Bangkok Post, May 30, 2014
ထိုင်းနိုင်ငံ နိုင်ငံတော်အေးချမ်းရေးနှင့် တရားဥပဒေစိုးမိုးရေးကောင်စီ NCPO သည် နိုင်ငံရေးပဋိပက္ခအတွင်း ဥပဒေ ချိုးဖောက်သူများကို လွတ်ငြိမ်းချမ်းသာ ခွင့်မပေးသည့် အမျိုးသားပြန်လည် သင့်ုမြတ်ရေး အစီအစဉ်များကို စီစဉ် ဆောင်ရွက်လျက်ရှိကြောင်း၊ ပြည်တွင်း လုံခြုံမှုစစ်ဆင်ရေးဌာနချုပ် ISOC မှ ပြောရေးဆိုခွင့်ရှိသူ ဗိုလ်မှူးကြီး ဘန်ဖွတ် ဖွန်ဖိရန်က မေလ ၃၀ ရက်နေ့တွင် ထုတ်ဖော်ပြောကြားခဲ့သည်။
ပြီးခဲ့သည့် နိုင်ငံရေးပဋိပက္ခအတွင်း ဥပဒေ ချိုးဖောက်ခဲ့သူများအနေဖြင့် လွတ်ငြိမ်းချမ်းသာခွင့်ရရှိရန်၊ သို့မဟုတ် တစ်စုံတစ်ရာ ခုခံချေပခွင့်ရရှိရန် မျှော်လင့်မထားသင့်ကြောင်း၊ ယင်းသို့ မျှော်လင့်ချက်မရရှိသူအများစုမှာ မေလ ၂၂ ရက်နေ့ အာဏာမသိမ်းခင်အချိန်၌ ဥပဒေချိုးဖောက်ခဲ့သူများဖြစ်ပြီး ပုံမှန် တရားဥပဒေစီရင်ရေး စနစ်အတိုင်း အမှု ရင်ဆိုင်ခွင့်ရရှိရန် မျှော်လင့်ထားသူများ ဖြစ်ကြောင်းဖြင့် ဗိုလ်မှူးကြီး ထန်ဖွတ်က ပြောကြားခဲ့သည်။
ထိုင်းနိုင်ငံ နိုင်ငံရေး အကျပ်အတည်း ကာလအတွင်း ပဋိပက္ခဖြစ်ပွားခဲ့သည့် နိုင်ငံရေးပါတီများ၏ ပါတီဝင်များအနေဖြင့် လွတ်ငြိမ်းချမ်းသာ ခွင့် ရရှိနိုင်ဖွယ်ရှိသည်ဟု ကောလဟာလသတင်းများ ထွက်ပေါ် လာခဲ့ပြီးနောက် ISOC ပြောခွင့်ရပုဂ္ဂိုလ် ဗိုလ်မှူးကြီး ဘန်ဖွတ်က ယင်းသို့ ပြောကြားခဲ့ခြင်းဖြစ်ကြောင်း သိရသည်။
ဘီလူးကျွန်းသား
No comments:
Post a Comment