်အပေါ် ရှပ်နီအဖွဲ့ဝင် အားလုံးက အပြည့်အဝ ထောက်ခံခြင်းမရှိကြပေ။ ရှပ်နီအဖွဲ့၏ တစ်ခုတည်းသော ဦးတည်ချက်မှာ ဒီမိုကရေစီရေးအတွက် Military Dictatorship ဆန့်ကျင်ရေးပင် ဖြစ်လေသည်။

ဆက်လက်ဖော်ပြပါမည်။

ထိုင်းနိုင်ငံ ကော့တောင်ကျွန်း လူသတ်မှု နှင့်ပတ်သက်ပြီး ဗြိတိသျှက ခရီးသွား သတိပေးချက်ထုတ်ပြန်

Oct 12, 2014
ရွှေမန်းတင်မောင်သား

ဗြိတိန်နိုင်ငံသား ဟန်နာနဲ့ ဒေးဗစ်မေလာတို့ အသတ်ခံရမှုကြောင့် ထိုင်းနိုင်ငံနှင့် စူမတ်ဒတြာကျွန်းစုတွေကို ခရီးသွားလာချက်ကို ဗြိတိသျှ နိုင်ငံခြားရေးဌာနက သတိပေးချက် ထုတ်ပြန်ခဲ့ပါတယ်။

တဦးချင်း ဒါမှမဟုတ် မာဖီးယားဂိုဏ်းတွေရဲ့ အုပ်စုဖွဲ့ တိုက်ခိုက်မှုဖြစ်ပွားနေတဲ့ ကော့တောင် ကျွန်းဖြစ်ရပ်တွေကြောင့် ခရီးသွားခြင်းကို သတိထားကြဖို့နဲ့ တိုက်ခိုက်ခံရင် သက်ဆိုင်ရာရဲနဲ့ ဗြိတိသျှ သံရုံးတို့ကို သတင်းပို့ကြဖို့ နှိုးဆော်ထားပါတယ်။

လွန်ခဲ့တဲ့ရက်သတ္တပတ်က စကော့တလန် အမျိုးသမီးတဦးက အဲဒီဒေသမှာ တိုက်ခိုက်မှုတွေ မြင့်တက် နေတယ်လို့ ပြောခဲ့ပါတယ်။ ဒါပေမဲ့ ဘယ်လိုဖြစ်ခဲ့တယ်ဆိုတာကိုတော့ ရှင်းပြခြင်းမရှိခဲ့ပါဘူး။

ကော့တောင်ကျွန်းနဲ့ စူမဒတြာကျွန်းစုတွေကို အနောက်နိုင်ငံသားနဲ့ ဗြိတိန်နိုင်ငံသား တွေ ခရီးသွားမယ်ဆိုရင် သတိထားဖို့ အောက်ပါဖြစ်ရပ်တွေကို ထုတ်ပြန်ခဲ့ပါတယ်။

၂၀၁၃ခုနှစ်၊ ဇန်နဝါရီလမှာ ကမ်းခြေပါတီပွဲတစ်ခုမှာုဗြိတိသျှနိုင်ငံသားတစ်ဦး သေနတ်ဖြင့် ပစ်သတ်ခံရမှု၊ ၂၀၁၄ခုနှစ် စက်တင်ဘာလ ယခုဖြစ်ရပ် ဗြိတိသျှ နိုင်ငံသားနှစ်ဦး အသတ်ခံရမှုတို့ဖြစ်ပါတယ်။

ကော့တောင်ကျွန်းက အရက်ဘားတစ်ခုမှာ ဖြစ်ပွားခဲ့တဲ့ လပြည့်ညပါတီပွဲမှာ ကာမအကြမ်းဖက်မှု မှာ သားကောင်ဖြစ်ခဲ့ရတဲ့ ဗြိတိသျှနိုင်ငံသားတွေဟာ ခုခံဖို့ ကြိုးစားခဲ့ကြပါတယ်။

အရက်ကြောင့် သင်နှင့်သင့်ပတ်ဝန်းကျင်ကို မေ့လျော့ စေနိုင်တာ ကော့တောင်ကျွန်းဖြစ်ရပ်က သက်သေပါ။

အဖြစ်နိုင်ဆုံးတရားခံ နန်းဆွတ်

Oct 11, 2014
ရွှေမန်းတင်မောင်သား

ထိုင်းနိုင်ငံ၊ လိပ်ကျွန်းလူသတ်မှုက ကမ္ဘာ့ က စိတ်အဝင်စားဆုံး သတင်းဖြစ်တာနဲ့ အညီ ကမ္ဘာ့အသိုင်းအဝန်းကလည်း အမှုမှန်ပေါ်ပေါက်ရေး၊ တရားခံအစစ် ကိုသာ တရားဥပဒေဖြင့် အပြစ်ပေးစီရင်နိုင်ရေး လိုလားလျက် ရှိကြပါတယ်။

ပြစ်မှုဖြစ်ပေါ်ရာ ထိုင်းနိုင်ငံတွင်လည်း အဆိုပါ မှုခင်းနှင့်ပတ်သက်ပြီး ရဲတပ်ဖွဲ့ဝင်များနဲ့ အမှန်တရားကို လိုလားသူ ထိုင်းပြည်သူများကြား သဘောထား ကွဲလွဲလျက် ရှိကြပါတယ်။

တရားခံနှစ်ယောက်ဖြစ်တဲ့ မြန်မာနိုင်ငံသားနှစ်ဦးသာ အမှန်တကယ် သတ်ခဲ့ပါက ထိုက်သင့်တဲ့ပြစ်ဒဏ်ကို ခံယူဘို့အတွက် လက်ခဲ့ပေမဲ့ မာဖီးယားဂိုဏ်းရဲ့ ရန်ကို ကြောက်ပြီး ထိုင်း ကော့တောင်ကျွန်းသူကြီးသား နန်းဆွတ်ကို ထိုင်းရဲတွေ အမှုကနေလွတ်အောင် အကွက်ဆင်ပေးခဲ့မယ်ဆိုရင်တော့ ကမ္ဘာ့အလယ်မှာ ထိုင်းဂုဏ်သိက္ခာအတွက် မကောင်းနိုင်ပါဘူး။

မှုခင်းဖြစ်တဲ့အချိန်က မနက် ၂ နာရီ၊ ကမ်းခြေမှာ ဂီတာတီးနေတဲ့ လူငယ် ၂ ဦးက ဘာရန်ငြိုးရန်စမှမရှိတဲ့ ကမ္ဘာလှည့် ခရီးသွားစုံတွဲကို သတ်စရာ အကြောင်းမရှိပါဘူး။

ထိုင်းမှာ ရွှေ့ပြောင်းအလုပ်သမားအဖြစ် သွားရောက်အလုပ်လုပ်နေတဲ့ မြန်မာလူငယ် ၂ ဦးက ခရီးသွားဧည့်သည် ၂ ဦးကို သတ်ဖြတ်ဖို့ ဆိုတာ ကာမစိတ်ဆန္ဒကြောင့်လား၊ ပစ္စည်းလိုချင်လို့လား၊ အရက်မူးနေတာ ကြောင့် မသိစိတ်ကနှိုးဆော်လို့ သတ်မိတာလား၊ ယာဘဆေးသုံးထားလို့ ဆေးကြောင် ကြောင်ပြီးသတ်တာလားဆိုတာ မေးခွန်း ပေါင်းများစွာ ပေါ်ထွက်လာပါတယ်။

ဖြစ်မှုဖြစ်ပေါ်ပြီး ပေါ်ထွက်လာတဲ့ မှတ်တမ်းများအရ အခင်းဖြစ်ပွားချိန် မနက် ၂ နာရီမှာ ဘားဆိုင်မှာ ဗြိတ်သျှစုံတွဲ စကားများရန်ဖြစ်ခဲ့တာ ကော့တောင်ကျွန်းသူကြီးသား နန်းဆွတ် နဲ့ဖြစ်ပါတယ်။ ဗြိတိသျှစုံတွဲနဲ့ Sean က မကျေနပ်၊ မပြေလည်ခဲ့တဲ့ ကိစ္စလေးတွေ ရှိပါလ်ိမ့်မယ်။ ဘားမှာ ပြဿနာဖြစ်ပြီး ဗြိတိသျှစုံတွဲထွက်အလာ သူကြီးသား နန်းဆွတ်က အသွားတို လက်နက်နဲ့ထိုး ပါတယ်။ ဗြိတိသျှစုံတွဲနဲ့ ပြဿနာဖြစ်ထားတဲ့ Sean က ဗြိတိသျှကောင်လေးကို နောက်ကနေ သိုင်းချုပ်ထားပါတယ်။ သူကြီးသားက လက်နက်နဲ့ထိုးတယ်။ ပြီးတော့ ဗြိတိသျှသူကို မုဒိန်းကျင့်ပြီး သတ်ပစ်လိုက်တယ်။

သူကြီးသားက သတ်တဲ့ဖြစ်စဉ်မှာ သက်သေ Sean ပါနေတဲ့အတွက် Sean ကို ဖျောက်ဖျက်ဘို့ ကြိုးစားတယ်။ Sean ထွက်ပြေးရင်း နောက်ကလိုက်လာတဲ့သူတွေကို ဓာတ်ပုံရိုက်ပြီး facebook ပေါ်တင်တယ်။

တရားခံဖော်ဘို့အတွက် နန်းဆွတ်က သောင်ပြင်က မူးပြီးဂီတာတီးနေတဲ့ ကောင်လေး ၂ ယောက်ကိုဆွဲထည့် လိုတယ်။

ဗြိတိသျှစုံတွဲကို ဓားဖြင့်ထိုးတဲ့အချိန် နောက်ကနေ ဖမ်းချုပ်ထားတုန်း ဓားက ချော်ပြီး ဒဏ်ရာရသွားတဲ့ Sean။ ပြစ်မှု ဖြစ်ပွားချိန် လက်နက်အဖြစ် အသုံးပြုတဲ့ ပေါက်တူး။ မုဒိန်းကျင့်ချိန် အသုံးပြုခဲ့တဲ့ ကွန်ဒုံး ဒါတွေက မြန်မာလူငယ် ၂ ဦး မသတ်ဘူးဆိုတာ ပိုပြီး ခိုင်မာလာစေပါတယ်။

ဒါပေမဲ့ ရွှေ့ပြောင်းလုပ်သား တစ်ယောက် အနေနဲ့ ထိုင်းတွေရဲ့ ညစ်ပတ်မှု၊ ထိုးကျွေးမှုတွေကို လက်ခံ၊ ဝန်ခံခဲ့ရတာကိုတော့ ရင်နာလို့ မဆုံးပါဘူး။

ထိုင်းဝန်ကြီးချုပ်ရဲ့ မြန်မာနိုင်ငံခရီးစဉ်မှာ မြန်မာသမ္မတကလည်း အဆိုပါကိစ္စကို တရားမျှတစွာ ဆောင်ရွက်ပေးဘို့ တောင်းဆိုခဲ့သလို ကမ္ဘာ့နိုင်ငံအများအပြားကလည်း ဖြစ်ရပ်မှန် ပေါ်ပေါက်ရေး တောင်းဆိုမှုတွေကြောင့် မြန်မာနိုင်ငံသား ၂ ဦးရဲ့ ကြကံမ္မာဟာ အဆိုးဘက်တော့ ဦးတည်မသွားနိုင်ဘူး လို့ ဆုတောင်းရင်း။

MPT ဆင်းကတ် ဝယ်ယူရတဲ့အခြေအနေ

Oct 6, 2014
ရွှေမန်းတင်မောင်သား

နိုင်ငံတော်က လူနေမှုအဆင့်အတန်း မြင့်မားစေရေးနဲ့ ပြည်သူတွေရဲ့ ဆက်သွယ်ရေးကဏ္ဍ တိုးတက်စေရေး လူတိုင်း မိုဘိုင်းဖုန်းသုံးစွဲနိုင်ရေးကို ရည်ရွယ်ချက်ထား ဆောင်ရွက်လျက် ရှိပါတယ်။

MPT ဆင်းကတ်တွေကို ယခင်က ပြည်နယ်၊ တိုင်းဒေသကြီးအလိုက် အချိုးကျ ခွဲဝေ ဖြန့်ဖြူးပေးနေသော်လည်း နောက်ပိုင်း အကန့်အသတ်မရှိ လိုသလောက် ရောင်းချပေးခဲ့ပါတယ်။

ရောင်းချရာတွင်လည်း မူလသတ်မှတ်ထားတဲ့ ၁၅၀၀ ထက်မပိုစေဘဲ ရောင်းချရန် သက်ဆိုင်ရာက ညွှန်ကြားထားရှိပြီး ဖြစ်ပါတယ်။

အောက်တိုဘာလ ၄ ရက်နေ့တွင် မော်လမြိုင်မြို့ အောက်လမ်းမကြီးရှိ မိုဘိုင်းပစ္စည်းအရောင်းဆိုင် Kyaw mobile တွင် MPT ဆင်းကတ်တစ်ခုကို ဟန်းဆက်န်ဲတွဲဝယ်လျင် ၁ သောင်းခွဲ၊ ဟန်းဆက်မပါလျင် ဈေးတစ်မျိုးဖြစ်နေကြောင်း သိရှိရပါတယ်။

ဆင်းကတ်ဝယ်ယူရာတွင် အထောက်အထားအဖြစ် မှတ်ပုံတင်မိတ္တူလိုအပ်သော်လည်း မှတ်ပုံတင်မပါသော်လည်း ဘေးကမိတ္တူ ဆိုင်တွင် ဝယ်ယူရှိနေကြောင်း သိရပါတယ်။

ပြင်ပ ပုဂ္ဂလိကဆိုင်တွင် ၁ သောင်းခွဲပေး ပြီးဝယ်ယူနေရခြင်းက သဘောရိုးမဟုတ်နိုင်ဘဲ၊ MPT နှင့် ပြင်ပ ပုဂ္ဂလိကဆိုင်များ ပေါင်းပြီး လုပ်စားနေသလားဟုတောင် တွေးတော နေရပါတယ်။

ဘင်္ဂလားဒေ့ရှ် ကြည်းတပ်အကြောင်း အစေ့တစောင်း

Sept 24, 2014
ရွှေမန်းတင်မောင်သား

တည်ထောင်သည့်ခုနှစ်၊ ၁၉၇၁ခုနှစ်၊ မတ်လ ၂၆ ရက်
ဘင်္ဂလားဒေ့ရှ် တပ်မတော်ရဲ့ အဓိကကျတဲ့ အစိတ်အပိုင်းတစ်ခုဖြစ်ပြီး စစ်သည်တော် ၁၅၇၀၀၀ ကျော်ဖြင့် ဖွဲ့စည်းထားပါတယ်။ စစ်ရုံးချုပ်ကိုတော့ ဒါကာမှာ ဖွင့်လှစ် ထားရှိပါတယ်။ အမည်ပြောင်ကတော့ BA/BD Army ဖြစ်ပါတယ်။ သူတို့ရဲ့ ဆောင်ပုဒ်က "စစ်ပွဲအတွင်း ငြိမ်းချမ်းရေးနယ်ပယ်အတွင်း မည်သည့်နေရာဒေသတွင် မဆို လုပ်ဆောင်တာဟာ ငါတို့ တိုင်းပြည်အတွက် ဖြစ်ပါတယ်"။ နှစ်ပတ်လည်နေ့ အခမ်းအနားကိုတော့ မတ်လ (၂၆)ရက်၊ အေပြီလ (၁၀)ရက်၊ နိုဝင်ဘာလ (၂၁)ရက်နဲ့ ဒီဇင်ဘာလ (၁၆)ရက်တို့မှာ ကျင်းပပါတယ်။

ပါဝင်ခဲ့တဲ့ စစ်ဆင်ရေးတွေအနေနဲ့ကတော့ စစ်တကောင်း ပဋိပက္ခ၊ ပင်လယ်ကွေ့ စစ်ပွဲတို့ဘဲဖြစ်ပါတယ်။ ကာကွယ်ရေးဝန်ကြီးကတော့ ဝန်ကြီးချုပ် Sheikh Hasina ဖြစ်ပါတယ်။ ကြည်းတပ်ဦးစီးချုပ်ကတော့ ဗိုလ်ချုပ်ကြီး Iqbal Karim Bhuiyan ဖြစ်ပါတယ်။

ဘင်္ဂလားဒေ့ရှ် ကြည်းတပ်ဟာ ဘင်္ဂလားဒေ့ရ်ှတပ်မတော် ကြည်း၊ ရေ၊ လေ(၃)ခုရှိတဲ့ အနက် အကြီးမားဆုံးနဲ့ စွမ်းရည်အရှိဆုံး အစိတ်အပိုင်း တစ်ခုဖြစ်ပါတယ်။

ဘင်္ဂလားဒေ့ရ်ှတပ်မတော်ရဲ့ အခြေခံစစ်ဆင်ရေးကတော့ ဘင်္ဂလားပြည်သူတွေရဲ လုံခြုံ ရေးနဲ့ ရေပြင်ပိုင်နက်ကို ကာကွယ်ရေးအတွက် လိုအပ်တဲ့ ထောက်ပံ့မှုပေးရန်ဖြစ်ပြီး ပြည်ပကျူးကျော်မှုကို ဆန့်ကျင်ကာကွယ်သွားရန်ဖြစ်ပါတယ်။

ဝန်ကြီးချုပ်ဟာ ပြည်သူတွေရဲ့ ခေါင်းဆောင်ဖြစ်ပြီး ကာကွယ်ရေးဝန်ကြီးဌာနကိုလည်း ဥပဒေဖြင့် ချုပ်ကိုင်ထားပါတယ်။ သဘောကတော့ ဖွဲ့စည်းပုံအခြေခံဥပဒေမှာ စစ်တပ်ကို နိုင်ငံရဲ့ အဆင့်အမြင့်ဆုံးပုဂ္ဂိုလ်ကို အခွင့်အဏာ အထူးပေးထားတဲ့ သဘောပါဘဲ။

ထပ်လောင်းပြီးတော့ အရပ်ဘက်အစိုးအရအဖွဲ့ကို နိုင်ငံရဲ့ အရေးပေါ်အခြေအနေတွေ မှာ မူတည်ပြီး အခွင့်အာဏာပေးရမယ်လို့ ဘင်္ဂလားဒေ့စစ်တပ်ရဲ့ အခြေခံ စစ်ရေးမူဝါဒ မှာ ချမှတ်ထားလို့ဖြစ်ပါတယ်။ ဒီအခန်းကဏ္ဍဟာဆိုရင် ယေဘူယျအားဖြင့် အရပ်ဖက် အုပ်ချုပ်ရေးအဖြစ် ယူဆလို့ရပါ တယ်။

၁၉၈၀ ကျော်နှစ်များအတွင်းက စစ်တကောင်းဒေသမှာ အစိုးရဟာ ဘင်္ဂါလီလူမျိုးတွေ ကို နေရာချထားခဲ့ပါတယ်။ ၁၉၇၄ခုနှစ်မှာ စစ်တကောင်းဒေသရဲ့ ဘင်္ဂါလီလူဦးရေဟာ အဲဒီဒေသမှာရှိတဲ့ လူဦးရေရဲ့ ၁၁.၆ % ဖြစ်လာပါတယ်။ ၁၉၉၁ခုနှစ်အရောက်မှာတော့ ၄၈.၅ % ထိ တိုးတက်များပြားလာခဲ့ပါတယ်။

ဘင်္ဂလားဒေ့ရ်ှကြည်းတပ်ဟာ ကုလသမဂ္ဂ ငြိမ်းချမ်းရေးထိန်းသိမ်းမှုတပ်ဖွဲ့မှာ ထောက်ပံ့မှု စစ်ဆင်ရေးတွေမှာ ပါဝင်လာခဲ့တာဟာ နိုင်ငံစတင်တည်ထောင်တဲ့ ၁၉၇၀ ပြည့်နှစ်လွန်ကာလများကတည်းက ဖြစ်ပါတယ်။

ကုလသမဂ္ဂရဲ့ အီရတ်မှာ UNIIMOG လို့ခေါ်တဲ့ စစ်ဆင်ရေးနဲ့ နမီးဘီးယားမှာရှိတဲ့ UNTAG စစ်ဆင်ရေးတွေမှာ ပါဝင်ခဲ့ဘူးပါတယ်။

ဘင်္ဂလားဒေ့ရှ် ကြည်းတပ်အနေနဲ့ နောက်ဆုံးပါဝင်ခဲ့တဲ့ စစ်ဆင်ရေးကတော့ ပင်လယ် ကွေ့စစ်ပွဲအတွင်းက ကူဝိတ်နဲ့ဆော်ဒီအာရေးဗီးယားကို စက်မှုပိုင်းဆိုင်ရာ တပ်ဖွဲ့ဝင် ဦးရေ(၂၁၉၃)ဦးပါဝင်တဲ့ တပ်ဖွဲ့(၁)ဖွဲ့ကို စေလွှတ်ခဲ့ခြင်းဘဲ ဖြစ်ပါတယ်။

၂၀၀၉ခုနှစ်၊ အဲဒီလို ကုလသမဂ္ဂရဲ့ ငြိမ်းချမ်းရေးထိန်းသိမ်းမှုတပ်ဖွဲ့တွေမှာ ပါဝင်တဲ့ အကျိုးဆက် ရလာဒ်အနေနဲ့ကတော့ ဘင်္ဂလားဒေ့ရ်ှတပ်ဖွဲ့ဝင် ၈၈ ဦး အသက် ဆုံးရှုံး ခဲ့ရပြီးဖြစ်ပါတယ်။

ဒီအပြင် ဘင်္ဂလားဒေ့ရှ် အထူးတပ်ဖွဲ့က စီနီယာအရာရှိတွေဟာ ကုလသမဂ္ဂ ငြိမ်းချမ်းမှု ထိန်းသိမ်းရေးတပ်ဖွဲ့တွေမှာ စစ်ဘက်ဆက်ဆံရေးအရာရှိတွေအဖြစ် အမြင့်ဆုံး ဂုဏ်ပြု ခြင်းကို ခံခဲ့ရတယ်။

၂၀၀၄ခုနှစ် ဇန်နဝါရီလအတွင်းက ဘီဘီစီသတင်းဌာနက ကုလသမဂ္ဂ ငြိမ်းချမ်းရေး ထိန်းသိမ်းမှု တပ်ဖွဲ့တွေမှာ တာဝန်ထမ်းဆောင်နေတဲ့ ဘင်္ဂလားဒေ့ရ်ှတပ်ဖွဲ့ဝင်တွေကို "ကုလသမဂ္ဂ ငြိမ်းချမ်းရေး ထိန်းသိမ်းမှုတပ်ဖွဲ့ရဲ့ အထူးအရေးပါအရာရောက်သူများ" အဖြစ် တင်စားခေါ်ဝေါ်ခြင်း ခံခဲ့ရပါတယ်။

၁၉၉၁ခုနှစ်၊ ပင်လယ်ကွေ့စစ်ပွဲအတွင်းက နိုင်ငံပေါင်းစုံတပ်ဖွဲ့များ ကွပ်ကဲရေးဌာနချုပ်က ဘင်္ဂလားဒေ့ရ်ှတပ်မတော်ကို အခြားတပ်ဖွဲ့များနည်းတူ သဲကန္တာရအတွင်း စစ်ဆင်ရေး မှာ ပူးပေါင်းပါဝင်ဘို့ ဖိတ်ခေါ်ခြင်းခံခဲ့ရပါတယ်။

ကူဝိတ်မှာရှိတဲ့ မြေမြုပ်မိုင်းနဲ့ ဗုံးတွေကိုရှင်းလင်းဖို့အတွက် အင်ဂျင်နီယာတပ်ဖွဲ့ကို စေလွှတ်ခဲ့ပါတယ်။ အဲဒီစစ်ဆင်ရေးရဲ့ အမည်ဝှက်ကတော့ ဘင်္ဂလားလို "ပန်နာဂါသန် ကူဝိတ်စစ်ဆင်ရေး" အတိုကောက်အနေနဲ့က "အိုကေပီ"ဖြစ်ပါတယ်။ အင်္ဂလိပ်အခေါ် "ကူဝိတ်ပြန်လည်တည်ထောင်မှု စစ်ဆင်ရေး" အတိုကောက်အနေနဲ့ "အိုအာရ်ကေ"လို့ ခေါ်ဆိုပါကြောင်း။

ဒါကတော့ ဘင်္ဂလားဒေ့ရှ် တပ်မတော်ရဲ့ သမိုင်းနောက်ခံအကျဉ်းဘဲ ဖြစ်ပါတယ်။ ကျွန်တော်တို့နိုင်ငံရဲ့ တပ်မတော်သမိုင်းကြောင်းနဲ့ ယှဉ်ရင် အများကြီးနုနယ်တယ်လို့ ဆိုလို့ရနိုင်ပေမဲ့ သူတို့မှာ နိုင်ငံခြားနဲ့ဆက်ဆံတဲ့ အတွေ့အကြုံကောင်းတွေ အများကြီး ရှိထားတယ်ဆိုတာပါဘဲ။


မြန်မာ ဘင်္ဂလားဒေ့ရှ် ရေပိုင်နက်အငြင်းပွားမှုကို မှတ်မိကြမှာပါ။ အဲဒီကိစ္စနဲ့ပတ်သက်ပြီး ဘင်္ဂလားဒေ့ရ်ှနဲ့ ကျွန်တော်တို့နိုင်ငံ Cyber War ဖြစ်ခဲ့ပါတယ်။ အဲဒီအချိန်တုန်းက ကျွန်တော်တို့နိုင်ငံကို အနောက်အုပ်စု နိုင်ငံအတော်များများက ပိတ်ဆို့ထားတဲ့ အချိန် ဖြစ်ပါတယ်။ စစ်ဘက်ဆက်ဆံရေးမှာ အဲဒီအချိန်တုန်းက ကျွန်တော်တို့နိုင်ငံနဲ့ အဆင်ပြေတာဆိုလို့ မြောက်ကိုးရီးယား၊ ရုရှား ဒီလောက်ဘဲရှိတာပါ။

ရုရှားကို ကျွန်တော်တို့နိုင်ငံက စစ်ဘက်ပညာတော်သင်တွေ စေလွှတ်ထားတဲ့ အချိန်မှာပါ။ ဘင်္ဂလားဒေ့ရ်ှနိုင်ငံရဲ့ Website အတော်များများကို ရုရှားပညာတော်သင် တွေရဲ့ အကူအညီနဲ့ hack နိုင်ခဲ့ပါတယ်။ အခုဒီလင့်မှာ သွားကြည့်နိုင်ပါတယ်။ http://mmhackforums.noonhost.com/operation-bangledesh-vf40.html

အခု တကျော့ပြန် Cyber War က ဘင်္ဂလားဒေ့ရ်ှနိုင်ငံက ပြန်လည်အသက်သွင်းလာဖို့ ရှိနေပါတယ်။ အယ်ခိုင်းဒါးကလည်း မြန်မာနိုင်ငံကို ဂျီဟတ်လုပ်ဖို့ စစ်ကြေညာထားလေ တော့ အယ်ခိုင်းဒါးနဲ့ အမျိုးတော်စပ်သူ ဘင်္ဂလားသည် ကျွန်တော်တို့ရဲ့ ပစ်မှတ်ဖြစ်လာ နေပြီဆိုတာကို သတိထားကြဖို့ တင်ပြပါစေ။

အသက် ၂၂ နှစ်အရွယ် ကျောင်းသားကို သတ်ဖြတ်ခဲ့တဲ့ ကျား

Sept 24, 2014
ရွှေမန်းတင်မောင်သား

အိန္ဒိယနိုင်ငံ၊ နယူးဒေလီမှာ ဩဂုတ်လ ၂၃ ရက်နေ့က တိရိစ္ဆာန်ရုံအတွင်း လေ့လာနေတဲ့ အသက် ၂၂ နှစ်အရွယ် ကျားလှောင်ကန်အတွင်း မတော်တဆ ပြုတ်ကျသွားတဲ့ ကျောင်းသားတစ်ဦးကို ကျားတစ်ကောင်က ကိုက်ဖြတ်သတ်ဖြတ်မှု ဖြစ်ပွားခဲ့ပါတယ်။

ကျားဟာ ကျောင်းသားကို ကိုက်ချီဆွဲပြေးသွားတာကို အနီးပတ်ဝန်း ကျင်ရှိလူများက ဒီအအတိုင်းကြည့်နေခဲ့ ရပါတယ်။

ကျောင်းသားလေးရဲ့ ကံကြမ္မာကိုတော့ အတိအကျမသိရသေးကြောင်းနှင့် အဆိုပါ ဗွီဒီယိုဖိုင်ကို အောက်ပါလင့်မှာ သွားရောက်ကြည့်ရှု နိုင်ပါတယ်။

They are alive in this world. Believe it or not?

အရှေ့တောင်အာရှနိုင်ငံတွေထဲမှာ ဘယ်နိုင်ငံက စစ်ရေးအင်အားအတောင့်တင်းဆုံးလဲ

Sept 20, 2014
ရွှေမန်းတင်မောင်သား


ဒေသတွင်းနိုင်ငံတွေထဲမှာကတော့ ဗီယက်နမ်နိုင်ငံက စစ်ရေးအင်အားအတောင့်ဆုံးဖြစ် ပြီး ရေတပ်နဲ့ လေတပ်အင်အား သာလွန်ကောင်းမွန်တာကို တွေ့ရှိရမှာ ဖြစ်ပါတယ်။

Kilo Class အမျိုးအစား ရေငုပ်သင်္ဘော(၆)စင်းရှိပြီး ဒီအရေအတွက်ဟာ အရှေ့တောင် အာရှ နိုင်ငံတွေထဲမှာ ဘယ်နိုင်ငံမှမရှိပါဘူး။

၂၀၁၀ခုနှစ်က ရုရှားကနေဝယ်ယူထားတဲ့ ဖရီးဂိတ်စစ်သင်္ဘော (၂)စင်းရှိပါတယ်။ အဆိုပါ ခေတ်မှီတဲ့အမျိုးအစားဟာ ရုရှားရေတပ်နဲ့ ဗီယက်နမ်ရေတပ်တွေမှာသာ ရှိပါတယ်။

ခေတ်မှီ တိုက်လေယာဉ် Su30 MK2 အမျိုးအစား (၃၀-၄၅)စင်းခန့်ရှိပါတယ်။ အခြား ခေတ်မှီလက်နက်တွေကိုလည်း အဆင့်မီအောင် ပြုပြင်ပြောင်းလဲလျက်ရှိပါတယ်။

ဗီယက်နမ်

ဗီယက်နမ်နိုင်ငံဟာ အဓိကစစ်ဆင်ရေးကြီး (၂)ခုဖြစ်တဲ့ အမေရိကန်ကျူးကျော်စစ်နဲ့ တရုတ်တို့ရဲ့ ကျူးကျော်စစ်ကို အောင်မြင်ခဲ့တဲ့ တစ်ခုတည်းသော အရှေ့တောင်အာရှ နိုင်ငံဖြစ်ပါတယ်။ တရုတ်ကျူးကျော်စစ်မှာ တင့်ကား (၄၀၀)လောက်ကို ဖျက်ဆီးနိုင်ခဲ့ပြီး (၁)လသာကြာမြင့်တဲ့ စစ်ပွဲအတွင်းမှာ တရုတ်နဲ့ဗီယက်စစ်သား (၂)သိန်းခွဲလောက် သေဆုံးခဲ့ရပါတယ်။ ထိုစစ်ပွဲအတွင်းမှာ တရုတ်စစ်သား (၆၉၀၀)ကျော်အသတ်ခံရပြီး (၁၅၀၀၀)ကျော် ဒဏ်ရာရအောင်အထိ ဗီယက်နမ်တို့ အောင်ပွဲခံနိုင်ခဲ့ပါတယ်။ အနောက်တိုင်းမီဒီယာများရဲ့ ဖော်ပြချက်အရ တရုတ်ဟာ စစ်သား(၂၆၀၀၀)ကျော် အသတ်ခံရပြီး (၃၇၀၀၀)ကျော် ထိခိုက်ဒဏ်ရာရတယ်လို့လည်း ဆိုပါတယ်။ တင့်ကား အစီးရေ (၄၂၀)ကျော် ဖျက်ဆီးခြင်းခံရပါတယ်။

ဗီယက်နမ်ထိခိုက်ဒဏ်ရာရှိမှုကတော့ စစ်သား(၂၀၀၀၀)အသတ်ခံရပြီး (၃၂၀၀၀)ကျော် ဒဏ်ရာရရှိပါတယ်။ တင့်ကား (၁၈၅)စီးဖျက်ဆီးခံရပါတယ်။ စစ်ပွဲအတွင်းမှာ ဗီယက်နမ် ပြည်သူ (၁)သောင်းကျော် သေဆုံးခဲ့ပါတယ်။

ယနေ့အချိန်မှာတော့ ဗီယက်နမ်နိုင်ငံဟာ ၎င်းရဲ့ ကာကွယ်ရေးစက်ရုံနဲ့ စစ်ဘက်ဆိုင်ရာ အခြေခံအဆောက်အအုံများဟာ အလျင်အမြန်နဲ့ ဖွံ့ဖြိုးတိုးတက်လာနေပါတယ်။ အရှေ့တောင်အာရှမှာ ဗီယက်နမ်ဟာ ကာကွယ်ရေးဆိုင်ရာ လူသားအရင်းအမြစ်နှင့် အဆင့်မြင့်နည်းပညာများကို ပိုင်ဆိုင်ထားတဲ့ နိုင်ငံတစ်နိုင်ငံဖြစ်ပါတယ်။
အင်ဒိုနီးရှားနဲ့ ဗီယက်နမ်နိုင်ငံတို့ဟာ ၂၀၁၀ခုနှစ်မှာ စစ်ရေးဆိုင်ရာပူးပေါင်းဆောင်ရွက် လျက်ရှိပြီး စစ်ရေးဆိုင်ရာ မိတ်ဖက်ညီအစ်ကိုများအဖြစ် ကြေညာထားပါတယ်။

အခြားသောအာဆီယံအဖွဲ့ဝင်များ နိုင်ငံများနှင့်ပူးပေါင်းပြီး အင်ဒိုနီးရှားနဲ့ ဗီယက်နမ်နိုင်ငံ တို့ဟာ အေးချမ်းတည်ငြိမ်တဲ့ အာဆီယံဒေသတွင်းကို ပူးပေါင်း ဖော်ဆောင်လိမ့်မယ်လို့ ယုံကြည်ရပါတယ်။ ထို့မှတဆင့် တရုတ်နိုင်ငံကိုဖိတ်ခေါ်ပြီးတော့လည်း အာရှဒေသ တည်ငြိမ်အေးချမ်းရေးကို ဖော်ဆောင်ပါလိမ့်မယ်။

အခြားသော စစ်ရေးအင်အားအတောင့်တင်းဆုံးနိုင်ငံကတော့ စင်္ကာပူဖြစ်ပါတယ်။
စင်္ကာပူကတော့ သယံဇာတအရင်းအမြစ်မရှိပါဘူး။ ၎င်းရဲ့အရင်းအမြစ်တွေကို အမေရိကန်နဲ့ ဥရောပနိုင်ငံများအပေါ်တွင်သာ မှီခိုနေရပါတယ်။ အဆောက်အဦး ဆောက်လုပ်ဖို့အတွက် မြေနေရာအလုံအလောက်မရှိတဲ့အတွက် ခေတ်မှီတဲ့ ကာကွယ် ရေးစက်ရုံတွေနဲ့ သင်္ဘောကျင်းတွေ မတည်ဆောက်နိုင်ပါဘူး။

ဒါပေမဲ့ စီးပွားရေးအရမှာတော့ ဒေသတွင်းနိုင်ငံတွေကြားမှာ ထိပ်ဆုံးက ရပ်တည်လျက် ရှိပါတယ်။

ဒါဆိုရင် အရှေ့တောင်အာရှမှာ ဘယ်နိုင်ငံက စစ်ရေးအင်အား အတောင့်တင်းဆုံးပါလဲ။

အဖြေကတော့ အောက်ပါအတိုင်းဖြစ်ပါတယ်။
အဆင့်(၁) အင်ဒိုနီးရှား (ကမ္ဘာ့အဆင့်သတ်မှတ်ချက် ၁၈ )
အဆင့်(၂) ထိုင်း (ကမ္ဘာ့အဆင့်သတ်မှတ်ချက် ၁၉ )
အဆင့်(၃) ဖိလစ်ပိုင် (ကမ္ဘာ့အဆင့်သတ်မှတ်ချက် ၂၂ )
အဆင့်(၄) မလေးရှား (ကမ္ဘာ့အဆင့်သတ်မှတ်ချက် ၂၇ )
အဆင့်(၅) စင်္ကာပူ (ကမ္ဘာ့အဆင့်သတ်မှတ်ချက် ၄၁ )တို့ဖြစ်ပါတယ်။

စာရင်းမှာ ဖော်ပြခြင်းမခံရတဲ့ အခြားနိုင်ငံတွေကတော့ အရှေ့တောင်အာရှဒေသတွင်း မှာ အဆင့်တန်းဝင်နိုင်ခြင်းမရှိသေးပါဘူး။ ဒါကတော့ Website တစ်ခုဖော်ပြထားတဲ့ အဆင့်သတ်မှတ်ချက်ဖြစ်ပါတယ်။

Youtube မှာတင်ထားတဲ့ Top 6 Military Powar on SouthEast Asia(HD2014)မှာ တော့
အဆင့်(၁) အင်ဒိုနီးရှား
အဆင့်(၂) ဗီယက်နမ်
အဆင့်(၃) ထိုင်း
အဆင့်(၄) ဖိလစ်ပိုင်
အဆင့်(၅) မလေးရှား
အဆင့်(၆) စင်္ကာပူ တို့ဖြစ်ပါတယ်။ အဲဒီ(၆)နိုင်ငံထဲက ကာကွယ်ရေးထူးခြားချက်တွေ ပိုင်ဆိုင်တဲ့နိုင်ငံတွေက ဗီယက်နမ်နိုင်ငံဟာဆိုရင် Kilo Class Submarine (၆)စီးခန့် ပိုင်ဆိုင်ပါတယ်။ ဒီအရေအတွက်ဟာဆိုရင် အရှေ့တောင်အာရှနိုင်ငံတွေမှာ ဘယ်နိုင်ငံ မှ မရှိသေးပါဘူး။ နောက်နိုင်ငံကတော့ ထိုင်းဖြစ်ပါတယ်။ ရုရှားကနေ ဝယ်ယူထားတဲ့ လေယာဉ်တင်သင်္ဘော(၁)စီးရှိပါတယ်။ စင်္ကာပူကလည်း ချင်းနွတ် ရဟတ်ယာဉ်တွေ ပိုင်ဆိုင်ပါတယ်။

ကျွန်တော်တို့ မြန်မာနိုင်ငံကတော့ Top 6 Military Power on Southeast Asia (HD2013)မှာ အဆင့်(၅)သတ်မှတ်ခြင်းခံရပါတယ်။ ဒါပေမဲ့ မြန်မာနိုင်ငံရေး စစ်ရေး အင်အားဟာ ပွင့်လင်းမြင်သာမှုမရှိတဲ့အတွက် အလွန်ခန့်မှန်းရခက်ခဲတာကိုတော့ သိစေချင်ပါတယ်။

ကျွန်တော်ကို ညီငယ်တစ်ယောက်မေးဘူးပါတယ်။ ကျွန်တော်တို့ မြန်မာနိုင်ငံက အရှေ့တောင်အာရှမှာ ဘယ်အဆင့်မှာရှိသလဲဆိုတာကို ကျွန်တော်ရမ်းတုတ်ပြီး ဖြေလိုက်မိတာ တက်တက်စင်အောင်လွဲပါလေရော။ ကျွန်တော်က တတိယလောက်လို့ ခန့်မှန်းပြီး ပြောလိုက်မိပါတယ်။ ဒါကြောင့် ဒီပို့စ်လေးနဲ့ ထိုညီငယ်လေးကို တောင်းပန် ပါတယ်လို့ ပြောပါရစေခင်ဗျာ။

သောက်တလွှဲလုပ်ပြန်ပြီ..မြဝတီလို့ ဆောင်ပုဒ်ကိုပြောင်းလိုက်တော့

Sept 15, 2014
ရွှေမန်းတင်မောင်သား

" အမှားအမှန် ပိုင်းခြားသိမြင် မြဝတီနေ့စဉ်" ဟင်း.. ဆောင်ပုဒ်ကတော့ လန်ထွက်နေ တာပဲ။ ဒါကတော့ မြတီနေ့စဉ်သတင်းစာရဲ့ ဆောင်ပုဒ်လေးပါ။

၂၀၁၄ခုနှစ်၊ စက်တင်ဘာလ ၁၄ ရက်၊ တနင်္ဂနွေနေ့ထုတ် မြဝတီနေ့စဉ် သတင်းတစ်ပုဒ် ကို ပရိတ်အပေါင်း ရှုစားကြကုန်ပါလော့...မူရင်းအတိုင်း ပြန်လည်ဖော်ပြလိုက်ပါတယ်။

ဆိုင်ကယ်ပေါ်မှ ပြုတ်ကျသေဆုံးဖြစ်ပွား

မြစ်ကြီးနား စက်တ

င်ဘာလ ၁၃

ကချင်ပြည်နယ်၊ အောင်မော်စံဘုန်းကြီးကျောင်းမှ မြစ်ကြီးနား-မိုးကောင်း ပြည်ထောင်စု လမ်းမကြီးအတိုင်း ယမန်နေ့ နံနက် ၁၁ နာရီခွဲက ဆူပါကပ်ဆိုင်ကယ်ကို မဆိုင်းနွယ် ၂၃ နှစ် (ဘ) ဦးလထော်အောင် မော်ဖောင်းကျေးရွာနေသူ မောင်းနှင်၍ မလာလု နောက်မှလိုက်ပါလာစဉ် မမာလုမှာ ဆိုင်ကယ်ပေါ်မှ လိမ့်ကျခဲ့သည်။

ထို့ကြောင့် မြစ်ကြီးနား ယဉ်ထိန်းတပ်ဖွဲ့ဝင်များက သွားရောက်စစ်ဆေးရာ မမာလု ၂၇ နှစ် (ဘ) ဦးဝင်နောလရော် မော်ဖောင်းကျေးရွာနေသူအား ဦးခေါင်းနောက်စေ့ဖု၊ နားသွေးထွက်ဒဏ်ရာဖြင့် မော်လမြိုင်အထွေထွေရောဂါကုဆေးရုံကြီးသို့ တင်ပို့ခဲ့သည်။

ဖြစ်စဉ်နှင့်ပတ်သက်၍ မဆိုင်းနွယ်ကို မြစ်ကြီးနား နယ်မြေရဲစခန်းက ယာဉ်(ပ) ၁၈/၂၀၁၄၊ ပြစ်မှုဆိုင်ရာ ဥပဒေပုဒ်မ ၃၀၄(က)အရ အမှုဖွင့်ထားကြောင်း သိရသည်။
(၄၀၃)
ဆိုပြီးသတင်းတစ်ပုဒ်ပါ။

ယခင်တခါကလည်း ကျွန်တော်တင်ပြဖူးပါတယ်။ လှိုင်းဘွဲ့မြို့နယ်မှ ရေးကြီးမှုဖြစ်တုန်း က တပ်မတော်သားတွေ သွားရောက်ကယ်ဆယ်တာကို မီဒီယာဆိုက်ဝါးအနေနဲ့ ပြချင်တာ။ အရေးမတတ်တော့ ကိုယ့်သတင်းက သောက်မြင်ကပ်စရာ သတင်းဖြစ်ခဲ့ တယ်။ ရေးတာက မွန်ပြည်နယ်၊ လှိုင်းဘွဲ့မြို့နယ်တဲ့ ကျွန်တော်က မွန်ပြည်နယ်သားပါ။ မွန်ပြည်နယ်မှာ (၁၀)မြို့နယ်ရှိတယ်။ ကျိုက်ထို၊ ဘီးလင်း၊ သထုံ၊ ပေါင်၊ မော်လမြိုင်၊ မုဒုံ၊ သံဖြူဇရပ်၊ ကျိုက်မရော၊ ချောင်းဆုံ၊ ရေးမြို့နယ်ဆိုပြီး (၁၀)မြို့နယ်ရှိပါတယ်။ အခုဟာက မွန်ပြည်နယ်၊ လှိုင်းဘွဲ့မြို့နယ်တဲ့။ တခါမှ မကြားဘူးတဲ့ မြို့နယ်ဘဲ။ ကျွန်တော်ဘဲ မျက်လုံးမှောက်တာလား။

အခုလည်းမှားပြန်ပြီ။

မြစ်ကြီးနားမှာ ဆိုင်ကယ်ပေါ်က လိမ့်ကျသေဆုံးတဲ့ လူနာတစ်ယောက်ကို မော်လမြိုင် အထွေထွေရောဂါကုဆေးရုံကြီးကို ပို့တယ်ဆိုတော့ ရဟတ်ယာဉ်နဲ့ပို့တာလား။ ဦးတေဇ တို့ကပဲ ရဟတ်ယာဉ် ကူညီပေးပြီး ပို့တာလားဆိုတာကတော့ ဇဝေဇဝါဖြစ်နေတုန်း ပါဘဲ။

သတင်းထောက်နေရာမှာလည်း အမည်တိတိကျကျမရေးဘဲ (၄၀၃)ဆိုပြီး ချဲနံပါတ် လိုလို အတိတ်စိမ်းလိုလိုနဲ့ ရေးလိုက်တော့လည်း သောက်တလွှဲ။ ဒါကို တပ်မတော်သား တွေက လစဉ် မယူမနေရ ၂၆၀၀ ကျပ်ပေးပြီး ဝယ်ဖတ်နေရတာကိုက အလွန်ပင် ရှယ်ဖွယ်ကောင်းကြောင်းလို့ ပြောပါရစေ။

နိဂုံးချုပ်အနေနဲ့ မြဝတီကိုပြောချင်တာက သတင်းစာအယ်ဒီတာလုပ်သူ ရှက်တတ်ရင် ကိုယ့်ကိုယ်ကို သတ်သေသင့်ဖို့ကောင်းပါတယ်။

ဘာတဲ့

အမှားအမှန် ပိုင်းခြားသိမြင် မြဝတီနေ့စဉ်

ဘာမှသိစရာမလိုဘူး သောက်တလွှဲတွေ ရေးနေတာ။

အယ်ခိုင်းဒါးကို ဘယ်လိုတုံ့ပြန်မလဲ

Sept 14, 2014
ရွှေမန်းတင်မောင်သား

IS အဖွဲ့ထက် သြဇာအရှိန်အဝါကျဆင်းလာသော အယ်ကိုင်းဒါးအဖွဲ့ဟာ သိက္ခာဆယ် တိုက်ကွက်ဖော်တဲ့အနေနဲ့ တောင်အာရှဖြစ်တဲ့ အိန္ဒိယ၊ ဘင်္ဂလားဒေ့ရှ်၊ သီရိလင်္ကာနဲ့ မြန်မာနိုင်ငံတွေမှာ ဂျီဟတ်စစ်ပွဲဆင်နွှဲဖို့ကို တရားဝင်ထုတ်ပြန်ကြေညာခဲ့ပြီးဖြစ်ပါတယ်။

မြန်မာနိုင်ငံအနေနဲ့ ၂၀၁၂ခုနှစ်ကတည်းက ရခိုင်ပြည်နယ်မှာ စတင်ဖြစ်ပွားခဲ့တဲ့ ဘာသာရေးအဓိကရုဏ်းတွေနဲ့ ပတ်သက်ပြီး အကြမ်းဖက်အုပ်စုတွေရဲ့ ဖြစ်မှတ်ဖြစ်လာ မှာကို လွန်ခဲ့တဲ့ နှစ်အနည်းငယ်ကတည်းက ကြိုတင်တွက်ဆထားပြီးဖြစ်ပါတယ်။

ကြိုတင်တွက်ဆထားတဲ့အတိုင်း ယခုအချိန်အနေသည် အမှန်တကယ်ဖြစ်လာခဲ့ပြီ ဖြစ်ရာ ယခုကြိုတင်ပြင်ဆင်သင့်သည်များကို ပြင်ဆင်ထားနိုင်မှသာလျင် အကြမ်းဖက် အုပ်စုကို သုတ်သင်ရှင်းလင်းနိုင်မှာဖြစ်သလို အကြမ်းဖက်အုပ်စုများရဲ့ ဝင်ရောက်လာ နိုင်မဲ့ လမ်းကြောင်း၊ ၎င်းတို့ရဲ့ အမာခံအင်အားစုများ အကြောင်းကို လေ့လာတင်ပြသွား မှာဖြစ်ပါတယ်။

ဝင်ရောက်လာနိုင်မဲ့ လမ်းကြောင်း
(၁) မြန်မာနိုင်ငံရဲ့ အိမ်နီးချင်းနိုင်ငံတစ်နိုင်ငံဖြစ်တဲ့ ဘင်္ဂလားဒေ့ရ်ှနိုင်ငံသည် လူဦးရေ သည် သန်း(၁၆၀)ကျော်ရှိရာ မြန်မာနိုင်ငံထက် လူဦးရေပေါက်ကွဲမှုနှုန်း ၈၁.၆%ရှိရာ ဗြိတိသျှကိုလိုနီခေတ်ရဲ့ အမွေဆိုးအဖြစ် လယ်လုပ်သူဘင်္ဂါလီများ ခေါ်သွင်းမှုမှအစပြု၍ လူမျိုးရေးအဓိကရုဏ်းများအဖြစ် ယနေတိုင် ဖြေရှင်းနေရဆဲဖြစ်ခြင်း။

(၂) ဂျီဟတ်စစ်ဆင်နွှဲမည့် အကြမ်းဖက်သူများသည် ပါကစ္စတန်-အိန္ဒိယနယ်စပ် ထိုမှတစ်ဆင့် ကလေး-တမူးဖက်ကိုဖြတ်ကာ မြန်မာနိုင်ငံရဲ့ အဓိကနေရာများကို ပစ်မှတ်ထား တိုက်ခိုက်လာနိုင်ခြင်း။

(၃) တိုင်းရင်းသားလက်နက်ကိုင်အဖွဲ့များနဲ့ ငြိမ်းချမ်းရေးစာချုပ် ချုပ်ဆိုနိုင်ရေး ကြိုး ပမ်းနေချိန်တွင် KIO အဖွဲ့နှင့် ရိုဟင်ဂျာအဖွဲ့ တွေ့ဆုံပြီး ကချင်ပြည်နယ်တွင် အခြေချ လှုပ်ရှားခွင့်တောင်းဆိုသည့် ဗွီဒီယိုဖိုင်ပေါ်ထွက်လာခဲ့ရာ အပစ်အခတ်ရပ်စဲရေးတွင် တွန့်ဆုတ်နေသည့် KIO အဖွဲ့အပေါ် သံသယဖြစ်ခြင်း။ ဆီးရီးယားနှင့် အီရတ်တွင် အစ္စလာမ်မစ်နိုင်ငံထူထောင်ရန် ကြိုးပမ်းနေသည့် IS အဖွဲ့သို့ တရုတ်နိုင်ငံမှ မွတ်ဆလင် တိုက်ခိုက်ရေးသမားများ သွားရောက်တိုက်ခိုက်နေသည့်အတွက် ကချင်ပြည်နယ်နှင့် နယ်နိမိတ်ထိစပ်နေသည့် တရုတ်နိုင်ငံလမ်းကြောင်းများမှတဆင့် ဝင်ရောက်လာနိုင် ခြင်း။

(၄) ထိုင်းနိုင်ငံတောင်ပိုင်းတွင် မွတ်ဆလင်အကြမ်းဖက်တိုက်ခိုက်မှုများ ပေါ်ပေါက်ခဲ့ ဘူးရာ ယင်းလမ်းကြောင်းများမှတဆင့် မြန်မာနိုင်ငံအောက်ဖက် မြို့ကြီးများကို အဓိက ထား တိုက်ခိုက်လာနိုင်ခြင်း။

(၅) မြန်မာနိုင်ငံ၏ ပိုင်နက်ရေပြင်သည် ရခိုင်ကမ်းမြှောင်ဒေသမှ တနင်္သာရီအထိ အလွန်ပင်ရှည်လျား ကျယ်ဝန်းလှရာ ပင်လယ်ပြင်စိုးမိုးရေးအတွက် တာဝန်ယူနေသော မြန်မာ့တပ်မတော်(ရေ)၏ အခန်းကဏ္ဍသည် အလွန်ပင်အရေးပါလာပေ၏။ အကြမ်း ဖက် တိုက်ခိုက်ရေးသမားများသည် ကျယ်ဝန်းလှသည့် ရေပြင်ပိုင်နက်ကို အသုံးချကာ ပင်လယ်ပြင်မှ ဝင်ရောက်လာနိုင်သဖြင့် မိမိတပ်မတော်(ရေ)၏ ပင်လယ်ပြင်စိုးမိုးရေး အခန်းကဏ္ဍကို မြှင့်တင်မှသာလျင် ထိရောက်စွာ ကာကွယ်ဟန့်တားနိုင်မည်ဖြစ်ပါ တယ်။

အကြမ်းဖက်အုပ်စုများ၏ လက်နက်တိုက်များ

အကြမ်းဖက်အုပ်စုများသည် မြန်မာနိုင်ငံအား ဂျီဟတ်စစ်ဆင်နွှဲမည်ဖြစ်ကြောင်း ကြေညာထားပြီးဖြစ်ရာ တနည်းမဟုတ်တနည်း ပြုလုပ်လာမည်မှာ အသေအချာပင် ဖြစ်ပါတယ်။

အကြမ်းအုပ်စု၏ တိုက်နည်းသဘောတရားသည် လူနည်းနည်းနှင့် အများစုကို ဖျက်ဆီး ရေးပင်ဖြစ်ရာ ယင်းတို့၏ သရုပ်ကို ပေါ်ပေါ်ထင်ထင်လုပ်ဆောင်မည်မဟုတ်ဘဲ အမာခံ များမှတဆင့် အဓိကပစ်မှတ်များကို တိုက်ခိုက်လာနိုင်ခြင်းကြောင့် ထိုအမာခံများကို မျက်ခြေမပြတ်စောင့်ကြည့်သွားရမည်ဖြစ်ပါတယ်။

ရခိုင်ပြည်နယ်တွင် ဘင်္ဂါလီလူဦးရေထူထပ်သည့် ဘူးသီးတောင်၊ မောင်းတောမြို့နယ်ရှိ ဘင်္ဂါလီဒုက္ခသည်စခန်းမှတဆင့် NGOsများကို အသုံးချကာ ပြုလုပ်လာနိုင်ပါတယ်။

မွတ်ဆလင်လူမျိုးများ၏ အဓိကစီးပွားရေးလုပ်ငန်းများဖြစ်တဲ့ ခရီးသည်ပို့ဆောင်ရေး လုပ်ငန်း၊ စက်သုံးဆီဖြန့်ဖြူးရေး၊ လူစည်ကားရာ ဈေး၊ ကျောင်း၊ ဘာသာရေး အခမ်းနား၊ နိုင်ငံတော်အခမ်းအနားစသည့် နေရာများသည် အကြမ်းဖက်အုပ်စုများရဲ့ ပစ်မှတ်ထား တိုက်ခိုက်လာနိုင်တဲ့ နေရာတွေ ဖြစ်လာနိုင်ပါတယ်။

ကချင်ပြည်နယ်တွင် ရိုဟင်ဂျာအဖွဲ့ အခြေချလှုပ်ရှားခွင့်ရသွားမယ်ဆိုလျင် ငြိမ်းချမ်းမှုကို မလိုချင်သော KIO သည် ရိုဟင်ဂျာအဖွဲ့နှင့် ပူးပေါင်းတိုက်ခိုက်လာနိုင်ခြင်း။

လိုအပ်သောအခြေအနေမှန်သမျှ ဖြတ်တောက်ရန်

ဘင်္ဂလားဒေ့ရ်ှနယ်စပ် ခြံစည်းရိုးကာရံခြင်းကို ဆောလျင်စွာပြီးစီးအောင် ဆောင်ရွက်ရန် နှင့် ခိုးဝင်ဘင်္ဂလီများကို နိုင်ငံသားဖြစ်မှုဥပဒေအရ တင်းကြပ်စွာ စိစစ်ခြင်း။ နယ်စပ် လုံခြုံရေးကို တိုးမြှင့်ခြင်း။ ရခိုင်ပြည်နယ်အတွင်းရှိ ဘင်္ဂါလီအများစုနေထိုင်ရာ ဘူးသီးတောင်၊ မောင်းတောဒေသကို သတိထားစောင့်ကြည့်ပြီး ရခိုင်တိုင်းရင်းသား ကျေးရွာများကို ကျေးရွာကာကွယ်ရေးအဖွဲ့ ဖွဲ့စည်းပြီး လေကျင့်သင်တန်းပေးခြင်း။

KIO အဖွဲ့သည် ရိုဟင်ဂျာအဖွဲ့အား အခြေစိုက်လှုပ်ရှားခွင့် ပေးခဲ့မည်ဆိုပါက သမိုင်းတွင် ဖျက်မရသော အမည်းစက်ကြီးအဖြစ် စွန်းထင်းကျန်ရှိမည်ဖြစ်ရာ တနိုင်ငံလုံး အပစ်အခတ် ရပ်စဲရေးတွင် ပါဝင်လာနိုင်အောင် ကြိုးပမ်းဆောင်ရွက်စေခြင်း။

လူမျိုးရေးအဓိကရုဏ်းဖြစ်ပွားရာ မြို့ကြီးများတွင် ဘာသာရေးအသွင်ဆောင်သည့် ပြစ်မှု မျိုးမကျူးလွန်နိုင်စေရေးအတွက် အရပ်ဖက်ဆိုင်ရာ ဘာသာပေါင်းစုံအဖွဲ့ကြီးများ၊ အုပ် ချုပ်ရေးအဖွဲ့များနှင့် ပြည်သူလူထုပူးပေါင်း ဆောင်ရွက်စေခြင်း။

အယ်ခိုင်းဒါးကတော့ ကြေညာထားပါပြီ။ အမေရိကန် လွှတ်တော်အမတ်တွေကလည်း တစ်ကမ္ဘာလုံးက အကြမ်းဖက်လုပ်ရပ်ကို ရှုတ်ချကန့်ကွက်နေတာတောင် နိုင်ငံရေး အမြတ်ကထုတ်ချင်သေး။ သူတို့လုပ်ခိုင်းတဲ့ကိစ္စကို မလုပ်လို့ကတော့ လုံခြုံရေးအကူ အညီအပေးဘူးလေး၊ ဘာလေးနဲ့။ မြန်မာနိုင်ငံရဲ့အင်အားသည် ပြည်သူများအပေါ်မှာ သာ တည်မှီနေပါတယ်။ ပြည်သူ့တွေ စည်းလုံးညီညွတ်နေသမျှ ကာလပတ်လုံး အကြမ်းသမားများရဲ့ လုပ်ရပ်ဟာ ကျဆုံးရမှာ မလွှဲဧကန်ပါ။

ရှရှားလုပ် T 90 ပင်မတိုက်ပွဲဝင်တင့်ကား

Sept 13, 2014
ရွှေမန်းတင်မောင်သား

ရုရှားနိုင်ငံရဲ့ တတိယမျိုးဆက် ပင်မတိုက်ပွဲဝင် တင့်ကားဖြစ်ပြီး Kartsev-Venediktov ဆိုသူက ဒီဇိုင်းရေးဆွဲကာ ၁၉၉၁ခုနှစ်မှ စတင်ထုတ်လုပ်ခဲ့ပြီး ယနေ့အချိန်ထိ အသုံးပြုလျက် ရှိပါတယ်။ ထုတ်လုပ်တဲ့ အရေအတွက်ကတော့ ၁၆၆၇ စင်းဖြစ်ပါတယ်။

အထူးဝိသေသလက္ခဏာများကတော့ တစ်စင်းလုံးရဲ့အလေးချိန်က ၄၇.၅ တန် ဖြစ်ပါတယ်။ အလျားက ၉.၆၃ မီတာ၊ အနံက ၃.၇၈ မီတာနဲ့ အမြင့်က ၂.၂၂ မီတာဖြစ်ပါတယ်။ စီးနင်းလိုက်ပါနိုင်တာက တပ်ဖွဲ့ဝင် ၂ ဦး ဖြစ်ပါတယ်။

အကူပစ်အနေနဲ့ ၁၂၇ မီလီမီတာ စက်သေနတ်ကို ယမ်းအား ၇.၆၂ ကျည်နဲ့အသုံးပြုထားပါတယ်။

အင်ဂျင်ကိုတော့ Model 84 V-84 12-cyl. diesel
V-92 12-cyl. diesel
V-96 12-cyl. diesel
840 hp (618 kW) for V-84 12-cyl. diesel engine
950 hp (736 kW) for V-92 12-cyl. diesel engine

1,250 hp (930 kW) for V-96 12-cyl. diesel engine ဆိုပြီး ခွဲခြား ထုတ်လုပ်ထားပါတယ်။

အင်ဂျင်အမျိုးအစားပေါ်မူတည်ပြီး တနာရီကို ၃၇မိုင်မှ မိုင် ၄၀ အမြန်နှုန်းနဲ့ တိုက်ပွဲ ဝင်နိုင်ပါတယ်။

T 90 ပင်မတိုက်ပွဲဝင် တင့်ကားမျိုးကွဲ များစွာရှိသည့်အနက်မှ T 90SM ပင်မ တိုက်ပွဲဝင် တင့်ကားရဲ့ စွမ်းရည်ကို အောက်ပါလင့်မှာ သွားရောက် ကြည့်ရှု နိုင်ပါတယ်။

သရဲအကြောင်းရေးသော ကျွန်တော် သရဲခြောက်ခံရ

Sept 11, 2014
ရွှေမန်းတင်မောင်သား

ကျွန်တော်နေတဲ့ မြို့ကလေးက မော်လမြိုင် သံဖြူဇရပ်ကားလမ်းပေါ်မှာ ရှိတဲ့ မုဒုံမြို့။ မော်လမြိုင်နဲ့ဆိုရင် (၁၈)မိုင်ဝေးပါတယ်။ အိမ်ကနေ အလုပ်ကို ဆိုင်ကယ်နဲ့သွားရတာ ကျွန်တော့်ရဲ့ နိစ္စဓူဝ ဆောင်ရွက်နေကျ အလုပ်တစ်ခုဖြစ်ပါတယ်။

ဩဂုတ်လ(၁၀)ရက် အလုပ်ကနေအပြန် အချိန်အားဖြင့် ည ၉ နာရီရှိပါပြီ။ ဆိုင်ကယ်ကို ဖြေးဖြေးမှန်မှန်စီးရင် ပြန်လာခဲ့တယ်။ ရာသီဥတုကလည်း သာသာယာယာ ရှိနေပါ တယ်။ မိုးနှောင်းကိုရောက်လာပြီး မကြာမီ ဆောင်းဝင်မှာမို့ ဆိုင်ကယ်လေတိုးသံနဲ့ အတူ တစ်ကိုယ်လုံး အေးစိမ့်လို့နေတယ်။

လေကလေးကလည်း တဖြူးဖြူး၊ ကောင်းကင်မှာ မိုးရိပ် မိုးသားအနည်းငယ်ဘဲ ရှိတာ ကြောင့် လရောင်လေးက မှုန်ပြပြ ကားလမ်းပေါ်ကို ထိုးကျနေတယ်။ ပဇင်းရင်ကွဲတွေ အော်မြည်သံက တဂျီဂျီနဲ့ ဆူညံနေတယ်။

ဆိုင်ကယ်ရှေ့မီးရောင်ကြောင့် လမ်းကိုသဲကွဲစွာ မြင်ရသော်လည်း ညအချိန်မမြင်နိုင်တဲ့ အန္တရာယ် ကျရောက်လာနိုင်တာကြောင့် ဆိုင်ကယ်ကို သတိထားကြီးစွာ မောင်းနှင်နေ ရတယ်။ ညအချိန် ဆိုင်ကယ်ရိုက်လုတဲ့ ဖြစ်စဉ်များလည်း မကြာခဏဆိုသလို ဟိုနား၊ ဒီနား ကြားနေရတယ်။

အလုပ်ကနေအိမ်ကို ကျွန်တော်ဖြတ်သွားမဲ့ ကျေးရွာတွေကတော့ သာယာကုန်း၊ တာပသွန်၊ ကော့ခိုက်၊ ကွေ့ဝမ်း၊ မြိုင်ကုန်း(ကမ္ဘာ့အကြီးဆုံး လျောင်းတော်မူဘုရားရှိရာ)၊ မှိန်ကနိမ်း၊ ကော့ခပုံ၊ ကွမ်တာ၊ ဘဲ့ရမ်းစတဲ့ မွန်တိုင်းရင်းသားများ နေထိုင်ရာ ကျေးရွာ(၉)ရွာကို ဖြတ်သွားရပါတယ်။ နယ်မြို့ငယ်လေးဆိုတော့ ည(၈)နာရီ (၉)နာရီ ဆိုလျင် ကားအသွားအလာက အတော်လေးကို ကျဲသွားပါတယ်။

အဲဒီရွာ(၉)ရွာအနက်က အန္တရာယ်ရှိတဲ့ ရွာ(၂)ရွာကတော့ တာပသွန်ကျေးရွာနဲ့ ကော့ခပုံကျေးရွာဘဲ ဖြစ်ပါတယ်။ အဆိုပါရွာနှစ်ရွာက တောအုပ်တွေနဲ့ ရာဘာခြံ အရိပ်အမှောင်ကျပြီး လူနေအိမ်ခြေလည်း အတော်လေးကျဲပါတယ်။

ကျွန်တော် ရောက်တတ်ရာရာတွေးပြီး မောင်းလာနေတုန်း ဖြုန်းကနဲဆို ဆိုင်ကယ် ဆိုင်ကယ်ရှေ့မီးရောင်အောက်မှာ အဖြူရောင်သဏ္ဍာန် အရိပ်လိုမျိုး အမျိုးသားတစ်ဦး လမ်းတစ်ဖက်ကို ဖြတ်ကူးသွားတာကို မြင်လိုက်ရတာမို့ လန့်ဖြတ်ပြီး ဆိုင်ကယ်ကို တံတားတစ်ခုကိုကျော်အပြီး လမ်းဘေးကို ဆွဲချလိုက်တယ်။ နောက်ဘီးက "ဖုန်း" ဆိုပြီး ထပေါက်တော့တယ်။

ဆိုင်ကယ်ဘီးပေါက်သံ ကြားရတော့မှ ကျွန်တော်သွားသတိရတယ်။ ဆိုင်ကယ်ဘီးက တာယာကုန်နေပြီ။ ဆိုင်ကယ် နောက်မြီးရမ်းသွားတာမို့ မမှောက်အောင်ထိန်းရင်း ထိုးရပ်သွားပါတယ်။ အမှောင်ထဲမှာ စမ်းတဝါးဝါးနဲ့ နောက်ဘီးကို လက်နဲ့စမ်းကြည့် လိုက်တော့ "ဟိုက်သွားပြီလို့" ကျွန်တော် အမေဋိတ်သံ ရေရွတ်မိတော့တယ်။ နောက်ဘီးက လုံးဝ ကွဲထွက်သွားတယ်။

စိုးရိမ်စိတ်နဲ့ အကူအညီရလိုရငြား ဘယ်ရွာရောက်နေလဲလို့ ကြည့်လိုက်တော့မှ ကျွန်တော့်စိုးရိမ်စိတ်ဟာ ငယ်ထိပ်ထိ တက်ဆောင့်တော့တယ်။ ရင်တွေလည်း တဒိန်းဒိန်းနဲ့ ခုန်လာတယ်။ စောစောက တံတားတစ်ခုကို ကျော်လိုက်တာကို သတိရပြီး စဉ်းစားလိုက်တော့ ကျွန်တော်ရောက်နေတဲ့ရွာသည် အန္တရာယ်ရှိတဲ့ရွာ တာပသွန် ဆိုတဲ့ရွာဖြစ်ကြောင်းကို သိရှိလိုက်ပါတယ်။

လွန်ခဲ့တဲ့နှစ်က ကျွန်တော့်ဆရာသမားတစ်ဦး အဆိုပါရွာရှေ့တွင် ဆိုင်ကယ်မောင်းလာ ခိုက် နွားကြီးတစ်ကောင်ဖြတ်ပြေးသွားတာကို ရုတ်တရက် ဘရိတ်အုပ်လိုက်ရင်း အက်စီဒင့်ဖြစ်ကာ ဆိုင်ကယ်တိမ်းမှောက်ဘူးကြောင်းကို ကျွန်တော်သွားသတိရလိုက် တယ်။

ကျွန်တော်ကျော်လိုက်တဲ့ တံတားသည် မနှစ်လောက်က ရဲတစ်ဦး အသတ်ခံရပြီး တံတားအောက်မှာ အလောင်းဖျောက်ထားတဲ့ ဖြစ်စဉ်တစ်ခု ဖြစ်ခဲ့ဘူးတယ်။

ဖြစ်ပုံကဒီလိုဗျ...

တာပသွန်ရွာရဲ့တစ်ဖက်မှာ စစ်တပ်က အင်ဂျင်နီယာတပ်တစ်ခုရှိတယ်။ အဲဒီတပ်မှာ နယ်တပ်တွေက လက်ဝှေ့  လာလေ့ကျင်တဲ့ သင်တန်းတစ်ခုရှိတယ်။ မတစ်ထောင်သား တွေဆိုတော့ လူကလည်းစုံ၊ စရိုက်ကလည်းကြမ်းကြတယ်။ မကောင်းတဲ့အမျိုးသမီး တစ်ဦးကိုခေါ်ပြီး ကာမပျော်မြူးကြတာပေါ့။ အမျိုးသမီးကတစ်ဦးထဲ စစ်သားတွေက အများကြီးဆိုတော့ အမျိုးသမီးလည်း ကြာတော့ မတတ်နိုင်ဘူးနဲ့တူပါတယ်။ ထွက်ပြေး တာကို နောက်ကစစ်သားသုံး လေးယောက်လောက်က လိုက်ဖမ်းကြတယ်။ ဒါနဲ့ လမ်းဘေးမှာ ရုန်းရင်းဆန်ခတ်ဖြစ်နေတုန်း ရဲတစ်ဦးက ဆိုင်ကယ်နဲု့ဖြတ်အသွား တွေ့တဲ့အခါ "မင်းတို့ကွာ..မိန်းကလေးတစ်ဦးကို..ဒီလိုဆွဲလား ရမ်းလားလုပ်တာတော့ မကောင်းပါဘူးလို့" ဝင်ပြောရာက စကားများကြရင်း နောက်ကကောင်က တုတ်နဲ့ ရိုက်လိုက်တာ ရဲ ပွဲချင်းပြီးသေသွားတယ်။

သေသွားတဲ့ ရဲအလောင်းကို ဆွဲပြီး တံတားအောက်မှာ ထိုးထည့်ထားတယ်။ နယ်ထိန်း ရဲဆိုတော့ သက်ဆိုင်ရာရဲစခန်းကလည်း သတိမထားမိဘူး။ ရဲကိုရိုက်လိုက်တဲ့ စစ်သား တွေကတော့ ဆိုင်ကယ်ကိုယူပြီး လစ်တာ၊ ကံမကောင်းစွာနဲ့ဘဲ သံလွင်တံတားမှာ ဆိုင်ကယ်အကြောင်း ခိုင်လုံစွာ သက်သေမပြနိုင်လို့ အဖမ်းခံရတယ်။ စစ်ဆေးလိုက် တော့ ရဲကိုသတ်တာပေါ်ပြီ။ အလောင်းကို သွားရှာတော့ (၃)ရက် (၄)ရက်လောက်ရှိပြီ ဆိုတော့ ပုပ်နေပြီပေါ့။

အခု ကျွန်တော် ဆိုင်ကယ်ပျက်တဲ့နေရာ သည် ထိုရဲအသတ်ခံရပြီး အလောင်းဖွက်ထား သည့် နေရာပင်တည်း။ စဉ်းစားရင်း ကျွန်တော် ကြက်သီးတွေ တဖျန်းဖျန်းထလာတယ်။ ဇောချွေးတွေလည်း ပြန်လာတယ်။ အာခေါင်တွေလည်း ခြောက်လာတယ်။ ရင်တွေလည်း ရထားစက်ခေါင်း ခုတ်မောင်းသလို တဂျုန်းဂျုန်းနဲ့ ကျယ်လောင်စွာ ထွက်ပေါ်လာတယ်။

ညကလည်း တစ်ဖြည်းဖြည်းနက်လာတယ်။ ဒီအတိုင်းဆိုလျင် ပြဿနာ တက်တော့ မယ်ဆိုတာ ကျွန်တော်စိတ်က အလိုလိုနေရင်း သိနေတယ်။ ဆိုင်ကယ်ဘီး ဂွေ လိမ်ချင်လည်း လိမ်ပါစေတော့။ စက်ကို အတင်းနိုးရာ အရေးထဲ စက်ကလည်းမနိုး။ နိုးလည်းနိုးရော ဆိုင်ကယ်ဖင် တရမ်းရမ်းဖြင့် ဖြည်းဖြည်းချင်း မောင်းထွက်လာတော့ တယ်။ မီးအလင်းရောင်ရှိတဲ့ ကွေ့ဝမ်းရွာနားရောက်တော့ လမ်းဘေးမှာ ဆိုင်ကယ် ထိုးရပ်ပြီး ကျွန်တော့်ရဲ့ သက်တော်စောင့်၊ သွားလေရာရာ ယူသွားတတ်သည့် ဖုန်းဖြင့် အိမ်က ချစ်ဇနီးကို ကားတစ်စီးအမြန်လွှတ်ပေးဖို့ အကြောင်းကြားရပါတော့တယ်။

ဆက်သွယ်နိုင်တဲ့ ဖုန်းသာမရှိခဲ့လျင် ကျွန်တော့်အဖို့ ထိုနေ့ညက အဖြစ်အပျက်ကို မည်သို့ ဖြတ်ကျော်ရမည်ကို စဉ်းစားနိုင်ခြင်းမရှိတော့ပေ။ ကျွန်တော့်ညီအစ်ကို မောင်နှမများအနေဖြင့် ဘယ်သွားသွား၊ ဘာလုပ်လုပ် အဆက်အသွယ်မပြတ်စေရန် ဖုန်းလေးတော့ ဆောင်သွားပါလို့။ ကျေးဇူးဘဲ MPT ရယ်လို့ ပြောရမလို့တောင် ဖြစ်နေပါပြီခင်ဗျာ။

US Military Power 2014

ကျွန်တော့်ဆီကနေ တိုက်ရိုက်တင်မရလို့ blog ကနေ တင်ပေးလိုက်ပါတယ်။

ဂျွန်လွင်ပြောသည့် စားခွက်လုသည့်ပြဿနာ

Sept 6, 2014
ရွှေမန်းတင်မောင်သား

လှနုထွန်းသည် ကိုယ့်ကိုယ်ကို ယုံကြည်မှုလွန်ကဲခြင်း၊ မေမြတ်နိုး၏ မိခင်သည် မသိ နားမလည်သော ကိစ္စများတွင် ဝင်ရောက်စွက်ဖက်ခြင်းကြောင့် ပြဿနာဖြစ်ခြင်းကို အစပျိုးခဲ့ခြင်းလို့ ဆိုနိုင်တယ်။

မေမြတ်နိုး ကိုးရီးယားမသွားခင် လှနုထွန်းက ဂျွန်လွင်ဆီကို ခေါ်သွားပြီး မိတ်ဆက်ပေး ခဲ့ဘူးပါတယ်။ ဒီလိုဇာတ်လမ်းတွေဖြစ်လာမှာကိုသိလို့ ဂျွန်လွင်က လှနုထွန်းကို နှစ်ကိုယ်ကြား အသိပေးခဲ့တာကို လှနုထွန်းက နားမထောင်ဘဲ ကိုယ်လုပ်ချင်တာကို လုပ်ခဲ့တာပါ။ ကိုးရီးယားက ပြန်လာပြီးတော့လည်း ဂျွန်လွင် ထပ်သတိပေးထားကို နားမထောင်ခဲ့ပါဘူး။

မေမြတ်နိုးအနေနဲ့ မအောင်မြင်ခင်တုန်းကတော့ လှနုထွန်း စေလိုရာစေပုံစံမျိုးကို လက်ခံခဲ့တာပါ။ အောင်မြင်မှုပုံစံရလာတော့ ဂျွန်လွင်ပြောသလို "နင်္ဂါးအမောက်ထောင် တာမဟုတ်၊ အတက်တွေပါထွက်လာတာ" ဆရာကိုအာခံတော့ အာခေါင် လှံစူးတယ်လို့ ဘဲဆိုရမလား။ ရေရှည်ကိုမကြည့် ရေတိုကိုကြည့်တော့ ကြားထဲက မြန်မာ နိုင်ငံသားတွေ မျက်နှာပျက်ရပြီပေါ့။ အနုပညာလောကသည် တစ်ဦးတစ်ယောက်တည်း ရပ်တည်လို့ရသော နေရာမဟုတ်။ သူ့နေရာနဲ့သူ ကိုယ်တာဝန်နဲ့ကိုယ် ထမ်းဆောင်ပါမှ ရေရှည်တည်တံ့နိုင်တဲ့ အရာမျိုးပါ။

ဗွီဒီယိုဖိုင်တွေမှာ သရဖူပြန်ပေးဖို့ လှနုထွန်း ငိုယိုပြီး တောင်းပန်နေတာကို တွေ့ကြမှာပါ။ ဒီလိုတောင်းပန်နေခြင်းဟာ သူမှားလို့မဟုတ်၊ တရှက်ကနေ နှစ်ရှက်မဖြစ်ရအောင် ပြောနေခြင်းဖြစ်ပါတယ်။ ကိုယ့်လူမျိုး၊ ကိုယ့်နိုင်ငံဂုဏ်သိက္ခာအတွက် ပြောနေခြင်း ဖြစ်နိုင်ပါတယ်။ အစကတည်းက ဆရာ၊ တပည့်နှစ်ဦးနှစ်ဖက် တိုင်တိုင်ပင်ပင် ညှိညှိ နှိုင်းနှိုင်းလုပ်ခဲ့လျင် ယခုကဲ့သို့ အကြောင်းဖြစ်လာစရာမရှိပေ။

ဒီလိုအဖြစ်အပျက်လေးကိုကြည့်ပြီး နောင်လာမယ့် အနုပညာရှင်များအနေဖြင့် ပထမ ဦးဆုံးလုပ်တာသည် ကိုယ့်ဝမ်းရေးဖြေရှင်းဖို့အတွက် ဖြစ်ပါတယ်။ အောင်မြင်လာတော့ ဝမ်းရေးတွင်မကတော့ပါဘူး။ နိုင်ငံရဲ့ ဂုဏ်သိက္ခာနဲ့ပါ ဆိုင်လာပြီဆိုတာကို သဘော ပေါက်ကြပါစေလို့ ဆုတောင်းရင်း သင်ခန်းစာယူကြပါစို့။

လေလိုင်းကြားက မေမြတ်နိုးနဲ့ လှနုထွန်းတို့ရဲ့ ကြက်ဖခွပ်သံ

Sept 5, 2014
ရွှေမန်းတင်မောင်သား

နိုင်ငံနဲ့ လူမျိုး၊ ဂုဏ်သိက္ခာတွေကိုမထောက် လုပ်ရက်လိုက်လေခြင်း။

၂၀၀၇ခုနှစ်က တိမ်မြှပ်ပျောက်ကွယ်သွားတဲ့ အဖွဲ့ပါ။ ဒါကို ၂၀၁၁ခုနှစ်မှာ Miss Asia Pacific World အနေနဲ့ ပြန်လည်အသက်သွင်းခဲ့တာဖြစ်ပါတယ်။ ပြန်လည်အသက် သွင်းတဲ့နှစ်မှာဘဲ ပြသနာတွေရှိခဲ့တယ်။ လှနုထွန်းလည်း မေမြတ်နိုး သရဖူရပြီးတဲ့ နောက်ပိုင်းကျမှ သိခဲ့ပုံရပါတယ်။

Miss Asia Pacific World Organization သည် မည်သည့်အဖွဲ့မျိုးလည်း၊ တရားဝင် ရုံးခန်းမရှိ၊ လိပ်စာမရှိဘဲနဲ့ ဒီလိုအဖွဲ့မျိုးကို တည်ထောင်ထားတာ ဘာသဘောပါလဲ။ သရဖူပေးတာ သူတို့နဲ့ အလုပ်လုပ်စေချင်လို့ ပေးတာမျိုးဆိုတာကတော့ သဘာဝ မကျပါဘူး။ အလုပ်ခိုင်းမဲ့လူကို ဒီလိုနည်းနဲ့ လူစုတာလား။ ဒါဆိုရင် အနှောင်အဖွဲ့နဲ့ ပေးတဲ့ သရဖူမျိုးကိုယူဖို့ ဘာကြောင့် လှနုထွန်းတို့က ဆုံးဖြတ်ခဲ့ကြတာလည်း။

အဓိက အမှားများသည်...
၁။ လျှောက်လွှာပုံစံဖြည့်ရာတွင် ကိုးရီးယားအဖွဲ့မှ သူတို့အဖွဲ့အစည်းတွင် အသက် (၁၈)နှစ် ကန့်သတ်ထားတာကို လှနုထွန်းတို့မှ အသက်အမှန်(၁၆)နှစ် (အစား) (၁၈)နှစ် ဟု ပြင်ဆင်ဖြည့်သွင်းခဲ့ခြင်း။

၂။ သရဖူရယူခြင်းသည် သူတို့နှင့်အလုပ်လုပ်ခြင်းဟု သတ်မှတ်ပြီးဖြစ်ကာ (၃)နှစ် စာချုပ်ချုပ်ဆိုခြင်း၊ (၆)လသင်တန်းပေးခြင်းအတွက် လိုအပ်သည့် ရုပ်ပိုင်းဆိုင်ရာ Plastic Surgery ခွဲစိတ်ကုသမှုကို မေမြတ်နိုး ခံယူခဲ့ခြင်း။

၃။ ခွဲစိတ်ကုသမှု ခံယူပြီးသော်လည်း မေမြတ်နိုးသည် အကြောင်းပြချက်များဖြင့် ဆက်လက်မလုပ်ကိုင်ရန် ဆုံးဖြတ်ခဲ့ခြင်း။

၎။ ပြန်လည်သိမ်းယူသည့်အကြောင်းကို လေယာဉ်ပေါ်ရောက်မှ သိရှိကြောင်း အကြောင်းပြကာ သရဖူကို မြန်မာနိုင်ငံသို့ ယူဆောင်လာခြင်း။

၅။ ဆရာ၊ တပည့်အကြား ဆက်ဆံရေး ပြေလည်မှုမရှိခြင်း။

ပွင့်လင်းမြင်သာမှုရှိလာတဲ့ မြန်မာနိုင်ငံအပေါ် ကမ္ဘာက စိတ်ဝင်စားလာနဲ့အမျှ မြန်မာ နိုင်ငံရဲ့ပုံရိပ်ဟာ နိုင်ငံတကာမှာ ထင်ဟပ်လာပါတယ်။ မိမိတို့ တစ်ဦး တစ်ယောက်ရဲ့ လုပ်ဆောင်ချက်သည် ကိုယ့်နိုင်ငံ၊ ကိုယ့်လူမျိုးရဲ့ ဂုဏ်သိက္ခာ ညှိုးနွမ်းသိက္ခာ ကျစရာဖြစ်အောင် လုပ်ဆောင်တာကတော့ အလွန်ပင် ရှက်ဖွယ်ကောင်းပါတယ်။

နိုင်ငံတကာကို ဝင်ရောက်ထိုးဖောက်နေသူများအဖို့ အသေးအဖွဲ့ကအစ အစစအရာရာ သတိထားဆင်ခြင်ပြီး နိုင်ငံအကျိုးဆောင်နိုင်အောင် လုပ်ဆောင်နိုင်ပါမှ တော်ကာ ကျပါမယ်။

သို့မဟုတ် ငယ်ငယ်တုန်းက မိန်းကလေးတွေ ကြက်ဖခွပ်တမ်းကစားသလို သူနိုင်၊ ငါနိုင်ခွပ်ရင်း ခွပ်ရင်းက ထမီလန်ကာ လဲကျတဲ့အဖြစ်မျိုးကတော့ ကိုယ့်သိက္ခာ ကိုချတာနဲ့ အတူတူဖြစ်ပါကြောင်းလို့ ပြောပါစေတော့ဗျာ။