ထိုင်းအရစိုးရဆန့်ကျင်သူများအား ဘန်ကောက်မြို့အနှံ့ စုရုံးရန်ဟူသည့် အတိုက်အခံခေါင်းဆောင် ဆူထစ်သောင်ဆူဘန်၏ ၂၀၁၄ခုနှစ်၊ မေလ ၉ ရက်နေ့က လှုပ်ရှားမှုသည် ဆက်တိုက်ဖြစ်ပေါ်လျက်ရှိသည့် ထိုင်းနိုင်ငံရေးအုံကြွမှုအား လက်ရှိယာယီအစိုးရအဖွဲ့က ထိန်းသိမ်းဆောင်ရွက်ရာ၌ မကျွမ်းကျင်ခြင်း၊ အားနည်းချက်များ ရှိခြင်းတို့ကို ဖော်ပြလိုသည့် ရည်ရွယ်ချက်သာဖြစ်ပေသည်။ အစိုးရ ထောက်ခံသည့် ရှပ်နီအဖွဲ့များ၏အဆိုအရ မစ္စတာ ဆူထစ်၏လုပ်ဆောင်ချက်သည် ထိုင်းတပ်မတော်မှ အာဏာသိမ်းရန်အတွက် အကြောင်းပြချက်တစ်ရပ်ကို ဖန်တီးပေးနေခြင်းသာဖြစ်သည်ဆို၏။
ထိုင်းနိုင်ငံတွင် လက်ရှိအာဏာဆုပ်ကိုင်ထားလျက်ရှိသည်ဟု မစ္စတာဆူထစ် ယုံကြည်ယူဆထားသော နီုင်ငံတော်တရားရုံးချုပ် ဥက္ကဌ၊ အထက်လွှတ်တော်ဥက္ကဌနှင့် ရွေးကောက်ပွဲကော်မရှင်ဥက္ကဌတို့ (၃)ဦးအနေဖြင့် ဖွဲ့စည်းပုံအခြေခံဥပဒေပုဒ်မ-၇ အရ ကြားဖြတ်အစိုးရအဖွဲ့သစ်တစ်ရပ် ဖွဲ့စည်းရေးကို အပြည့်အဝထောက်ခံအားပေးရန်အတွက် မစ္စတာဆူထစ်က ကြိုးပမ်းလျက်ရှိပေသည်။
မည်သို့ပင်ဖြစ်စေ အစိုးရထောက်ခံသူများက မစ္စတာဆူထစ် အောင်မြင်မည် မဟုတ်ဟု ယူဆထားကြပါသည်။ ထို့အပြင် ထိုင်းတပ်မတော်၏အခန်းကဏ္ဍသည် မလူး သာမလွန့်သာ နိုင်ငံရေးအခြေအနေတွင် ကြားနေဝါဒကျင့်သုံးနေသမျှ မည်သည့် နိုင်ငံရေးအခြေအနေမျိုးကိုမဆို အစိုးရထောက်ခံသူများက ဂရုစိုက်ကြလိမ့်မည်မဟုတ်ပေ။
တစ်ချိန်က မစ္စတာ ထဝီပလန်ဆရီအား ရာထူးပြောင်းရွှေ့ခဲ့မှုနှင့်ပတ်သက်၍ မစ္စ ယင်းလပ်အပေါ် စွဲဆိုထားသည့် အာဏာအလွဲသုံးစားမှုအား ဖွဲ့စည်းပုံအခြေခံဥပဒေ တရားရုံးက ပလပ်ခဲ့ပြီးနောက်ပိုင်း မစ္စတာဆူထစ်သည် သူ့၏အစိုးရဆန့်ကျင့်ရေး နောက်ဆုံးတိုက်ပွဲကြီး ပြုလုပ်မည့်ရက်ကို ရှေ့တိုးခဲ့ပေသည်။
အစိုးရဆန့်ကျင်သူများအနေဖြင့် ၎င်းတို့၏ သပိတ်စခန်းများအား လုမ်ဗိနီဥယျာဉ်နှင့် ချန်ဝပ်ထနလမ်းပေါ်တွင် အခြေစိုက်ထားပြီး အစိုးရအိမ်တော်၊ အမှတ်(၃/၅/၇/၉/၁၁)ရုပ်မြင်သံကြားလွှင့်ရုံများနှင့် ယာယီအစိုးရအဖွဲ့၏ ငြိမ်ဝပ်ပိပြားမှု တည်ဆောက်ရေးရုံး စသည့်နေရာဌာန (၇)ခုတို့ဆီသို့ ဖြန့်ခွဲဆန္ဒပြခဲ့ကြပါသည်။ ထို့အပြင် ရုပ်မြင်သံကြားလွှင့်ရုံ အများအပြားတို့ကိုလည်း ၎င်း၏ညစဉ်ညတိုင်းပြောကြား သည့်မိန့်ခွန်းများကိုသာ ထုတ်လွှင့်ပေးရန်နှင့် ငြိမ်ဝပ်ပိပြားမှုတည်ဆောက်ရေးအဖွဲ့မှ ထုတ်ပြန်ချက်များအား ထုတ်လွှင့်ခြင်းမပြုရန် မစ္စတာဆူထစ်က တောင်းဆိုထားခဲ့ပါသည်။ ယင်းလှုပ်ရှားမှုမှာ မစ္စ ယင်းလပ် အစိုးရအဖွဲ့အပေါ် စွပ်စွဲထား ချက်များအား ပိုမိုခိုင်မာအားကောင်းလာစေရန်နှင့် နေရာအနှံ့မှ ဆန္ဒပြနေသူများအား မေလ ၁၁ ရက်နေ့ ဆန္ဒပြမှုကြီးတွင် ပူးပေါင်းပါဝင်လာစေရန်တို့အတွက် မစ္စတာဆူထစ် က လှုပ်ရှားခဲ့ခြင်းပင်ဖြစ်သည်။
ယာယီအစိုးရအဖွဲ့၏ ငြိမ်ဝပ်ပိပြားမှုတည်ဆောက်ရေးအဖွဲ့ဖက်မှလည်း တရားဥပဒေအရ အန္တရာယ်ရှိသောကြောင့် ယင်းဆန္ဒပြမှုကြီးတွင် ပူးပေါင်းပါဝင်ခြင်း မပြုကြရန် လူထုအား တိုက်တွန်းနှိုးဆော်ချက်များအား ထုတ်ပြန်ခဲ့ပါသည်။ ထို့အပြင် ကြားဖြတ်အစိုးရသစ်တစ်ရပ်ဖွဲ့စည်းရေးအတွက် ယာယီအစိုးရအဖွဲ့ ခေတ္တဝန်ကြီးချုပ် မစ္စတာ နီဝပ်ထမ်ရုန်ဘွန်ဆောင်ပိုင်စယ်လ်နှင့် တွေ့ဆုံဆွေးနွေးသွားရေးဟူသည့် မစ္စတာ ဆူထစ်၏တောင်းဆိုချက်ကိုလည်း ယာယီအစိုးရအဖွဲ့က ပယ်ချခဲ့ပါသည်။
မစ္စတာ နီဝပ်ထမ်ရုန်ကလည်း “မည်သည့်အကြမ်းဖက်မှုမျိုးမျှ ဖြစ်ပေါ်လာမည် မဟုတ်ဟု မျှော်လင့်ထားပါကြောင်း”ဖြင့် မေလ ၉ ရက်နေ့တွင် မှတ်ချက်ပြု ပြောကြားထားခဲ့ပါသည်။
အစိုးရဆန့်ကျင်သူများက ဂိတ်တံခါးဝများအား စုရုံးပိတ်ဆို့ထားမှုကြောင့် အစိုးရ အိမ်တော်ဝင်းအတွင်းသို့ အတိုက်အခံခေါင်းဆောင် မစ္စတာဆူထစ်တစ်ဦးတည်းသာ ဝင်ခွင့်ရခဲ့ပါသည်။
ပြည်သူ့ကြားဖြတ်အစိုးရဖွဲ့စည်းရေးနှင့် ဥပဒေပြုညီလာခံကြီးအား ရက်အနည်း ငယ်အတွင်း ကျင်းပပြုလုပ်ပေးရေးတို့အတွက် နိုင်ငံတော်တရားရုံး ချုပ်ဥက္ကဋ္ဌ၊ မေလ ၉ ရက်နေ့ညက ရွေးကောက်တင်မြှောက်ခြင်းခံခဲ့ရသည့် အထက် လွှတ်တော်ဥက္ကဋ္ဌနှင့် ရွေးကောက်ပွဲကော်မရှင်ဥက္ကဋ္ဌတို့ထံ မစ္စတာဆူထစ်က တောင်းဆိုခဲ့ပါသည်။ ထို့အပြင် ယခုချိန်တွင် နိုင်ငံတော်အတွင်းရှိ ဥပဒေပြုရေးအာဏာထောက်တိုင်ကြီးများအဖြစ် ယင်းပုဂ္ဂိုလ်ကြီး(၃)ဦးတို့က ကိုယ်စားပြုထားပါကြောင်း၊ ၄င်းပုဂ္ဂိုလ်ကြီး(၃)ဦးတို့အနေ ဖြင့် ရက်အနည်းငယ်အတွင်း ကြားဖြတ်အစိုးရသစ်တစ်ရပ် ဖွဲ့စည်းရေးကို ဆောင်ရွက် သင့်ပါကြောင်း၊ အကယ်၍ ယင်းပုဂ္ဂိုလ်ကြီး ၃ ဦးတို့က လုပ်ဆောင်ခြင်းမရှိပါက မိမိတို့ ၏ ပြည်သူ့ဒီမိုကရေစီဝါဒပြုပြင်ပြောင်းလဲရေးအဖွဲ့က လုပ်ဆောင်သွားမည်ဖြစ်ကြောင်း ဖြင့် ပြောကြားခဲ့သော်လည်း အသေးစိတ်ကိုမူ ရှင်းရှင်းလင်းလင်း ပြောကြားခဲ့ခြင်းမရှိခဲ့ ပေ။
ဝန်ကြီးချုပ်သစ်ခန့်အပ်ရေးအတွ့် ထိုင်းဘုရင်ထံမှ အတည်ပြုချက်ရယူရာတွင် အထက်လွှတ်တော်ဥက္ကဋ္ဌက အဆိုပြုလက်မှတ်ရေးထိုးတင်ပြနိုင်သူတစ်ဦးဖြစ်သော ကြောင့် ထိုင်းနီုင်ငံတွင် အထက်လွှတ်တော်ဥက္ကဋ္ဌ၏အခန်းကဏ္ဍသည် အရေးကြီးသည့် အခန်းကဏ္ဍတစ်ရပ်တွင် ပါဝင်ပါသည်။ ထို့ကြောင့် ပြည်သူ့ဒီမိုကရေစီဝါဒပြုပြင်ပြောင်း လဲရေးအဖွဲ့နှင့် ၄င်း၏မဟာမိတ်များက အထက်လွှတ်တော်ဥက္ကဋ္ဌအဖြစ် ဆူရာချိုင် လီယန်ဘွန်လတ်ချိုင်အား မေလ ၉ ရက်နေ့ညတွင် ရွေးချယ်ခဲ့ပါသည်။ ဖွဲ့စည်းပုံအခြေခံ ဥပဒေပုဒ်မ ၇ ၏အဓိပါယ်ဖွင့်ဆိုချက်နှင့်ပတ်သက်၍ လက်ရှိအချိန်တွင် အငြင်းပွားနေဆဲဖြစ်သော်လည်း အထက်လွှတ်တော်ဥက္ကဌ ဆူရာချိုင်အနေဖြင့် ဖွဲ့စည်းပုံအခြေခံဥပဒေ ပုဒ်မ ၇ အရ ကြားဖြတ်အစိုးရအဖွဲ့သစ်တစ်ရပ် ဖွဲ့စည်းရေးကို ဖိအားပေးနိုင်မည်ဟု ပြည်သူဒီမိုကရေစီဝါဒ ပြုပြင်ပြောင်းလဲရေးအဖွဲ့ဖက်မှ ယုံကြည်ထားပေသည်။
မည်သို့ပင်ဖြစ်စေ မစ္စတာဆူထစ်၏ တောင်းဆိုချက်အား နိုင်ငံတော်တရားရုံးချုပ် ဥက္ကဌ၊ အထက်လွှတ်တော်ဥက္ကဌနှင့် ရွေးကောက်ပွဲကော်မရှင်ဥက္ကဌတို့က သဘောတူ လက်ခံမည်/လက်မခံမည်ဆိုသည်ကို စောင့်ကြည့်သွားရမည်ဖြစ်သည်။
မစ္စယင်းလပ် အစိုးရအဖွဲ့အပေါ်ထောက်ခံသည့် အာဏာရှင်ဆန့်ကျင်ရေး ဒီမိုကရေစီသွေးစည်းညီညွတ်ရေးတပ်ဦး (ရှပ်နီ)အဖွဲ့ကမူ မစ္စတာဆူထစ်၏ အထက်လွှတ်တော်ကစားပွဲစီမံချက် အောင်မြင်လိမ့်မည်မဟုတ်ဟု ပြောကြားလျက်ရှိပါသည်။ ရှပ်နီခေါင်းဆောင် မစ္စတာ ကျတုဖုန်ဖရုန်ဖန်မှလည်း အထက်လွှတ်တော်အမတ်များ၏ ရွေးချယ်မှုကြောင့် အထက်လွှတ်တော်ဥက္ကဌသစ် တစ်ဦး ရွေးကောက်တင်မြှောက်ခြင်းခံခဲ့ရလျင်သော်မှ ထိုင်းဘုရင်၏ အတည်ပြုထောက်ခံချက်ရရှိရန် လိုအပ်ကြောင်းဖြင့် ပြောကြားခဲ့ပါသည်။ ဆိုလိုသည်မှာ မစ္စတာဆူထစ်၏ စီမံချက် အောင်မြင်လိမ့်မည်မဟုတ်ဟု ဆိုလိုခြင်းဖြစ်သည်။ ရှပ်နီများကလည်း မစ္စတာဆူထစ်၏ နောက်ဆုံးကစားပွဲစီမံချက်သည် ဆူပူအကြမ်းဖက်တိုက်ခိုက်မှုများ ဖြစ်ပွားလာစေရန် သွေးထိုးလှုံ့ဆော်ပေးမှုသာဖြစ်ကြောင်း၊ ယင်းသို့ ဆူပူအကြမ်းဖက်တိုက်ခိုက်မှုများ ဖြစ်ပွားလာလျင် ထိုင်းတပ်မတော်မှ အာဏာသိမ်းမည်ဖြစ်သောကြောင့် ထိုင်းတပ်မတော်အတွက် အကြောင်းပြချက်တစ်ရပ်အား ဖန်တီးပေးနေခြင်းမျှသာဖြစ်ကြောင်းဖြင့် ပြောကြားခဲ့ပါသည်။
ပြည်သူ့ဒီမိုကရေစီဝါဒ ပြုပြင်ပြောင်းလဲရေးအဖွဲ့ကလည်း ၎င်း၏ဆန္ဒပြသမားများအား အုပ်စုငယ်များခွဲ၍ ဘန်ကောက်မြို့တော်အနှံ့ လက်ပစ်ဗုံးဖြင့် တိုက်ခိုက်ခြင်းများ၊ သေနတ်ဖြင့် ပစ်ခတ်တိုက်ခိုက်ခြင်းများကို လုပ်ဆောင်လျက်ရှိသောကြောင့် ရှပ်နီများက ယင်းသို့ ပြောကြားခဲ့ကြခြင်းဖြစ်သည်။
ရှပ်နီခေါင်းဆောင် မစ္စတာ ကျတုဖုန်ကမူ ၎င်း၏ရှပ်နီအဖွဲ့ဝင်များအား စိတ်လွတ် ကိုယ်လွတ် လုပ်ဆောင်ခြင်းမပြုကြရန်နှင့် ရှပ်နီစုရုံးဆန္ဒပြပွဲကြီးကိုလည်း နခွန်ပသွန် ပြည်နယ်ရှိ ဥတ္ထရံ လမ်းမကြီးပေါ်တွင် မေလ ၁၀ ရက်နေ့ထိ ဆက်လက်ကျင်းပပြုလုပ် သွားကြရန် တိုက်တွန်းပြောကြားခဲ့ပါသည်။
ထို့အပြင် မေလ ၁၁ ရက်နေ့ အစိုးရဆန့်ကျင့်ရေး ဆန္ဒပြသူများအပေါ် ရှပ်နီအဖွဲ့ဝင်များမှ တိုက်ခိုက်မှုများ လုပ်ဆောင်သွားလိမ့်မည်မဟုတ်ကြောင်း၊ ရှပ်နီ အဖွဲ့ဝင်များသည် ဒီမိုကရေစီစနစ်အပေါ် အကာအကွယ်ပေးရန်အတွက် တာဝန်ရှိကြောင်း၊ ထိုင်းတပ်မတော်မှ အာဏာသိမ်းခဲ့မည်ဆိုလျင်လည်း ရှပ်နီအဖွဲ့ဝင် များက စုရုံးဆန္ဒပြသွားကြမည်ဖြစ်ကြောင်းဖြင့် ပြောကြားခဲ့ပါသည်။
မေလ ၁၁ ရက်နေ့ ယခုသီတင်းပတ်ကုန်ချိန်အတွင်း၌ ဖြစ်ပေါ်လျက်ရှိသည့် ထိုင်းနိုင်ငံရေးအခြေအနေက ထိုင်းတပ်မတော်၏ အခန်းကဏ္ဍသည် အရေးကြီးသော အခန်းကဏ္ဍတွင် ဆက်လက်တည်ရှိနေဆဲဖြစ်သည်ဟု ဖော်ပြနေပေသည်။
မည်သည့်အကြောင်းပြချက်ဖြင့်ဖြစ်စေ ဆူပူအုံကြွမှုများဖြစ်ပေါ်လာပြီး ယာယီ အစိုးရအဖွဲ့ကလည်း အခြေအနေကို ထိန်းသိမ်းနိုင်စွမ်းမရှိခဲ့ပါလျင်မူ ထိုင်းတပ်မတော် အနေဖြင့် ယင်းအခြေအနေတွင်းသို့ ပါဝင်လာစေရန် အတင်းအကြပ် ဖိအားပေးခြင်း ခံရမည်သာဖြစ်သည်။ ယင်းအခြေအနေမျိုးတွင် အဓိကအဆုံးအဖြတ်ပေးနိုင်သူများမှာ ထိုင်းဘုရင့်ကြည်းတပ်ဦးစီးချုပ် ဗိုလ်ချုပ်ကြီး ပရာယုဒ်ချန်အိုချာနှင့် ၎င်း၏ညာလက်ရုံး ဖြစ်သူ ဘန်ကောက်မြို့အခြေစိုက် အမှတ်(၁)တပ်မမှူး ဗိုလ်ချုပ် အပီရတ်ကွန်ဆုန်ဖုန် တို့ပင်ဖြစ်ပေတော့သည်။
ဘီလူးကျွန်းသား
၂၀၁၄ခုနှစ်၊ မေလ ၁၀ ရက်နေ့ထုတ် ဘန်ကောက်ပို့စ်သတင်းစာပါ သတင်းအား ဆီလျော်အောင် ပြန်ဆိုရေးသားထားခြင်းသာဖြစ်ပါသည်။
No comments:
Post a Comment