စစ်ပွဲအတွင်း သူရဲကောင်းတွေ အမြောက်အများပေါ်ထွက်ခဲ့ပါတယ်။ သမိုင်းမှာ ကမ္ဘည်းတင်နိုင်အောင်လည်း ဆောင်ရွက်ခဲ့ကြတယ်။ အားကျစရာ၊ အတုယူစရာ၊ သူရဲကောင်းတွေ ပြောခဲ့တဲ့စကားတွေက ယနေ့ခေတ်ကာလအထိ အတုယူစရာတွေ ပြည့်လို့နေတယ်။
မွန်ဘုရင်ရာဇဓိရာဇ်၏ သမီးတော်နှင့် လက်ဆက်ကာ ဘုရင့်သားမက်တော် ဖြစ်ခဲ့သူ သမိန်ဗရမ်း။ အင်းဝနှင့် ဟံသာဝတီတို့၏ ကာလရှည်ကြာလှသော စစ်ပွဲများအတွင်း၌ အင်းဝသားတို့အား ရွပ်ရွပ်ချွံချွံတိုက်ခိုက်ခဲ့သူ။ မြန်မာမင်းသား မင်းရဲကျော်စွာ၏ ဥပါယ်တံမျဉ်ကြောင့် မွန်သူရဲကောင်း လဂွန်းအိမ်ကျဆုံးရသည်ကို မခံရပ်နိုင်၍ အင်းဝတပ်တည်ရာသို့ တစ်ဦးတည်းဆင်ကို ချွန်းဖွင့်ကာ အပြင်းတိုက်သောကြောင့် အင်းဝစစ်သည်တို့ အများအပြား ကျဆုံးခဲ့ရဖူးလေသည်။ သုရှင် ရာဇဓိရာဇ် စစ်ဆုတ်ရာ၌ နောက်ချန်တပ်အနေဖြင့် အင်းဝသားတို့၏ စစ်ကိုခံရင်း မင်းရဲကျော်စွာလက်တွင်းသို့ကျရောက်ရကာ အင်းဝ၌ အကျဉ်းချခံနေရသူဖြစ်သည်။
အကျဉ်းခံနေရစဉ်အတွင်း မလှုပ်နိုင်အောင် သံခြေချင်းခတ်၍ နှစ်ရှည်လများထားသဖြင့် ပုထုဇဉ် လူသားတစ်ဦးအနေနှင့် မိမိအား ညှင်းပန်းနှိပ်စက်သူတစ်ဦးကို လက်စား ချေထုတ်ပြန်လိုသည့် စိတ်ကဖြစ်ပေါ်တတ်တာ။ ထို့အတူ သမိန်ဗရမ်း ၏ စိတ်ထဲတွင် အင်းဝသားတို့အား လက်စားချေချင်တဲ့စိတ်က ဖြစ်ပေါ်မှာ မလွှဲဧကန်။
သို့သော် အင်းဝသို့ ပြည်ပစစ်ရောက်ချိန်တွင် အင်းဝပျက်ကာ ကစင့်ကလျားဖြစ်ပြီး မိမိလွတ်မြောက်နိုင်မည်၊ အင်းဝသားတို့အား လက်စားချေနိုင်တော့မည်ဟု မျက်တောင် မွှေးတစ်ဆုံးမတွေး၊ အင်းဝသည် ဟံသာဝတီ၏ တံခါးပေါက်ဖြစ်သည်၊ အင်းဝနှင့် မိမိတို့ဟံသာဝတီသည် စစ်ပြုမြဲဖြစ်ခဲ့သော်လည်း တိုင်းတပါးသားတို့ ဝင်ရောက်ကျူးကျော်ချိန်တွင် အင်းဝနှင့်ဟံသာဝတီတို့ပေါင်း၍ တိုက်မှတော်မည်ဟု အမျိုးသားရေးအတွေး တွေးသည်။ အင်းဝသားတို့အပေါ် မကျေနပ်မှုများရှိသော်လည်း၊ "အင်းဝနိုင်ငံကြီး တည်တံ့ခိုင်မြဲ၍ ကိတ္တိယဿကျော်စောခြင်းနှင့် ပြည့်စုံစေလိုသည်။ မြို့သူမြို့သား ရဟန်းပုဏ္ဏားများအား ချမ်းသာသုခတို့နှင့် ပြည့်စုံစေလို၍ ဖြစ်သည်" ဟု ရဲရဲတောက်ဆို၍ စီးချင်းတိုက်ရန် တာဝန်ယူသည်။ ပြုနိုင်ခဲလှစွာသော သီးခံခြင်း၊ အမြင်ကျယ်ခြင်း တို့ပင်ဖြစ်သည်။
ဤသည်ကိုထောက်ရှုခြင်းဖြင့် သူရဲကောင်း သမိန်ဗရမ်း၏ စိတ်ထဲတွင် အရေးကြုံလျင် မိမိတို့ပြည်ထောင်စု အရေးထက် မိမိဆန္ဒကို သည်းခံချိုးနှိမ် စိတ်ထားနိုင်စွမ်းသည်မှာ သာမန်လူ ပြုနိုင်ခဲလှပေတယ်။
ကာမဏိနှင့် စီးချင်းထိုး အောင်နိုင်ပြီးသောအခါ၌လည်း အင်းဝဘုရင် မင်းခေါင်ထံ တောင်းဆိုသော အချက် ၄ ချက်ကလည်း ပဒေသရာဇ်ခေတ် သတ်စေဆိုသည့်ခေတ်၌ ရွှေနားတော် ခါးလှအသံကြားတာနဲ့ မိမိဇီဝိန်ချုပ်မှာကို မကြောက်မရွံ့ သံတော်ဦးတင်ဝံ့တာ ကြားရသူအပေါင်း ကြက်သီးမွှေးညှင်း ထမိစေပါတယ်။
ယခုအခါ သမိန်ဗရမ်းအား ငါ၏ ရာဇာဓိတာ သမီးကညာကို အပ်နှင်း၍ မဟာဥပရာဇာအဖြစ် ထားတော်မူမည်။ မှူးမတ်သေနာပတိများ ပသို့မြင်ကြပါသနည်း" ဟု မိန့်တော်မူ၏။ သို့စဉ် မှူးမတ်များက မည်သို့မျှ မတင်လျှောက်မီ သမိန်ဗရမ်းသည် ဦးခိုက်လျက်
"အရှင်မင်းကြီး၏ ရွှေဖဝါးတော်အောက်တွင် ကျွန်ုပ်ခစား၍ သည်တစ်ကြိမ် အမှုတော်ကို ထမ်းပေးသည်မှာ ဆန္ဒလေးပါးရှိပါသည်။
(၁) ကျွန်ုပ်သည် သုံ့ပန်းအဖြစ် သံခြေချင်းခတ်ထားသည့် ဒုက္ခမှ လွတ်မြောက်လိုသည့် ဆန္ဒတစ်ပါး။
(၂) အဝသာန်အဆုံးကာလတိုင်အောင် ကျွန်ုပ်၏ ကိတ္တိယဿ ကျော်စောမှုကို တည်တံ့စေလိုသည့် ဆန္ဒတစ်ပါး။
(၃) ကျွန်ုပ်အား ကွပ်မျက်စေလိုသည့် ဆန္ဒတစ်ပါး။
(၄) သို့မဟုတ် ကျွန်ုပ်အား ဟံသာဝတီပြည်သို့ ပြန်ခွင့်ပြုစေလိုသည့် ဆန္ဒတစ်ပါး
ပေါင်း ဆန္ဒလေးပါးဖြစ်ပါသည်။ ဘုရင်ကမြောက်စား၍ ဂုဏ်မမောက် မာနချိုှးနှိမ်ပြီး မိမိကသာ အကျဉ်းရာဇဝတ်သားဆိုတာ မမေ့မလျော့ လျှောက်တင်ပုံမှာ ယခု အရှင်မင်းကြီးသည် ကျွန်ုပ်အား ရာဇဓိတာသမီးကညာပေး၍ မဟာဥပရာဇာ အိမ်ရှေ့မင်းအရာဖြင့် ချီးမြှင့်တော်မူမည်ဟု မိန့်တော်မူသည်မှာ မနှိုင်းယှဉ်နိုင်သော ဂုဏ်ကျေးဇူးပင် ဖြစ်ပါသည်။ သို့သော် ကျွန်ုပ် လက်မခံပါရစေနှင့်။ အရှင်မင်းကြီးပေး သည့်ဆုကို အရှင်မင်းကြီးအား ပြန်လည်ဆက်သပါသည်"ဟု လျှောက်ထားလေ၏။
သူရဲကောင်းကိုမြတ်နိုးသော ချစ်ခင်သော လေးစားသော အင်းဝပြည့်ရှင် ဘုရင်မင်းခေါင်မှာတော့ သူရဲကောင်းတို့ရဲ့ ဆန္ဒကိုဖြည့်ဆည်း ပေးလိုသော်လည်း စစ်ပွဲချိန်၊ စစ်နည်းပရိယာယ် သဘောတရားအရ မွန်ဘုရင် ရာဇဓိရာဇ်နှင့် စစ်ပွဲမှာမပြီးဆုံးသေးသဖြင့် ယနေ့ခေတ်ချက်စ် ကစားနည်းအရ ပွန်းသာထိုးကျွေးမည်။ ရထားတော့ အကျမခံနိုင်ဆိုသလို ဖြစ်နေတာကိုက သဘာဝကျလှကြောင်းပါခင်ဗျား။
ရွှေမန်းတင်မောင်သား
ကိုးကားချက်များ
ဒေါက်တာနိုင်ပန်းလှ၏ သမိန်ဗရမ်း၂ရာဇဓိရာဇ်အရေးတော်ပုံကျမ်းမှ ကောက်နှုတ်ချက်။
လွယ်အိတ်(၁၈.ဇွန်လ.၁၂)at 11:37 PM
No comments:
Post a Comment