နိုက်ဂျီးရီးယား ကျောင်းသူတွေကို ရှာဖွေဘို့ အမေရိကန်က တပ်ဖွဲ့ဝင် ၈၀ စေလွှတ်

လူသားချင်းစာနာမှု ကူညီတဲ့အနေနဲ့ အမေရိကန်ဟာ သူ့ရဲ့တပ်ဖွဲ့ဝင် ၈၀ ကို ချတ်သမ္မတနိုင်ငံသို့ စေလွှတ်ကြောင်း မေလ ၂၁ ရက်က အိမ်ဖြူတော်က ပြောပါတယ်။

ဒီတပ်ဖွဲ့ဝင်တွေဟာ နိုက်ဂျီးရီးယားနိုင်ငံမြောက်ပိုင်းနဲ့ အနီးဝန်းကျင်ဒေသတွေမှာ ဆောင်ရွက်နေတဲ့ ထောက်လှမ်းရေးလုပ်ငန်းတွေကို အထောက်အကူပြုမှာ ဖြစ်တယ်လို့ အိမ်ဖြူတော်က ထုတ်ပြန်တဲ့စာမှာ ဖော်ပြထားပါတယ်။

ဓားစားခံတွေလွှတ်မြောက်တဲ့အချိန်ထိ အဲဒီတပ်ဖွဲ့ဝင်တွေကို ချတ်နိုင်ငံမှာ ထားရှိသွား မှာဖြစ်တယ်။

တပ်ဖွဲ့ဝင်တွေစေလွှတ်မဲ့အကြောင်းကို သမ္မတအိုဘားမားက အောက်လွှတ်တော် ဥက္ကဌနဲ့ အထက်လွှတ်တော်ဥက္ကဌတို့ကို အသိပေးအကြောင်းကြားခဲ့ပါတယ်။

စေလွှတ်တဲ့တပ်ဖွဲ့ဝင်တွေမှာ လေယာဉ်ပြုပြင်ထိန်းသိမ်းရေးသမားတွေနဲ့ သတင်း အချက်အလက် စိစစ်သူတွေပါဝင်တယ်။ ဒါပေမဲ့ သူတို့ကို လက်နက်တွေ တပ်ဆင် ပေးထားတာကြောင့်မို့လို့ အောက်လွှတ်တော်ဥက္ကဌကို သမ္မတက ဥပဒေအရ လိုအပ် တယ်လို့ ပင်တဂွန်ပြောရေးဆိုခွင့်ရှိသူ ရေတပ်ဗိုလ်ချုပ် ဂျွန်ကာဘီ ကပြောပါတယ်။

ချတ်နိုင်ငံကို စေလွှတ်လိုက်တဲ့တပ်ဖွဲ့ဝင်တွေဟာ တိုက်ခိုက်ရေးတပ်ဖွဲ့ဝင်တွေ မဟုတ်ပါဘူး၊ ကင်းထောက်လုပ်ငန်းတာဝန်တွေကို အထောက်အကူပြုမဲ့တပ်ဖွဲ့ဝင်တွေ သာဖြစ်တယ်လို့ စီအင်န်အင်န်သတင်းဌာနရဲ့ တွေ့ဆုံမေးမြန်းခန်းမှာ ဗိုလ်ချုပ် ကာဘီက ပြောကြားခဲ့ပါတယ်။

နိုက်ဂျီးရီးယားမြောက်ပိုင်းမှာရှိတဲ့ စာသင်ကျောင်းတစ်ခုကနေ မိန်းကလေး ၂၀၀ ကျော်ကို ဘိုကိုဟာရမ်စစ်သွေးကြွအဖွဲ့က ပြီးခဲ့တဲ့လမှာ ပြန်ပေးဆွဲဖမ်းဆီးထားခဲ့ ပါတယ်။ အဲဒီမိန်းကလေးတွေကို အိမ်နီးချင်းဖြစ်တဲ့ ချတ် ဒါမှမဟုတ် ကမရွန်းနိုင်ငံထဲကို ပို့ဆောင်ပေးနိုင်ဖွယ်ရှိတယ်လို့ အစိုးရအရာရှိတွေက ထင်မြင်ယူဆထားခဲ့ကြပါတယ်။ ဒါပေမဲ့ မိန်းကလေးတွေ ဘယ်မှာရှိတယ်၊ နိုက်ဂျီးရီးယားထဲကနေ ထွက်သွားပြီးလား၊ မထွက်သွားသေးဘူးလားဆိုတာကိုတော့ ရှင်းရှင်းလင်းလင်း မသိရှိရသေးပါဘူး။

ဒါဆိုရင် ဘာကြောင့် အမေရိကန်တပ်ဖွဲ့ဝင်တွေကို ချတ်ကိုစေလွှတ်ရတာလဲ။

ဒီလိုလွှတ်ဘို့အတွက် ချက်စ်နိုင်ငံဟာ ပထဝီအနေအထားအရ အရေးပါတဲ့နေရာမှာ ရှိနေလို့ဖြစ်တယ်။ နောက်ပြီး ချတ်အစိုးရနဲ့ အမေရိကန်ပြည်ထောင်စုတို့ရဲ့ ဆက်ဆံရေး ဟာ ကောင်းမွန်တဲ့အနေအထားမှာရှိနေလို့လည်းဖြစ်တယ်။

အနောက်ဘာဂျီးနီးယားပြည်နယ် အရွယ်အစားလောက်ရှိတဲ့ ခက်ခဲကြမ်းတမ်းတဲ့ နေရာမှာ ကင်းထောက်လေယာဉ်တွေ ပျံသန်းပြီး ပျောက်ဆုံးနေတဲ့သူတွေကို ရှာဖွေသွားမှာဖြစ်တယ်၊ အဲဒီရှာဖွေမဲ့နေရာထဲမှာ နိုက်ဂျီးရီးယားနိုင်ငံရဲ့ အချို့ အစိတ်အပိုင်းတွေနဲ့ အခြားနိုင်ငံတွေလည်း ပါဝင်တယ်လို့ ဗိုလ်ချုပ် ကာဘီက ပြောကြားခဲ့ပါတယ်။