ပျဉ်းမနားဘူတာအတွင်း ရန်ကုန် နေုပြည်တော်အဆန်ရထား တဂျုန်းဂျုန်းမည်ပြီး စင်္ကြန် ၃ ကနေ ဆိုက်လာတယ်။ လူတွေ ပျားပန်းခတ်မျှ လှုပ်ရှာသွားတယ်။ လူတစ်ယောက် အိတ်ကလေးလွယ်ပြီး စင်္ကြန် ၃ ကနေ ၁ဖက်ကို ဂုံးကျော်တံတားကနေ ကူးတယ်။ ဂုံးကျော်တံတား အလယ်ရောက်တော့ ပိုက်ဆံအိတ် ၁ အိတ် ပြုတ်ကျနေတာတွေ့တယ်။ ဘေးလူတွေကလည်း ဒီပိုက်ဆံအိတ်ကို ဝိုင်းကြည့်နေကြတယ်။ မကောက်ရဲကြဘူး။ ဗုံးတွေ တဂျိန်းဂျိန်း ကွဲနေတဲ့ အချိန်မို့။ အခြေအနေ အကဲခတ်နေတာလည်းပါတယ်။အိတ်လွယ်ထားတဲ့ လူက ပိုက်ဆံအိတ်ကို ကောက်လိုက်တယ်။ ပြီးတော့ ဖွင့်ကြည့် လိုက်တယ်။ စစ်သား ၁ယောက်ရဲ့ ပိုက်ဆံအိတ် ငွေက ၄သောင်း၊ စစ်သားကတ်အားလုံးပါတယ်။ ကောက်တဲ့လူက စစ်သားဆို တအားမုန်းသောသူ။ ပြီးတော့ အိတ်ထဲ ထိုးထည့်ပြီး စင်္ကြန်အောက်ကို ဆင်းသွားတယ်။
ဒီလူဘာဆက်လုပ်မည်ထင်သနည်း။
စင်္ကြန်အရှေ့ကနေကွေ့ပြီး announcer အခန်းကိုသွားပါတယ်။ ပြီးတော့ တပ်ထိန်းတစ်ယောက်ကိုခေါ်ပါတယ်။ ဒီလူရဲ့နာမည်ကို မိုက်ကနေအော်ပြီး ပြန်ပေးလိုက်ပါလို့ပြောပြီး အထုပ်ကိုဆွဲ ထွက်သွားပါတယ်။ ပြီးတော့ လက်ဖက်ရည်ဆိုင်ကနေ ထိုင်ပြီးနားထောင်နေတယ်။ ခဏကြာတော့ စပီကာကနေ"ကိုယ်ပိုင်အမှတ်.....
လူုကြီးမင်းရဲ့ ပိုက်ဆံအိတ် ကောက်ရထားပါတယ်။ စုံစမ်းရေးရုံးတွင် လာရောက်ယူဆောင်ရန်"ဟူသော အသံကြားရတယ်။ ဒီလူရဲ့မျက်နှာတစ်ချက် ဝင်းသွားတယ်။
No comments:
Post a Comment