ထိုင်း-ပြင်သစ်စစ်ပွဲအပြီးတွင် တည်ဆောက်ခဲ့သည့် အနုစာဝရီ ချိုင်စမိုရာဖုန် (သို့မဟုတ်) အောင်ပွဲအထိမ်းအမှတ်ကျောက်တိုင်

 ထိုင်းနှင့်ပြင်သစ်အင်ဒိုချိုင်းနားအကြားတွင် ၁၉၄၀-၁၉၄၁ခုနှစ်များအတွင်းက စစ်မက်ဖြစ်ပွားခဲ့ပြီး ၁၉၄၁ခုနှစ်၊ မေလ (၉)ရက်နေ့တွင် ဂျပန်နိုင်ငံ တိုကျိုမြို့၌ ထိုင်းနှင့် ပြင်သစ်တို့က ငြိမ်းချမ်းရေးသဘောတူစာချုပ်တစ်ရပ်အား သဘောတူလက်မှတ်ရေးထိုး ခဲ့ကြပါသည်။ ယင်းကဲ့သို့ သဘောတူလက်မှတ်ရေးထိုးခဲ့ပြီးနောက် ပြင်သစ်တို့က ကမ္ဘောဒီးယားနိုင်ငံမှ ဘတ်တန်ဘန်နှု့် စီစိုဖုန်မြို့တို့အား ဖရာ့တဘွန်(Phra Tabong) ပြည်နယ်အဖြစ် စုဖွဲ့၍လည်းကောင်း၊ လာအိုနိုင်ငံမှ လွန်ပရာဘန်နှင့် ချန်ပက်မြို့များ အားလည်းကောင်း လွှဲပြောင်းပေးအပ်ခဲ့ရပါသည်။
 ထို့စဉ်က ထိုင်းဝန်ကြီးချုပ် ဗိုလ်ချုပ်ပလက်ပ် ပိုင်ဘွန်သည် ၎င်း၏အောင်မြင်မှု အတွက် ဘန်ကောက်မြို့ အရှေ့မြောက်ဘက်ရှိ အချက်အခြာနေရာတစ်ခုဖြစ်သော ရတ်ချာထဝီခရိုင်အတွင်းမှ ဖဟိုယိုထင်လမ်းမကြီး၊ ဖယာထိုင်လမ်းမကြီးနှင့် ရတ်ချာဝတီလမ်းမကြီးတို့ ဆုံရာနေရာတွင် ထိုင်း-ပြင်သစ်စစ်ပွဲ၏ အောင်ပွဲအထိမ်း အမှတ်အဖြစ် အနုစာဝရီချိုင် စမိုရာဖုန်(သို့မဟုတ်) Victory Monument (အောင်ပွဲ အထိမ်းအမှတ်)ကျောက်တိုင်အား စိုက်ထူခဲ့ပါသည်။
 ၎င်း အောင်ပွဲအထိမ်းအမှတ်ကျောက်တိုင် ဖွင့်ပွဲအခမ်းအနားကိုလည်း ဂျပန်နှင့် ဂျာမနီနိုင်ငံတို့မှ ကိုယ်စားလှယ်များအား တက်ရောက်ရန် ဖိတ်ကြားခဲ့သဖြင့် ဂျပန်နိုင်ငံ မှ မစ္စတာရှိုကျိတိုအီဒါနှင့် ဂျာမနီနီုင်ငံခြားရေးဝန်ကြီးဌာနမှ မစ္စတာ ရောဘတ်အိုက်စန် တို့က ၎င်းအခမ်းအနားပွဲသို့ တက်ရောက်ခဲ့ကြပါသည်။ အောင်ပွဲအထိမ်းအမှတ် ကျောက်တိုင်တွင် ထိုင်းဘုရင့်ကြည်းတပ်၊ ထိုင်းဘုရင့်ရေတပ်၊ ထိုင်းဘုရင့်လေတပ်၊ ထိုင်းဘုရင့်ရဲတပ်ဖွဲ့နှင့် အရပ်ဘက်အစိုးရအရာရှိကြီးများ ကိုယ်စားပြု ရုပ်ထုကြီး(၅)ခု အား အီတလီပန်းပုဆရာ မစ္စတာ ကော်ရာဒိုဖီရိုစီ (Corrado Feroci)(ထိုင်းအမည် စီပါဘီရာစီ Silpa Bhirasi)မှ အနောက်တိုင်းသူရဲကောင်းများပုံစံဖြင့် ထုလုပ်ပေးခဲ့ပါ သည်။
 လက်ရှိတွင် အောင်ပွဲအထိမ်းအမှတ်ကျောက်တိုင်သည် ဘန်ကောက်မြို့ရှိ အဓိက ယာဉ်ကြောများပေါင်းဆုံရာ လမ်းဆုံတစ်ခုအဖြစ် တည်ရှိနေပြီး Victory Monument အမည်ရှိ မိုးပျံရထားဘူတာရုံကလည်း အနီးတွင်တည်ရှိနေသဖြင့် အလွန် စည်ကားသည့် နေရာတစ်ခုဖြစ်ပါသည်။ ၎င်းအထိမ်းအမှတ်ကျောက်တိုင်၏ ပတ်လည် တွင် ဘန်ကောက်မြို့တွင်း ပြေးဆွဲနေသည့် ဘတ်စကားလိုင်းပေါင်းစုံတို့၏ ဘတ်စ်ကား ဂိတ်များရှိသည့်အပြင် ဘန်ကောက်မြို့မှ အခြားပြည်နယ်များသို့ ပြေးဆွဲပေးနေသည့် မီနီဗင် (Mini Van)ကားဂိတ်များလည်း တည်ရှိနေပါသည်။ အလားတူ ရတ်ခ်ျဝတီဆေးရုံနှင့် ရော်ဘင်ဆန်ကုန်တိုက်ကြီးတစ်ခုတို့ကလည်း ၎င်းအောင်ပွဲ အထိမ်းအမှတ်ကျောက်တိုင်အနီးတွင်ပင် တည်ရှိနေပါသည်။
ဘီလူးကျွန်းသား